Nm 19:19 - Chuj San Sebastian Bible

¹⁹ A junc mach wach' yaj cha, a tzicn 'och a a chi 'a jun man̈ wach'c yaj cha, 'a schab'jial tzicx 'och a 'a 'a, ax 'a yucl c'u cha, ax sb'ox can 'el'chi. A junc 'anma man̈ wach'c yaj cha, tzju'l spichul, tz'achn paxi, sec tzb'oxcan yuj a a cha. Palta man̈ wach'oc masnto yic tzq'uic'b'i.

Chuj San Mateo Bible

¹⁹ A jun anima vach' yaj chi', a' stzicanb'at a a' chi' d'a yib'an̈ eb' man̈ vach'oc yaj chi' d'a schab'jial yed' d'a svac'jial. Slajvi chi', a d'a svac'jial chi', sjuc'anel spichul eb', sb'icanpaxel sb'a eb' yic sacb'ican eb'. Icha chi' vach'xo tz'ajcan eb' d'a yemc'ualil.

Nm 19:19 ပူးပေါင်းရင်းမြစ်များ

Ex 19:10

Yuj cha, 'ix yaln Jehová 'ixtc 'a 'a: —'Ixic, 'at al 'a eb' chon̈b' cha, to tzb'o sb'a eb' ticnec, yet' q'uic'an, tzju'n pax 'el eb' spichul, yujto 'oj 'och eb' 'emmquilal 'ayin.

Ez 36:25

'Oj ex in sacb'tzoc can yuj smasnil tas maysch'olnil 'ix e b'o'o, 'icha tzyac' junc tas tzb'icx 'el yet' a a caw wal yaxt'ujnac yilxi. 'Oj wi'cn 'el e mul 'aych 'ayex, atn yic xeya'n 'ejm e b'a 'a jun tzo'n̈ comn dios.

Lv 14:7

Ax win 'oj tzicnc 'och uc 'ejmoc schic'l no ch'ic chi 'a junc 'anma 'aj tz'ec' lepra cha, tzyaln winac, to tztac' xo yaj 'a scal yit 'anma'il. Ax no ch'ic pitzn to cha, tz'actx can pax 'el no 'a libre.

Lv 14:9

Ax 'a yucl c'u cha, caw wach' tz'aj sjoxx 'el xil sjolm smasnil, wach' tzyutj yi'n 'el xil sti', tzjosn 'el xil sat yet' smasnil xil smatzab', tzju'n 'el spichul, tz'achn paxi, 'ixta to b'i'an, tztac' yochx 'a yol yatut.

Nm 19:12

A yic schab'jil syamn junc chamnc cha, tzsacb'tzan sb'a yet' a a cha, ax 'a yucb'ixial b'i'an, wach'xo tz'ajcni. Palta toto matz sacb'tzej sb'a 'a schab'jial, ax 'a yucb'ixial cha, man̈ wach'c tz'ajcni.

Nm 19:13

Toto 'ay mach tzyamn sniwnal junc chamnc cha, matz sacb'tzej sb'a, tzjuw 'el in cajnub' yu'uj, yujn̈ej cha, tz'ijx 'el 'a scal yit chon̈ab', yujn̈ej to matz sacb'tzej sb'a yet' a a cha, to man̈ wach'c yaj 'icha yaln ley.

Nm 19:18

Tzlajw cha, ax junc winc wach' yaj 'icha yaln ley, a tz'i'n cot junc te sc'ab' hisopo, tzlab'n 'ejm 'a scal jun a a cha, tzicn 'och 'a yib'n̈ jun mantiado cha, tzicn 'och 'a smasnil lum chen mto lum xalu, yet' pax 'a smasnil eb' 'anma 'ay 'a yojl jun mantiado cha, an̈jtona tzicx 'och 'a jun mach tzyamn sniwnal junc chamnc cha, mto sb'acl junc 'anma milb'il chamoc mto mun chamnac, mto junc yet'l chamnc cha.

Nm 31:19

E masnil ax xe mil cham eb' 'anma cha, mto xlaj eyam sniwnal eb' chamnac, tzex can 'a sti 'el camplamento 'a uque c'ual. Ax tic yet' eb' 'icha presoal yaj eyu'uj, yowlal tze sacb'tzej e b'a 'a schab'jial yet' 'a yucb'ixial cha.

Nm 31:24

Ax 'a yucl c'ul cha, tze ju'l e pichul. 'Ixta tzex 'aj e b'ox cani. 'Ixta to b'i'an, tztac' eyochx 'a yol camplamento, xchi Eleazar.

Tito 2:14

A xyac' cham sb'a cu'uj, sec tzon̈ scol 'a yol sc'ab' maysch'olnil. A 'ix 'i'n 'el smasnil qui mul, sec wach' an̈j 'ayn̈ yico', sec an̈j jun tzo'n̈ tas wach' tzqui b'o'.

A Ch'an̈ Carta D'a Eb' Hebreo 10:22

Yuj cha, 'a smasnil qui c'ojol, tzqui nitznec 'och qui b'a 'a stz'ey Dios. Caw ca'c 'och wal qui c'ojl 'a si'mb'il. Yujto sacb'tzab'ilx qui pixnec yu'uj, sec man̈x 'a maysch'olnil 'aych 'a qui nab'enec. Ax qui niwnalec, b'icb'ilx yuj jun a a caw ya'ax.

1 Jn 1:7

A Dios sacq'uinl yaji. Toto tzqui b'eylb'ejc 'icha sacq'uinlal cha, caw junxn̈ej yaj qui nab'enec qui masnil. Ax schic'l Jesucristo Yunnal, a tz'i'n 'el smasnil qui mul 'aych 'ayn̈ec.

San Judas 1:23

Yet' pax eb' 'icha to 'ay't 'a scal c'ac', qui colc 'elt eb'. 'Icha to wan qui to'nec can 'elt eb' 'a scal c'ac' cha. 'Ay pax jun tzo'n̈ xo eb', yowlal tz'o'ch qui c'ojlec 'a eb'. Palta xiw coyc cab' pax yuj eb', yujto 'ay smay tzon̈ juwc 'el yuj sb'eyb'al eb'. Ax jun tzo'n̈ maysch'olnil chi tzb'o eb' cha, caw qui yajc can 'el smasnil, 'icha tzqui yajc 'el junc pichl caw b'i'chtac.