Nm 19:8 - Chuj San Sebastian Bible

⁸ Ax win winc tz'a'n tz'a no wacx cha, yowlal tzju'l pax win spichul, tz'achn can paxi, palta man̈ wach'c jun winc cha, masnto yic tzq'uic'b'i.

Chuj San Mateo Bible

⁸ Axo vin̈ ix n̈usantz'a noc' vacax chi', sjuc'paxel spichul vin̈, sb'icanpaxel sb'a vin̈, palta manto vach'oc yaj vin̈ icha yalan ley masanto d'a yemc'ualil.

Nm 19:8 ပူးပေါင်းရင်းမြစ်များ

Lv 11:25

Tzann̈j mach tzsi'n chan̈ sniwnal junc no chamnc noc', yowlal tzju'l spichul, palta man̈ wach'c tz'ajcn yu'uj masnto yic tzq'uic'b'i.

Lv 16:28

A win tz'a'n tz'a no cha, yowlal tzju'l win spichul, tz'achn paxi, 'ixta to b'i'an, tztac' yochx 'a yol camplamento cha.

Lv 17:15

Tzann̈j israelal mto chuc chon̈b'al tzchin schib'jal junc no noc' mun tzchami, mto a junc no calte'al noc' tzmilni, yowlal tzju'l jun 'anma chi spichul, tz'achn paxi, palta mant wach'oc masnto yic tzq'uic'b' 'ejmi. Tz'e'cn jun cha, 'ixta to b'i'an tzb'ox can paxi.

Nm 19:21

A jun tic ley tz'aj 'a smasnil tiempo. A mach tzicn 'och a a chi 'a junc xo mach, yowlal to tzju'l spichul. A mach tzyamn a a tzsacb'tzan 'anma', a jun cha, man̈ wach'oc masnto yic tzq'uic'b'i.

Nm 19:7

Tzlajw cha, tzju'n 'el win spichul, tz'achn paxi, 'ixta to b'i'an, tztac' yoch 'a yol camplamento cha, wach'xam mant wach'c wal 'icha yaln ley, to masnto 'a yic tzq'uic'b'i.

Nm 19:9

Ax junc xo win winc wach' yaj 'icha yaln ley, a tzmolb'tzan stan̈il no wacx cha, tzlajw cha, tz'at ya'nc can 'el 'a spatc 'el camplamento, 'a junc lugar to wach'. Ax jun tan̈ cha, a 'oj sc'an eb' israel yic tzb'on eb' a a', a tzc'anx 'a yic tzsacb'tzan sb'a eb' chon̈ab'. A jun tic, xajmb'al yic mul tz'aji.