Nm 18:8 - Chuj San Sebastian Bible

⁸ 'Ix yaln pax Jehová 'ixtc 'a Aarón: An 'ix wac' opiso a chan smasnil ofrenda tz'ajx 'ayn yuj eb' israel tic. A jun tzo'n̈ cha, wicn̈ej yaji, palta an xo tzwac' 'aych yet' 'a eb' onnal, sec eyic tz'ajcn jun tzo'n̈ cha. A jun tic ley tz'ajcn 'a e cal 'a smasnil tiempo.

Chuj San Mateo Bible

⁸ Ix yalanpax Jehová d'a vin̈aj Aarón chi' icha tic: A in svac' opisio a chaan masanil juntzan̈ ofrenda tz'ac'ji d'ayin yuj eb' etisraelal tic. Masanil tas syic'cot eb' chi' d'ayin, ic tz'ajcan yed' eb' uninal. A jun tic ley tz'ajcan d'a e cal d'a masanil tiempo.

Nm 18:8 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 12:16

Ax pax q'uen tumn yuj stojx lajwc mul, yet' q'uen yic tz'ajx lajwc mul, ma'ix 'ijx'at q'uen 'a yatut Jehová, yujto yic eb' ya'mal 'och sti eb' 'anma 'a Dios yaj q'ue'en.

2 Cr 31:4

An̈jtona', xyaln pax 'a smasnil eb' 'anma cajn 'a Jerusalén, to tzyac' eb' scolwal toxn tzyac' eb' 'a eb' ya'mal 'och sti eb' 'anma 'a Dios yet' 'a eb' levita, sec wach' yelc'ojlal tzyac' servil eb' Jehová, 'icha yaln ley.

2 Cr 31:5

A yic x'elt jun ley cha, 'ix yac' eb' israel jantcn̈ej tas x'el 'a sc'ojl ya'ni, jun tzo'n̈ yel xo wach': atn 'ixm trigo, yal uva, aceite, no yalchab', yet' jantcn̈ej tastc tzmol chan̈ eb'. An̈jtona', xyi'n pax cot eb' sdiesmoal sat yawb'en. Caw niwn 'ix yac' eb'.

Ex 28:43

Yowlal tzya'ch Aarón jun tzo'n̈ pichl chi yet' eb' yunnal yic tz'ochch eb' 'a yol in cajnub' 'aj tzin chaj in b'a eyet'oc. Yowlal 'aych yuj eb' yic tz'ochch eb' 'a stz'ey yet'l xajmb'al yic tzyiln eb' yopiso, sec wach' ma'oj 'och smul eb', ma'oj comn cham eb'. A jun tic, ley tz'ajcn 'a Aarón yet' 'a eb' yin̈tl b'aq'uin̈, xchi Dios 'a Moisés.

Ex 29:21

Ax schic'l no tzcan 'a yib'n̈ jun yet'l xajmb'al cha, tzac' scalc sb'a yet' jac perjuma tzc'anx 'a yic 'ay junc tas tz'och wico'oc. Tza tzicn 'och 'a Aarón yet' spichul. Tza'n pax 'och 'a eb' yunnal yet' spichul, sec 'ixta tz'aj eb' yochcn wico'oc yet' spichl cha.

Ex 29:28

A jun c'aj xo no chib'j cha, yic Aarón yaj no yet' eb' yunnal. Ley tz'ajcn jun tic 'a e cal yet' eb' eyit israelal. A jun xajmb'al tzyac' eb' 'ayn an Jehová in, xajmb'al yic junc'ojlal tz'ajcni.

Ex 29:29

A spichl Aarón tzya'ch yuj yopiso, 'oj cann̈j jun tzo'n̈ chi 'a eb' yin̈tl b'aq'uin̈. 'Oj yico'oc junc yin̈tl cha, atn junc eb' 'oj 'och sjelc ya'malc 'och sti eb' 'anma 'ayin.

Ex 40:13

Tzlajw yachn eb', tzya'n 'och Aarón te spichl yic yopiso caw wach', tza tzicn can 'och perjuma 'a 'a, sec 'ixta tz'aj yochcn ya'malc 'och sti eb' 'anma 'ayin.

