Nm 18:20 - Chuj San Sebastian Bible

²⁰ Xyaln pax Jehová 'a Aarón 'ixtic: Ach tic may xon a locnal 'a slum eb' et israelal, may aln ec 'a lu'um, yujto 'icha to a macl tzin 'aj 'a scal eb' et chon̈b' tic.

Chuj San Mateo Bible

²⁰ Ix yalanxi Jehová d'a vin̈aj Aarón chi': A ach tic malaj lum luum ol a macb'enej d'a scal eb' etisraelal tic, yujto a in tic icha a macb'en vaji.

Nm 18:20 ပူးပေါင်းရင်းမြစ်များ

Gn 15:1

Yic xlajw 'ec' jun tzo'n̈ tic, 'ix paxtin Jehová yet' Abram 'a 'icha waychil, 'ix yaln 'a 'ixtic: —Man̈ ach xiw Abram, an 'oj ach in colo', caw wal niwn spac 'oj a cha', xchi Dios.

Salmos 142:5

Ax 'aych xwal in b'a, 'ix waln 'aych 'ixtic: Mamin Jehová a 'aych wach' in coln in b'a, nib'b'ilch wuj 'a yib'n̈ smasnil tas 'ay 'ayn oj 'a sat lum lum tic, xin chi.

Salmos 16:5

Mamin Jehová ach tzac' smasnil tas wach' 'ay tz'och wu'uj. Ach ton tzac' smasnil tas tznib'j in c'ojol. A 'a yol a c'ab' 'ay in q'uinal.

Salmos 73:26

Ach in Diosal, wach'xam tz'el yip in niwnal, palta ax 'aych tz'ilchj smasnil tas tzin nib'j 'a smasnil tiempo, tza'n pax in te'nal.

Lm 3:24

Yuj cha, tzwaln 'ixtic: 'Aychn̈ej Jehová wet'oc, cojxn tzwa'ch yipc in c'ojol, xin chi.

Ez 44:28

A eb' ya'mal 'och e ti cha, a tas wic yaji, a chi tzwac' smacloc eb'. Yuj cha, may xon smacl lum eb' 'oj scha 'ayex, yujto a 'in macl tzwac' 'a eb'.

Nm 18:7

Palta ach tic yet' eb' onnal, cojn ex tztac' eya'n 'och sti eb' 'anma 'ayin, yic tze b'on junc munljel 'a 'aj 'ay yet'l xajmb'al, mto 'a yojltac 'och te cortina. A jun munljel cha, eyic yaji, yujto an 'ix wac' jun 'opiso tic 'ayex. Toto 'ay junc comn 'anma tzcob' ya'ch sb'a 'a jun munljel tic, tojln̈ej schami, xchi Dios.

Nm 26:62

A smasnil eb' winc 'a eb' yin̈tl Leví, eb' jun 'ujl sq'uinal yet' 'a yojltac, 'ay 23 mil sb'isl eb'. A eb' tic, man̈ 'ayc 'och eb' sb'isloc eb' yit israelal, yujto may smacl lum eb' tzchaj yet' eb' yit chon̈b' cha.

Dt 10:9

Yuj cha, a eb' yin̈tl Leví, may smacl lum eb' schaj 'icha yic smasnil eb' quit chon̈b'ec, yujto a Jehová a tzyac' servil eb', a chi smacl eb' yaji, 'icha wal yaj yaln cani.)

Dt 12:12

Tzlajw cha, tze nan sq'uin̈l jun tzo'n̈ chi 'a yojltac Jehová qui Diosalec, yet' eb' eyunnal, eb' eyisil, ewin e checab', eb' 'ix e checab', yet' pax eb' levita cajn 'a e cal, yujto a eb' levita cha, may smacl lum eb' 'oj scha eyet' 'a lum lum cha.

Dt 14:27

Man̈ e patquilc can 'el eb' levita cajn eyet' 'a yol e chon̈b' cha, yujto may xon slum eb' 'oj scha 'icha lum eyic cha.

Dt 14:29

Sec a yic 'oj c'och eb' levita 'ayex, eb' may xon slum 'oj scha eyet'oc, mto eb' chuc chon̈b'al cajn 'a e cal, mto eb' meb'a 'unn chamnc smam, yet' eb' 'ix 'ix chamnc yichmil, atn jun tzo'n̈ e diesmo chi 'oj sc'ux eb', sec b'ut'n sc'ojl eb' eyet'oc. 'Ixta 'oj yutc Jehová qui Diosalec ya'n yaxilal 'a eyib'n̈ yet' tas tze b'o cha, xchi Moisés.

Josué 13:14

Palta ax eb' yin̈tl Leví, ma'ix 'ajx smacl lum eb' yuj Moisés, yujto a xajmb'al tz'ajx 'a Jehová a chi smacl eb' yaji, 'icha wal yaj yaln cani.

Josué 13:33

Palta a eb' yin̈tl Leví, may smacl lum eb' x'ajx yuj Moisés, yujto a Jehová Dios, a chi 'aych smacloc eb', 'icha wal yaj yalx cani.

Josué 14:3

A 'a yic yaln̈taxi, 'ix ya'n can Moisés lum 'ay 'a sc'axpil 'ec' a Jordán 'a nan̈l yoxc'ajil 'in̈tal.

Josué 18:7

Ax pax eb' yin̈tl Leví, may xon slum eb' 'oj yic'. A tas yic eb' yaji, atn ya'malc 'och sti eb' 'anma 'a Dios. A pax eb' yin̈tl Gad yet' eb' yic Rubén, yet' spacl xo eb' yin̈tl Manasés, 'ayx can smacl lum eb' 'a stojlal 'aj tzq'uel c'u 'a sti a Jordán, atn lum xya'cn Moisés win schecb' Jehová, xchi Josué 'a eb'.

Apoc 21:3

Ax xwab'n yoch jun paxti 'a sdespacho Dios. Caw 'ip yaln 'ixtic: —'Ilto, a Dios 'ayc' yet' eb' 'anma ticnec. A 'oj cann̈j yet' eb'. Atn eb' chi schon̈b' yaji. Caw a Dios 'oj can 'a scal eb', atn wal sDiosal eb'.