Nm 18:1 - Chuj San Sebastian Bible

¹ 'Ix yaln Jehová 'a Aarón 'ixtic: Ach tic yet' eb' onnal, yet' pax smasnil eb' yin̈tl Leví, eb' 'aj locn ach 'a en̈til, toto 'ay mach tz'och smul 'a in cajnub', yuj jun mul cha, 'oj jawc yailal 'a eb'n̈ yet' eb' onnal, yujto tz'och e mul 'a eyopiso, to ya'mal 'och sti eb' 'anma eyaji.

Chuj San Mateo Bible

¹ Ix yalan Jehová d'a vin̈aj Aarón icha tic: Tato tz'och junoc palta d'a in cajnub', a yaelal sja yuj jun chi', a d'a ib'an̈ yed' eb' uninal yed' d'a yib'an̈ eb' etlevitail sjavi. Palta a junoc paltail d'a eyopisio d'a sacerdoteal, an̈ej d'a ib'an̈ yed' eb' uninal sjavi yaelal yuj jun chi'.

Nm 18:1 ပူးပေါင်းရင်းမြစ်များ

Ex 28:38

'Ixta wal 'oj yutc Aarón yi'n b'ey jun chi 'a snan̈l sat, yujto a yic tzya'n eb' israel yofrenda 'ayin, wach'xam 'ay spaltail eb', palta yuj jun placa cha, tzin chan yofrenda eb' cha.

Is 53:11

A yic tox xlajw 'ec' jun tzo'n̈ yailal chi 'a yib'an̈, ax stzalj pax yiln 'och spac jun syailal cha, to man̈ nab'an̈ejoc. Til wal eb' 'oj 'ojcan el jun schecb' Dios cha, 'oj 'ochcn eb' wach'l yu'uj, yujto a 'oj 'i'nc 'el smul eb' 'a yib'an̈.

Is 53:6

On̈ sactzic qui masnil 'icha no calnelu, mun xoj xqui na junjn on̈ 'aja b'el 'aj tzon̈ laj 'atcni, palta ax Jehová, 'ix ya'ch jun tzo'n̈ qui mulc chi 'a yib'n̈ jun schecb' cha.

Ez 4:4

Ach xo tic, 'oj ec' t'ocn a way 'a a surito 'a stz'ey chi yuj smul eb' chon̈b' israel, cojn 'a jun pac' chi 'aj tzach 'e'cn t'ocan, yujto 'ixta 'oj 'aj ab'n syal yuj smul eb' cha.

Lv 10:17

¿Tas yuj ma'ix e chi no xajmb'al 'a yamq'uil Mantiado? A jun xajmb'al cha, yicn̈ej Jehová yaji. Yuj cha, xya'n no 'ayex, yujto a yic tze chin no', tze cuchn can smul eb' chon̈ab', sec 'ixta wal tzyutj Jehová ya'n lajwc can smul eb' cha.

Lv 22:16

Toto comn xoj tze chaj c'uxxoc, ax jun mul cha, matz can 'a yib'n̈ eb' tzc'uxn cha, palta to a 'a eyib'n̈ tzcani. A mach tzc'uxn cha, yowlal pax tztojo, yujto scomn c'uxej. An Jehová in, an tzwala, to wic yaj jun tzo'n̈ cha, xchi Dios.

Lv 22:9

Al 'a eb' to tzyiclj eb' in checnb'il tic, yic wach' matz 'och smul eb', sec matz cham eb' yuj may yel'ch in checnb'il 'a sat eb'. Yujto an Jehová in, an in si'jnac 'och eb' wico'oc.

Nm 14:34

Yujto chawinc c'u xit' eyil 'elt lum lum cha, yuj cha, chawinc ab'il 'oj 'och yailal 'a eyib'an̈. Tzyal 'el'chi, junjn ab'il 'a junjn c'u, sec 'oj eyojcoc 'eli, to 'ay smay e meltzj 'och 'ayin.

Nm 16:10

Yujto 'ixta x'el 'a sc'ojl Jehová, to ax wit levitail, ax tzex yij 'och 'a stz'ey, ax ticnec tze nib'j to tzex 'och e masnil ya'malc 'och sti eb' 'anma tic?

Nm 17:13

Smasnil mach tzc'och 'a stz'ey scajnub' Dios, 'oj cham tzyal cha. ¿Tom 'ixta wal 'oj cajc qui cham qui masnil? xchi eb'.

Nm 17:3

A 'a te yic eb' yin̈tl Leví, a sb'i Aarón tz'och 'a te', yujto 'oj cot junjn sc'occh eb' yajl chi 'a junjn 'in̈tal.

Nm 17:7

'Ix ya'n 'och Moisés eb' te c'occh chi 'a yojltac Jehová, 'a yol Mantiado cha.

Nm 18:11

Tzwa'n jun tzo'n̈ xo tic 'aych yet' eb' onnal, eb' esil yet' 'a smasnil eb' 'ayc' et'oc, atn jun tzo'n̈ ofrenda tzya'ch eb' israel 'a wojltac. A jun tic ley tz'ajcn 'ayx 'a smasnil tiempo. Tzann̈j junc ecan 'ayc' et'oc, cojn toto wach' yaj 'icha yaln ley, tztac' sc'uxn eb' jun tzo'n̈ xajmb'al cha.

Nm 3:6

'Awtj cot smasnil ewin yin̈tl Leví, yic tz'och eb' colwjoc yet' Aarón win ya'mal 'och sti eb' 'anma 'ayin, a tas 'oj yala', a 'oj sb'o eb'.

Dt 10:8

Atn 'a jun tiempoal cha, ata si'jnac can 'el Jehová eb' yin̈tl Leví, sec a eb' tzb'achn b'ey te scaxail trato. A eb' x'och yac' servil Jehová, ax 'a sb'i, ata tzyal eb' wach' paxti 'a quib'n̈ qui masnil, 'icha ton yaj ticnec.

A Ch'an̈ Carta D'a Eb' Hebreo 13:17

Caw tzeyiclj tas tzyal eb' tzex 'a'n cuenta. Yiclum tzeyutj e b'a 'a eb'. Yujto a eb' cha, wan ex stan̈wni eb'. Yojc eb', chajtlto 'oj yac' eb' scuenta 'a Dios. Wach' tzeyutj e b'a, sec tzalj eb' yiln jun munljel cha, sec matz cus eb'. Toto tzeyac' cus eb' yuj e tenmtaquil, caw man̈ wach'c eyico'.

A Ch'an̈ Carta D'a Eb' Hebreo 4:15

A jun tz'a'n 'och qui ti 'a Dios, tztac' tz'o'ch sc'ojl 'ayn̈ec yuj may qui te'nalec, yujto caw lajn x'aj yajx prowal 'icha 'on̈c tic, palta may jun 'ejmoc 'ochnc smul.

A Sb'ab'el Carta San Pedro 2:24

A Cristo 'ix cuchn can qui mulc yet' sniwnal, yic x'och 'a spenc te culus, sec wach' man̈x 'a yaln maysch'olnil yic 'ayn̈ec, 'icha to chamnc on̈c 'a 'a. 'Ixta on̈ yutjec, sec caw wach'n̈j tzcutjec qui b'eyb'al. Caw xyab' syal cujec, sec tzon̈ colchjec can 'el yu'uj.

Jueces 17:12

'Ix ya'n 'och win Micaía win quelm levita chi ya'malc 'och sti 'a sdiosal. 'Ixta x'aj scan win 'a yatut.