Ex 40:15

Tzlajw cha, tza tzicn 'och perjuma 'a eb', 'icha wal tzotj Aarón cha. A jun perjuma tzicx can 'och 'a eb' cha, a tzch'oxn 'eli to tz'ochcn eb' 'a yopiso ya'n 'och eb' sti eb' 'anma 'ayn yet' yin̈tl 'a smasnil tiempo, xchi Dios.

Is 10:27

A 'a jun tiempoal cha, atta 'oj yi'l jun eyictz 'aych 'a eyib'n̈ yuj eb'. 'Icha tz'aj yijx 'el te yugo 'ay q'ue 'a scal sch'ac junc wacax, c'un xoj yeli, yujto wan xo laj sc'a'i, 'ixta jun eyic cha.

Lv 21:10

A win sat ya'mal 'och sti eb' 'anma', 'ay yopiso win ya'n 'och te pichl ya'ilb'il yaj sb'o'i, yujto 'ac'b'ilq'ue perjuma 'a sjolom yic si'x can 'ochi. Yuj cha, matz tac' scomn 'em tzicn xil sjolom, mto tziljat spichul yic tzch'oxn 'el junc scusc'ojlal.

Lv 23:20

Ax win ya'mal 'och sti eb' 'anma', a win tz'a'n 'och no calnelu, yet' 'ixm pan xajmb'al-l 'a wojltac, atn tas to wic yaji. Tzlajw cha, tzcancn 'a win ya'mal 'och sti eb' 'anma cha.

Lv 6:16

Ax jantc to ofrenda tzcani, 'oj sc'ux Aarón yet' eb' yunnal. A yic tzb'o'i, may yich tz'ejmi. Ata 'oj sc'ux eb' 'a yamq'uil Mantiado 'aj tzin chaj in b'a eyet'oc.

Lv 6:18

A jun cha, 'oj b'on̈j 'a smasnil tiempo. A ofrenda to wic yaji, tz'ajx tz'a'oc, tzta'n̈j sc'uxn ewin yin̈tl Aarón. Tzann̈j junc tas tztench sb'a 'a jun tzo'n̈ ofrenda cha, wic tz'ajcni, xchi Dios 'a Moisés.

Lv 6:20

A Aarón yet' eb' yunnal, yowlal tzyac' eb' junc ofrenda 'ayn an Jehová in, yic tzsi'x 'och eb' ya'malc 'och sti eb' 'anma cha. Tzyac' eb' chan̈e'oc libra 'ixm harina caw wach', yujto ofrenda yuj tas tzc'uxxi. Nan̈l tz'ajx 'och 'a wojltac 'a sq'uin̈b'ial, ax nan̈locx tz'ajx 'och 'a wojltac 'a yemc'ual. Matz tac' ya'n palta jun tzo'n̈ chi 'a junc c'u.

Lv 6:26

A win ya'mal 'och sti eb' 'anma cha, a tz'a'n jun xajmb'al cha, yuj yajx lajwc mul, tztac' schin win jac no', palta ata tzchi win no 'a jun lugar to wicn̈ej yaji, atn 'a yamq'uil Mantiado 'aj tzin chaj in b'a eyet'oc.

Lv 7:14

Tz'ijx 'el junc pan 'a junjn c'ajoc, tzlajw cha, tz'ajx 'och 'a wojltac yuj win ya'mal 'och sti eb' 'anma cha, atn win tzicn 'och schic'l no noc' chi 'a jun yet'l xajmb'al cha.

Lv 7:28

'Ix yaln pax Jehová 'a Moisés 'ixtic:

Lv 7:6

Smasnil ewin yin̈tl eb' ya'mal 'och sti eb' 'anma', tztac' schin eb' no xajmb'al cha, palta cojn 'a yamq'uil Mantiado, yujto a jun xajmb'al cha, niwn yel'chi.

Lv 8:30

Xlajw cha, xyi'n cot jun perjuma yet' chic' 'ayc' 'a yib'n̈ yet'l xajmb'al. 'Ix stzicn 'at 'a yib'n̈ Aarón yet' 'a spichul, yet' 'a yib'n̈ eb' yunnal Aarón cha, yet' pax 'a spichl eb'. 'Ixta x'ajcn eb' yoch yet' spichl yico'oc Dios.

