Nm 17:2 - Chuj San Sebastian Bible

² Al jun tic 'a eb' et israelal: To a junjn eb' yajl yaj 'a scal junjn 'in̈tal, yi' cot cab' junjn eb' sc'ococh, tzyal 'el'chi, lajchwe te c'occh chi 'a smasnil. Tza tz'ib'n 'och sb'i junjn eb' 'a sc'occh cha.

Chuj San Mateo Bible

² Al d'a eb' vin̈ yajalil chon̈ab' d'a junjun in̈tilal to syic'cot junjunoc sc'ococh eb' vin̈, syalelc'ochi to lajchave' te' scot d'a smasanil, tz'och sb'i junjun eb' vin̈ d'a te' sc'ococh chi'.

Nm 17:2 ပူးပေါင်းရင်းမြစ်များ

Gn 49:10

May junc mach tztac' yi'n 'ec' a jelnal Judá; may mach tztac' yi'n 'ec' a c'occh yic opiso 'a yol a c'ab', masnto 'oj jawc yajl te c'occh cha, atn jun mach to smasnil eb' chon̈b' 'oj yiclnoc 'a 'a.

2 Cr 31:17

Atn slistail eb' ya'mal 'och sti eb' 'anma 'a Dios b'ob'il, a tzyal smam yichm eb'. A eb' levita junc'l ab'il sq'uinal, yet' 'a yojltac, 'aych eb' 'a lista, a tzyal yopiso eb', yet' yic tzjaw stzol-l smacl yic eb' 'a yib'an̈.

Salmos 110:2

A Jehová 'oj yac' a c'occh yic opiso 'a lum Sión, ach xo 'oj ac' yajlil 'a yib'n̈ eb' 'ajc'ojl yajch 'ayach.

Salmos 125:3

A eb' rey maysch'olnil snab'en, man̈ comnoc 'oj yac' eb' yajlil 'a sat lum lum 'ac'b'il yuj Dios 'a eb' schon̈b' to tojl snab'en; toto ma'ay, a eb' 'anma tojl snab'en, 'oj scuy sb'a eb' a tas man̈ wach'oc.

Ex 30:26

Tzlajw cha, tza tzicn 'och jun perjuma chi 'a yib'n̈ jun tzo'n̈ tic: Mantiado 'a 'aj tzin chaj in b'a eyet'oc, te scaxail in trato, te mexa yet' syamc'ab'il, jun yet'l cantil yet' syamc'ab'il, jun yet'l xajmb'al yic incienso, yet'l xajmb'al 'aj tz'ajx tz'a no xajmb'al yet' syamc'ab'il smasnil, q'uen palagan yet' sb'achnub'al yalan̈.

Ex 4:17

'Ij 'at a c'occh tic, yujto a 'oj a c'anlb'oc yic 'oj a ch'oxnc jun tzo'n̈ milagro satjub'tac yilx 'ix in ch'ox 'ayach, xchi Dios 'a Moisés.

Ex 4:2

—¿Tas jun yamb'il 'oj cha? xchi Dios 'a Moisés. —A te 'in c'ococh, xchi.

Ez 19:14

A eb' te sc'ab' cha, 'aych can c'ac' 'a eb' te', yuj cha, a yic tzcob' wolnc te', ax jun c'ac' chi tzn̈usn pax te swol chi yet' te sat cha. Man̈x 'a te sc'ab' chi wach' yoch sc'occhoc eb' rey, xa chi, xchi Dios 'ayn an Ezequiel in tic. (A jun b'it tic, yic cusc'ojlal. A yic 'ay cusc'ojlal ata smoj sb'itnaxi.)

Ez 21:10

Lista xo yaji yic tzmilwji, caw wal tzictzni yel sc'a'l 'icha raya. Man̈x 'a tzaljc'ojlal, yujto ex cob' in tench wa'an, palta may yel'ch tas xwal 'ayex.

Ez 21:13

A jun prowal tic, lista xo yaji, may junc mach 'oj stac' stenn 'och wa'an, yujto ex cob' in tench wa'an, palta may yel'ch tas xwal 'ayex. An Jehová Yajl in, an tzwala.

Miqueas 7:14

Mamin Jehová, tan̈wj eb' a chon̈b' to ec yaji. Lajn eb' 'icha no calnelu 'aycn 'a caltcte sch'ocoj, ax 'a spatquil 'el no', 'ay te c'ultc to caw wal ya'ax. 'Ij 'at eb' a chon̈b' tic 'icha wal otjnac 'a yic pecti', 'ij 'at eb' 'a 'aj wach' tz'aj eb' 'icha no cajb'en noc' 'ay 'a yol yic Basán yet' 'a yol yic Galaad.

Nm 17:1

'Ix yaln Jehová 'a Moisés 'ixtic:

Nm 17:3

A 'a te yic eb' yin̈tl Leví, a sb'i Aarón tz'och 'a te', yujto 'oj cot junjn sc'occh eb' yajl chi 'a junjn 'in̈tal.

Nm 7:1

A yic xlajw ya'n b'o Moisés scajnub' Dios, 'ix stzicn 'och aceite 'a 'a, 'a smasnil syamc'ab'il, 'a yib'n̈ jun yet'l xajmb'al, yet' pax 'a yib'n̈ smasnil syamc'ab'il yic tz'ochcn 'a yopiso.