Nm 19:14 - Chuj San Sebastian Bible

¹⁴ Atn jun tzo'n̈ ley tic, toto 'ay mach tzcham 'a yojl smantiado: Smasnil eb' 'ayc' 'a yojl jun mantiado cha, yet' eb' tzat 'och 'a yojol, man̈ wach'c tz'ajcn eb' 'a uque c'ual.

Chuj San Mateo Bible

¹⁴ Aton juntzan̈ sleyal tic d'a junoc mach scham b'aj ay scajnub': Yaln̈ej mach tz'och ta', ma junoc ayec' ta', man̈ vach'oc tz'ajcan d'a uque' c'ual.

Nm 19:14 ပူးပေါင်းရင်းမြစ်များ

Ez 39:12

Ax eb' israel cha, uque 'uj 'oj yac' eb' smucn eb' chamnc cha, 'ixta to b'i'an, ax sb'ox can slum eb' cha.

Ez 44:26

Tzlajw cha, tzsacb'tzan pax sb'a yujto tzyam jun chamnc cha, yowlal tztan̈wj yec' uque'oc c'u,

Lv 14:54

Atn jun tzo'n̈ checnb'il tic 'a yib'n̈ jun yab'il tzcuch lepra, yuj tas tz'aj spitzw chan̈ 'a junc 'anma', junc ton̈j tzmal cha'an̈, mto c'on yab'il, mto sacjech', mto yuj sc'uxmtacl te pichul mto yuj tas petquixtac 'a te n̈a,

Lv 15:32

Atn jun tzo'n̈ ley tic 'a eb' winc 'ay tas tz'el 'a 'a, mto tztob' yin̈til, man̈ wach'c tz'ajcn eb' yuj jun cha.

Lv 21:1

'Ix yaln Jehová 'a Moisés 'ixtic: Al jun tzo'n̈ tic 'a eb' ya'mal 'och sti eb' 'anma', atn eb' yin̈tl can Aarón, tzal 'a eb', to matz yixtj 'el sb'a eb' 'a sat ley, yic tzc'och eb' 'a stz'ey junc chamnc 'anma 'a yol schon̈ab'.

Lv 21:11

An̈jtona', matz tac' pax yixtn 'el sb'a yuj yoch 'a 'aj 'ayc' junc chamnc 'anma', wach'xam a smam mto snun.

Nm 19:13

Toto 'ay mach tzyamn sniwnal junc chamnc cha, matz sacb'tzej sb'a, tzjuw 'el in cajnub' yu'uj, yujn̈ej cha, tz'ijx 'el 'a scal yit chon̈ab', yujn̈ej to matz sacb'tzej sb'a yet' a a cha, to man̈ wach'c yaj 'icha yaln ley.

Nm 19:15

Smasnil lum chen mto lum xalu, man̈ wach'c yaj q'ue smacl sti', an̈jtona man̈ wach'c tz'ajcni.

Nm 31:20

Tze sacb'tzej pax smasnil e pichul, yet' smasnil eyamc'ab' to tz'u'um, mto xil chiwo, mto te', xchi Moisés.

Nm 5:2

Al 'a eb' et israelal cha, to tz'ijx 'el eb' 'anma ya'ay yuj lepra 'a spatc 'el camplamento yuj eb', eb' tztob' yin̈tl yuj junc yailal 'aych 'a 'a, mto eb' tzyamn junc chamnc 'anma'.

Nm 6:6

A 'a yic jun tiempoal cha, matz tac' sc'och 'a stz'ey junc chamnc 'anma',

Nm 6:9

Toq'ue jun yaj yet' junc 'anma tzchami, yuj cha, man̈ wach'c tz'ajcn xil sjolom, jun 'ac'b'il cob' 'ayn yu'uj. Toto 'ixta', ax 'a yucl c'ual, tzya'n joxxoc 'el xil sjolm cha, atn 'a yic sc'ul tzsacb'tzaxi.

Nm 9:6

Palta a 'a scal eb' cha, 'ay jun tzo'n̈ winc man̈ wach'c xyutj sb'a, yujto 'ix syam eb' jun chamnc 'anma', ma'ix stac' snan eb' jun q'uin̈ chi 'a jun c'u cha. Yuj cha, 'ix 'at eb' yil Moisés yet' Aarón 'a jun c'u cha.