Nm 18:9

Smasnil jun tzo'n̈ 'ixm harina tz'ajx ofrendail 'ayn yuj eb' israel, 'ixm tzyac' eb' yet' no xajmb'al tz'a'i, no tz'a'n lajwc mul, yet' no yic stojl mul, a jun tzo'n̈ xajmb'al tic, caw niwn yel'chi, palta an tzwac' 'aych yet' eb' onnal.

Nm 5:9

Smasnil ofrenda tzyac' eb' israel 'ayin, tz'ijx 'at 'a yojltac win ya'mal 'och sti eb' 'anma cha; a jun tzo'n̈ cha, yic win tz'aji.

1 Co 9:13

Eyojc xoni, a eb' tzmunlj 'a yatut Dios, ata tzchaj eb' tas tzc'uxu. Yujto a eb' 'ay yopiso ya'n xajmb'al, 'ay yaln eb' yic schin schib'jal no noc' chi tzyac' eb' xajmb'al-l cha.

Dt 12:11

A 'a jun lugar 'oj si'l Jehová yico'oc cha, ata 'oj 'at eyac' smasnil jun tzo'n̈ xwal 'ayx tic: no noc' tzeyac' xajmb'alil, yet' no xajmb'al tze n̈ustz'a'oc, e diesmo, eyofrenda to tz'el 'a e c'ojl eya'ni, yet' e colwal to ta'wb'il eyu'uj.

Dt 12:6

A 'a jun lugar cha, ata 'oj 'at e n̈ustz'a e xajmb'al, atn no noc' caw wach' 'a sat Jehová. Tzeyij 'at e diesmo, e colwal to ta'wb'il eyu'uj, yet' eyofrenda ton̈j tz'el 'a e c'ojl eya'ni. An̈jtona pax no sb'ab'l 'une e wacax yet' e calnelu, yowlal tzeyij 'at 'a jun lugar cha.

Dt 18:1

'Ix yaln pax Moisés 'ixtic: A eb' ya'mal 'och sti eb' 'anma 'a Dios yet' smasnil eb' yin̈tl Leví, may yaln eb' yic 'a tas 'oj scha eb' quit israelal smacloc. Yujto a tas tz'ajx xajmb'al-l 'a Jehová, a chi yic eb' yaji, a 'oj 'i'nc 'ec' tiempo 'a eb'.

Dt 26:13

tzeyaln junjn ex 'a yojltac Jehová Dios 'ixtic: Tox xin pojcn 'el 'a watut 'a tas ec yaj 'a smasnil tas xwij chan̈ 'a sat lum lu'um. Tox xin pojcn pax 'el yic eb' yin̈tl Leví, yic eb' chuc chon̈b'al 'ayc' 'a qui cal on̈, yic eb' meb'a 'unn chamnc smam, yet' yic eb' 'ix 'ix chamnc yichmil. Xin yiclj smasnil tas aljnac 'ayin, may junc a checnb'il tz'at satc'ojlal wu'uj, yic matz in yiclej.

A Ch'an̈ Carta D'a Eb' Hebreo 1:9

Tza chamc'ojlej tas tojol, ax maysch'olnil, caw yajb'il 'el o'oj. Yuj cha, ach si'n 'elt Dios, atn jun a Diosal. 'Ix yac' jun a tzaljc'ojlal to 'ec'b'al 'a yib'n̈ yic eb' et yajlil, xchi 'a Ch'an̈ U'un̈.

1 Jn 2:20

Palta a Cristo 'a'jnac Yespíritu Dios 'ayx quet' on̈. Yuj cha, cojquec qui masnil jun cuynb'il caw yel.

1 Jn 2:27

A Jesucristo 'a'jnac Yespíritu 'ayn̈ junjn on̈ec. Yuj cha, man̈ yowlalc chuct junc 'anma tzon̈ cuynec, yujto a Yespíritu tzon̈ cuynec 'a smasnil tas. A jun tzo'n̈ cuynb'il tzyac' 'ayn̈ec, caw yel, may junc 'es 'aych 'a scal. Yuj cha, yowlal junn̈j tzon̈ 'ajc yet' Cristo, yujto 'ixta yaj yaln Yespíritu 'ayn̈ec.