Nm 18:9 - Chuj San Sebastian Bible

⁹ Smasnil jun tzo'n̈ 'ixm harina tz'ajx ofrendail 'ayn yuj eb' israel, 'ixm tzyac' eb' yet' no xajmb'al tz'a'i, no tz'a'n lajwc mul, yet' no yic stojl mul, a jun tzo'n̈ xajmb'al tic, caw niwn yel'chi, palta an tzwac' 'aych yet' eb' onnal.

Chuj San Mateo Bible

⁹ Masanil ofrenda tz'ac'ji d'ayin, a in svac' d'ayach yed' d'a eb' uninal, aton juntzan̈ max tz'alaj: Ofrenda yic ixim trigo, silab' yuj yac'ji tup mul yed' silab' yuj stupchaj mul.

Nm 18:9 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 12:17

A 'a yic jun tiempoal cha, a Hazael sreyl chon̈b' Siria, 'ix yac' owl yet' chon̈b' Gat, 'ix 'ajx ganar Gat chi yu'uj. Xlajw cha, 'ix 'at ya'nc owl yet' Jerusalén.

Nehemías 10:36

An̈jtona', 'oj qui'c 'at eb' qui b'ab'l 'unnal, no sb'ab'l 'une qui wacax, no sb'ab'l 'une qui calnelu yet' sb'ab'l 'une qui chiwo 'a yatut qui Diosalec, 'a yojltac eb' ya'mal 'och qui ti 'a Dios, atn eb' tzmunlj 'a yatut qui Diosalec cha, 'icha yaj stz'ib'x can 'a ch'an̈ ley.

Ez 42:13

'Ix yaln jun winc chi 'ayn 'ixtic: A jun tzo'n̈ cuarto 'ay 'a sti 'amc' 'a stojlal sur, yet' jun tzo'n̈ xo 'ay 'a stojlal norte, yicn̈ej eb' ya'mal 'och sti eb' 'anma 'a Dios yaji. Atn eb' tz'a'n servil Jehová, ata tzc'ux eb' jun tzo'n̈ xajmb'al tz'ajx 'a Dios. A pax ta tzmol eb' jun tzo'n̈ xajmb'al mto jun tzo'n̈ ofrenda tz'ajx yuj yajx lajwc mul, mto yuj stojloc mul cha. A jun tzo'n̈ cuarto cha, to yic Dios yaji.

Ez 44:29

Smasnil tas tzeyac' ofrendail 'ayin, yic eb' yaji, a eb' 'oj c'uxnoc. 'Icha no xajmb'al tz'ajx yuj mul, no tztojn lajw mul yet' jun tzo'n̈ tas tzc'uxxi.

Lv 10:17

¿Tas yuj ma'ix e chi no xajmb'al 'a yamq'uil Mantiado? A jun xajmb'al cha, yicn̈ej Jehová yaji. Yuj cha, xya'n no 'ayex, yujto a yic tze chin no', tze cuchn can smul eb' chon̈ab', sec 'ixta wal tzyutj Jehová ya'n lajwc can smul eb' cha.

Lv 14:13

A 'aj tzcham xon no tz'ajx xajmb'al-l yuj yajx lajwc mul, yet' no xajmb'al tz'a smasnil, ata tzmilx pax no quelm calnelu cha. A jay macn̈ no xajmb'al tic, yic win ya'mal 'och sti eb' 'anma chi tz'ajcn no'. Caw niwn yel'ch junc'aj no xajmb'al cha.

Lv 2:10

Ax jacx jun ofrenda tzcan cha, yic Aarón tz'ajcn yet' eb' yunnal. Caw niwn yel'ch jab'x cha, yujto yitb'eymn̈ej sb'a yet' jun tzo'n̈ ofrenda tz'ajx tz'a 'a wojltac cha.

Lv 22:11

Palta toto a win ya'mal 'och sti eb' cha, tzman win junc smoso, a jun moso cha, tztac' sc'uxn jun tzo'n̈ tas to wic yaj cha. 'Ixta pax eb' 'aljnac 'a yatut winac, tztac' sc'uxn eb' tas tzc'ux win cha.

Lv 22:7

At yic tzmucn sb'a c'u, tzb'ox can 'el'chi. Tzlajw cha, tztac' xo sc'uxn tas to wic yaji, yujto yic xon yaji.

Lv 4:22

Toto tz'och smul junc eb' yajl yaji, palta man̈ sc'anc sc'ojl tzb'o tas 'ay yowlal sb'on yuj in checnb'il an Jehová in, yowlal tzyiclj smasnil jun tzo'n̈ 'oj wal tic.

Lv 4:27

Q'uinloc a junc 'anma may yopiso tz'och smul 'a tas 'ay yowlal yuj in checnb'il an Jehová in, palta man̈ sc'anc sc'ojol,

Lv 5:1

Q'uinloc 'ay junc mach tz'awtx 'at yala', yic tzya'n testigoal sb'a 'a junc tas tzyila mto tzyab'i, palta toto matz chaj yala', a jun cha, tz'och smuloc, tzcann̈j 'a yib'an̈.

Lv 5:6

Tztac' ya'n jun 'anma chi junc no nun calnelu mto junc no nun chiwo xajmb'al-l 'ayn an Jehová in, yuj smul cha. A yuj jun xajmb'al cha, ax yajx can lajwc smul jun 'anma cha.

Lv 6:17

A jun tzo'n̈ ofrenda cha, matz tz'an̈x yet' yich pan. A jantc to tas tzcan 'a 'a, a tzwac' 'a eb'; a jun tzo'n̈ cha, wicn̈ej yaji, 'icha yaj no xajmb'al tz'ajx yuj mul yet' no xajmb'al tztojn lajwc mul.

Lv 6:19

'Ix yaln pax Jehová 'a Moisés 'ixtic:

Lv 6:30

Palta a junc no xajmb'al tz'ijx cot schic'l 'a yojl Mantiado 'a jun lugar to wicn̈ej yaji, yuj ya'n lajwc mul, a no cha, matz tac' schix no', yowlal tz'ajx tz'a no smasnil.

Lv 7:1

Wic yaj no xajmb'al tz'ajx yuj stojl mul. Atn wal jun checnb'il tic yuj tas tz'aj yajxi:

Lv 7:6

Smasnil ewin yin̈tl eb' ya'mal 'och sti eb' 'anma', tztac' schin eb' no xajmb'al cha, palta cojn 'a yamq'uil Mantiado, yujto a jun xajmb'al cha, niwn yel'chi.

Lv 7:7

A no xajmb'al yic stojl mul, lajnn̈ej yel'ch yet' no xajmb'al yic tz'ajx lajwc mul. A no chib'j yic jun tzo'n̈ xajmb'al cha, yic win ya'mal 'och sti eb' 'anma chi yaji.

Nm 18:10

Smasnil eb' winc 'a e cal, tztac' schin eb' no xajmb'al cha, palta ata tzchi eb' 'a jun lugar to wic yaji, yujto an 'ay wic jun tzo'n̈ cha.

Dt 18:1

'Ix yaln pax Moisés 'ixtic: A eb' ya'mal 'och sti eb' 'anma 'a Dios yet' smasnil eb' yin̈tl Leví, may yaln eb' yic 'a tas 'oj scha eb' quit israelal smacloc. Yujto a tas tz'ajx xajmb'al-l 'a Jehová, a chi yic eb' yaji, a 'oj 'i'nc 'ec' tiempo 'a eb'.