Nm 20:20 - Chuj San Sebastian Bible

²⁰ Palta 'ix ta'w pax win sreyl Edom chi 'a eb' 'ixtic: —May xon wal permiso tzex 'eq'ui, xchi. Ax x'aji, 'ix 'elt win rey chi yet' eb' soldado yic spechn eb' israel cha, atn eb' soldado caw tec'an, yet'n̈j eb' syamc'ab' yic owl smasnil.

Chuj San Mateo Bible

²⁰ Ix tac'vixi vin̈ sreyal Edom chi' icha tic: —Malaj permiso e c'axpajeq'ui, xchi vin̈. Ix b'at vin̈ yed' masanil eb' soldado smac eb' israel chi'. Yed'nac syamc'ab' eb' soldado chi' yic oval, te tec'anpax eb'.

Nm 20:20 ပူးပေါင်းရင်းမြစ်များ

Gn 27:41

At xo ta xchichn can 'och sc'ojl Esaú 'a Jacob, yuj tas 'ix alx can 'a yib'n̈ yuj smam cha. Yuj cha, 'ix snan 'ixtic: Jab'xoj wal 'oj in cus yuj schamlil in mam tic. Lajw xoj cha, ax in miln cham jun wu'tac Jacob tic, xchi.

Gn 32:6

Ax yic xc'ochx eb' schecb' cha, xyaln ewin 'a win Jacob 'ixtic: —Tox on̈ xit' 'a ni o'tac chi 'on̈, tic tzjaw ni wul ach scha', caw a 'oj wul ach chanoc, chan̈e ciente eb' winc ajun yet'oc, xchi ewin schecb' cha.

Salmos 120:7

A yic tzwaln 'a eb' yuj junc'ojlal cha, ax eb', a owl tznib'j eb'.

Am 1:11

A Jehová tzaln 'ixtic: A wal eb' 'aj Edom, man̈x jantcoc maysch'olnil sb'o eb', yuj cha, yowlal 'oj wa'ch yailal 'a yib'n̈ eb'. Caw spech b'eyc'oc eb' smasnil eb' yican, atn eb' israel, yic tzmilx cham eb' yuj eb', may xon jac sniwnc'ojlal eb' 'a eb', tzb'on eb' tas tznib'j yet' yowl sc'ojl chi 'a eb'. Matz 'at satc'ojlal yowl sc'ojl eb' chi yu'uj.

Nm 20:18

Palta 'ix ta'w win sreyl Edom chi 'ixtic: —Matz ex 'ec' xon 'a sat lum qui lum tic on̈, toto tzex 'ec' 'a yib'an̈ yic tzex 'eq'ui, 'oj quel yet' eb' qui soldado tic, ax ex qui pechn 'eli, xchi 'a eb'.

Nm 20:21

Ma'ix yal xon sc'ojl win sreyl Edom to 'ix 'ec' eb' israel 'a sat slum eb' cha, yuj cha, 'ix sayn eb' israel chi junx b'e 'aj 'ix 'eq'ui.

Jueces 11:17

Ata 'ix ca' cot qui checb' 'a win sreyl Edom, xcaln 'a win 'ixtic: Comnoc tzon̈ a chaj 'ec' 'a sat lum a lum tic, xqui chi 'a winac, palta ax win rey cha, ma'on̈ schaj 'e't xon winac. 'Ix qui c'ann pax 'e't qui b'a 'a lum yic win sreyl Moab, an̈jtona', ma'on̈ schaj 'e't pax winac, yuj cha, on̈ canx can 'a Cades on̈.

Jueces 11:20

Palta ma'ix schaj win Sehón yab' tas xcal on̈, ma'on̈ schaj 'e't win 'a sat slum cha. A yico', to 'ix syamb'tzej smasnil soldado, axta xc'och sb'o scamplamento 'a Jahas, 'ix ya'n owl quet' on̈.