Nm 20:1 - Chuj San Sebastian Bible

¹ A 'a yic b'ab'l 'uj, 'ix c'och eb' israel 'a lum cusltac lum tzcuch Zin, ata 'ix can eb' jun tiempoal 'a yol smacb'en Cades. Ata 'ix cham 'ix María yanb' Moisés, a pax ta 'ix mucx cani.

Chuj San Mateo Bible

¹ A d'a b'ab'el uj, ix c'och eb' israel d'a tz'inan luum scuch Zin. Ix aj eb' jun tiempoal d'a yol yic Cades. Ata' ix cham ix María yanab' vin̈aj Moisés, ix mucchajcanem ix ta'.

Nm 20:1 ပူးပေါင်းရင်းမြစ်များ

Gn 14:7

Ax yic xmeltzj win rey Quedorlaomer yet' smasnil eb' ajun yet'oc, 'ix 'emch eb' 'a En-mispat, a jun lugar chi tzcuch pax Cades. Ata 'ix ya'cn lajwc 'el eb' smasnil tastc 'ix chachj yuj 'a yol b'e, 'a yol yic eb' amalecita. 'Ixta 'ix yutj can pax eb' ewin amorreo 'ay 'a yol yic Hazezon-tamar.

Salmos 29:8

A yol sjaj, a tz'a'n 'ib'xoc eb' lum cusltac lu'um; a tz'a'n 'ib'xoc lum cusltac lum 'a yol yic Cades.

Ex 15:20

A 'ix María schecb' Dios yanb' Aarón, xyij chan̈ spandereta, sjucb'tzan eb' yit 'ixl cha yic tzyucn eb' spandereta, xlaj b'atj chan̈ eb' yuj stzaljc'ojlal.

Ex 2:4

Ax jun 'ix yanb' win 'unn cha, a 'ix xtan̈wni can jun snul'j chi 'a sti a cha; ton̈j tznajt 'ilj 'ati, tas tz'aj win 'unn cha.

Ex 2:7

Ax 'ix yanb' win 'unn cha, 'ix c'och 'ix 'a stz'ey 'ix yisl win rey cha, xyaln 'ix 'ixtc 'a 'ix: —¿Tzam yal a c'ojol, tz'at wawtc cot junc eb' 'ix israel cha, sec tzwul ya' chuw 'ix jun tz'ulc 'unn tic? xchi 'ix.

Ez 47:19

Ax 'a stojlal sur, tz'atx smon̈jonal chi 'a chon̈b' Tamar, tz'ec' 'a 'aj 'ay a spac'b'a Meriba-cades, tz'e'x 'a 'aj 'ay jun ch'oln yic Egipto masnto 'a a Mar Mediterráneo.

Miqueas 6:4

'In an wijnac 'elt eb' e mam eyichm 'a Egipto, in coln 'elt eb' 'a 'aj 'aych mosoal. An in checjnac 'at Moisés, Aarón yet' pax María, yic sjucb'tzax eb'.

Nm 12:1

A 'ix María yet' Aarón syamn 'och eb' yaln tu paxti 'a spatc Moisés, yujto a jun 'ix cusita x'och yistloc.

Nm 12:10

A yic 'ix 'elx jun 'asn chi 'a yib'n̈ Mantiado cha, ax María 'ix pitzw chan̈ lepra 'a sniwnal, caw wal sac x'aj yuj jun yab'il cha. Ax Aarón 'ix 'at q'ueln 'a María, ax xyilni to 'ayx 'och lepra 'a 'a.

Nm 12:15

Yuj cha, 'ix 'ijx 'el María 'a spatquil 'el camplamento 'a uque c'ual. Ya' sb'a x'elcn 'ix, ax eb' chon̈b' cha, 'ix cann̈j eb' 'a yet'l cha, masnto xc'ochx 'ix 'a eb'.

Nm 13:21

'Ix syamn 'och eb' winc chi smaclni yil lum lum chi 'a lum cusltac lum yic Zin, masnto xc'och eb' 'a Rehob, 'a sla'nil xo Hamat.

Nm 13:26

A 'a lum Cades yic lum cusltac lum yic Parán, ata 'ayc' Moisés, Aarón yet' smasnil eb' chon̈ab'. A yic xjapx eb' 'ilm lum cha, 'ix laj yalnc eb' tas xlaj yil eb'. Sch'oxn eb' 'ilxoc sat te 'awb'ente 'ay 'a lum lum cha.

Nm 20:16

Yuj cha, 'ix qui c'an scolwal Jehová quet'oc, 'ix yab'n yel caw 'a 'a, xya'n cot jun yángel yic on̈ yi'n 'elt 'a Egipto. Ax ticnec, caj 'a yol smacb'en Cades 'a smon̈jonal lum e lu'um.

Nm 20:22

'Ix 'elx smasnil eb' israel 'a Cades, stojlb'tzan 'at sb'a eb' 'a stojlal lum switzl Hor, 'a sla'nil smon̈jonal lum Edom.

Nm 20:28

A yic xc'och eb' 'a lum jolm witz cha, 'ix yi'n 'el Moisés spichl Aarón, ax 'a win Eleazar, ata 'ix ya'x can 'ochi. Xlajw xoj cha, xchamcn Aarón 'a lum jolm witz cha. Cojxn cha, 'ix pax 'emt Moisés yet' Eleazar.

Nm 26:59

Ax win Amram cha, 'ix yij sb'a win yet' jun 'ix yin̈tl Leví, atn 'ix tzcuch Jocabed. Ata 'aljnac 'ix 'a Egipto. A Amram yet' Jocabed, atn smam snun Aarón, Moisés yet' 'ix María.

Nm 27:14

yujto ma'ix eyiclj eyi'n chan̈ in b'i 'a lum cusltac lum tzcuch Zin, yic 'ix q'ue wan yaw eb' 'anma 'ayin, yic sc'ann eb' yuc' a', xchi. (A jun tic, ujnac 'a a a tzcuch Meriba 'a yol yic Cades, 'a lum cusltac lum tzcuch Zin.)

Dt 1:46

Yuj ton wal cha, najtl tiempo on̈ canc 'a yol smacb'en lum Cades, xchi Moisés.

Dt 2:14

Yictax on̈ cotc 'a lum Cades-barnea masnto on̈ 'e'tec 'a yojl a Zéred, ata xtz'acw 38 ab'il qui cotec. A 'a yic jun tiempoal cha, lajwnacx scham eb' winc to smoj yoch soldadoil yic queltec 'a Egipto, ata x'el'ch jun sti Jehová ya'jnac.

Dt 32:51

Yujto ax tic e chawn̈il, 'ix e ten tas 'ix wala, ma'ix eyij chan̈ in b'i 'a yojltac eb' eyit chon̈ab', yic 'ayx 'ec' 'a sti a a tzcuch Meriba-cades, 'a lum cusltac lum tzcuch Sin.

Jueces 11:16

A yic quelt 'a Egipto, a 'a lum cusltac lum 'aj on̈ b'ey coti, yic on̈ jaw 'a sti a Chac Mar, masnto on̈ c'och 'a Cades.