Nm 2:2 - Chuj San Sebastian Bible

² A yic 'oj sb'onc chan̈ eb' israel scamplamento 'a junc lugar, najt wal tz'el eb' 'a spatquil in Mantiado 'a 'aj tzin chaj in b'a eyet'oc, junjn c'aj eb' 'a stz'ey sbandera, a tzyal smacquixtacl yaj yin̈tl junjn c'aj eb'.

Chuj San Mateo Bible

² Ayic sb'oanq'ue scampamento eb' israel d'a junoc lugar, junjun tz'aj d'a yalan̈ sbandera yed' junjun macquiltaquil, yovalil najattac val tz'ajel eb' d'a spatic yichan̈ mantiado, aton b'aj tzin ch'ox in b'a.

Nm 2:2 ပူးပေါင်းရင်းမြစ်များ

Salmos 74:4

Ach qui Diosal on̈, a eb' 'ajc'ojl yajch 'ayach, tzya'l eb' yaw yet' tzaljc'ojlal 'a yol a cajnub' 'aj qui chajnac qui b'a et'oc. Ax sbandera eb' chuc chon̈b'al a 'ix yac'q'ue eb' ta'.

Salmos 76:11

Ca'c qui ti 'a Jehová qui Diosalec, palta tzca'n 'el'choc. E masnil ex nacion̈ oyn ex 'och 'a sla'nil schon̈ab', 'ijec cot eyofrenda 'a 'a, yujto smoj 'ay yel'ch 'a e sat.

Is 12:6

Ex 'aj Sión, 'el cab' eyaw yuj tzaljc'ojlal yujto a qui Diosal an̈ israel on̈c tic, atn jun Dios To Cojxni, caw 'ay smay, 'ayc' 'a qui calec, 'oj e chioc.

Is 18:3

E masnil ex wit 'anmal cajn 'a yolyib'n̈q'uinl tic, 'ab'ec, sec 'oj eyil yajx q'ue jun bandera 'a lum jolm witz, ax eyab'n yutz'x trompeta ta'.

Ez 43:7

xyaln 'ayn 'ixtic: Ach 'anma', atn wal jun lugar tic 'aj 'ay in despacho. Atn 'a tic 'oj in can cajn 'a e cal ax israel ex tic 'a jun 'ejmn̈ej. Man̈x b'a'n̈ 'oj spatquilc can 'el eb' et chon̈b' chi in b'i, man̈x 'oj ya'ch eb' smul sb'on chan̈ munamento 'a yib'n̈ yet'l eb' xi'lb'a 'a stz'ey watut, atn 'aj tzmucx eb' sreyl eb'.

Zacarías 9:16

A wal 'a yic jun c'ul cha, a Jehová Dios, a 'oj colnc 'el schon̈ab', 'icha tzyutj junc 'ilm calnelu scoln 'el scalnelu. Caw wal tzictzni 'oj 'aj yilx eb' yic Dios 'a yol schon̈ab', 'icha wal q'uen q'uen man̈x jantcoc swach'l yilx 'aych 'a junc corona.

Nm 1:50

Yujto a eb' levita chi 'oj a'ch ya'malc servil in cajnub' 'aj 'ayc' scaxail in trato, yet' smasnil yamc'ab' tzc'anlb'ax 'a 'a. An̈jtona', a eb' 'oj 'i'nc b'ey jun in cajnub' chi yet' smasnil syamc'ab'il. Yowlal tzcann̈j cajn eb' 'a spatquil 'el in cajnub'.

Nm 10:14

Ax eb' soldado 'et'jnac sbandera Judá, a eb' b'ab'el; a Naasón yunnal Aminadab a 'aych syajlilc eb'.

Nm 10:18

'Ixta to b'i'an, 'ix cot eb' soldado 'et'jnac sbandera Rubén; a Elisur yunnal Sedeur a 'aych syajlilc eb'.

Nm 10:22

Xlajw cha, 'ix cot eb' soldado 'et'jnac sbandera Efraín; a Elisama yunnal Amiud a 'aych syajlilc eb'.

Nm 10:25

Ax 'a slajub', 'a spatc smasnil jun tzo'n̈ soldado cha, ata 'ix 'och tza'n eb' 'et'jnac sbandera Dan; a Ahiezer yunnal Amisadai a 'aych syajlilc eb'.

Nm 2:1

'Ix yaln Jehová 'a Moisés yet' 'a Aarón 'ixtic:

Nm 2:10

Ax 'a stojlal sur, ata 'oj 'aj scamplamento eb' soldado 'et'jnac sbandera eb' yin̈tl Rubén. A eb' soldado 'a yin̈tl Rubén cha, a Elisur yunnal Sedeur a 'aych syajlilc eb', a sb'isl eb' 'ay 46,500 soldado.

Nm 2:3

A 'a stojlal 'aj tzq'uel c'u, ata 'oj 'aj scamplamento eb' soldado 'et'jnac sbandera eb' yin̈tl Judá. A Naasón yunnal Aminadab a 'aych syajlilc eb' soldado 'a yin̈tl Judá, a sb'isl eb' 'ay 74,600 soldado.

Nm 24:2

Ax xyiln 'at Balaam to latz'mtac yaj scamplamento junjn 'in̈tal eb' israel, yuj cha, 'ix 'och Yespíritu Dios 'a 'a.

1 Co 14:33

Toto ton̈j tzon̈ somljiec calni, man̈oc 'a Dios tzcot jun cha. Yujto tznib'ej, sictac tzon̈ 'ajec. A sb'eyb'al eb' creyente 'a junjn iglesia, caw sictac tz'aj eb' 'ix 'ix.

1 Co 14:40

Caw wach' tzeyutj e b'on smasnil tas, sec tz'och 'a stzolil.

A Scarta San Pablo D'a Eb' Aj Filipos 1:27

Palta wach'xam 'oj in c'ochx 'ayex, wach'xam ma'ay, caw wach'n̈j tzeyutj e b'eyb'al 'icha tzyal jun wach' 'ab'x yic Cristo. Toto 'ixta', 'oj wab' eyab'xil, chajtlto an̈ja te'n ex, to an̈ja junn̈j yaj e nab'en ta'. 'Oj wab' paxi, to junn̈j tzeyutj eya'n 'och e c'ojl 'a jun wach' 'ab'x yic colnb'il, caw te'n tzeyutj e b'a 'a 'a.

A Scarta San Pablo D'a Eb' Aj Colosas 2:19

Yuj cha, man̈xtzac ya'ch eb' snab'en 'a Cristo. Palta 'icha qui jolom, 'ixta yaj Cristo 'ayn̈ec. Yujto a tz'a'n quipec, tzon̈ wach' te'nb'iec yu'uj. Yu'uj, caw junn̈j tzon̈ 'ajc qui masnil 'icha tznib'j Dios.

Josué 3:4

'Ixta 'oj eyutc eyojcan 'el jun b'e 'aj 'oj eyec' cha, yujto mant 'a xon junc mach 'ojtnac jun b'e cha. Palta man̈ ex c'och 'a sla'nil jun caxa cha, najt tza'n e 'ati. Tzex can cab' junc kilómetro 'a spatquil, xchi eb' 'a eb' 'anma cha.