Nm 17:10 - Chuj San Sebastian Bible

¹⁰ Yuj cha, xyaln Jehová 'a Moisés 'ixtic: 'A'x 'och te sc'occh Aarón chi 'a yojltac 'elt scaxail in trato, ata tza mol te', tz'ochcn te snanb'ilc cot eb' 'anma tenmtac tic, sec 'oj 'och wan eb' yaln tu paxti'al 'a wojltac, sec ma'oj cham pax eb', xchi.

Chuj San Mateo Bible

¹⁰ Ix lajvi chi', ix yalan Jehová d'a vin̈ icha tic: Ac'canoch te' sc'ococh vin̈aj Aarón d'a yichan̈ scaxail trato. Sic'canb'at te' ta' yic snacot juntzan̈ anima te pit tic. Yuj chi' ol yactej eb' yalan chucal lolonel d'ayin yic max cham eb', xchi d'a vin̈.

Nm 17:10 ပူးပေါင်းရင်းမြစ်များ

Salmos 57:4

Oyn 'och eb' 'ajc'ojl 'ayn 'icha no león tzchin eb' 'anma'. Lajn wal ye eb' 'icha q'uen lanza, lajn pax yet' jun tzo'n̈ jul-lab'; a spaxti eb', lajn yet' q'uen espada caw jay ye.

Ex 16:32

Xlajw cha, xyaln Moisés 'ixtc 'a eb' israel cha: —'Ix yal Jehová 'ayn 'ixtic: Molc can junc 'echtab' e maná, sec 'oj yil eb' eyin̈tl b'aq'uin̈, yic wach' 'oj yil eb' tas 'ix 'ajx e c'ux 'a cusltac lum tic, yic ex wi'n 'elt 'a Egipto, xchi Dios 'ayin, xchi Moisés.

Ex 16:34

'Icha wal xyutj Jehová yaln 'a Moisés, 'ixta xyutj Aarón smoln can jun chen 'a stz'ey te scaxail strato Dios.

Is 1:2

Ex 'aj satcha'an̈ yet' ex 'aj sat lum tic, 'ab'ec. A eb' 'anma tic, xin c'uytzej eb' 'a yic yune'al masnto x'och yip eb', palta ax x'aji, 'ix meltzj 'och eb' 'ajc'ojlal 'ayin.

Os 10:9

'Ix yaln Jehová 'ixtic: A eb' 'aj chon̈b' Israel tic, matz 'och wan xon eb' ya'n 'och smul, atxo ta 'elnc yich yuj eb' 'a chon̈b' Guibeá. Ax ticnec, an̈j 'ijnoc yoch smul eb'. Yuj cha, 'oj wac' yamchjoc c'och eb' 'anma tu snab'en tic yuj owl 'a chon̈b' Guibeá cha.

Nm 14:5

Yuj cha, 'ix 'em n̈ojn Moisés yet' Aarón 'a sat lum 'a yojltac eb' chon̈b' cha.

Nm 16:21

'Ijec 'el e b'a 'a stz'ey jun tzo'n̈ 'anma tic, yujto wal in satn 'el eb' tic, xchi.

Nm 16:38

A jun tzo'n̈ stz'ab'c'ac' eb' 'anma chi xcan cha, atn eb' xcham yuj smul x'ochi, wic tz'ajcn jun tzo'n̈ cha, yujto xc'anx eb' yet' incienso x'ajx 'och 'a wojltac an Jehová in. Tzac' b'o jun tzo'n̈ q'uen chi laminail, tz'och eb' yen̈loc yet'l xajmb'al, sec wach' tz'och jun tic cuynb'ilal 'a eb' eyit israelal, xchi Dios 'a Moisés.

Nm 16:40

A jun tic, cuynb'il x'ajcn 'a eb' israel, chajtlto cojn eb' yin̈tl Aarón tztac' yochch sn̈us incienso 'a yib'n̈ yet'l xajmb'al 'a yojltac Jehová. Yuj cha, toto 'ay mach tzb'on 'icha eb' x'och tza'n yuj Coré cha, 'ixta pax tz'aj eb' jun xo. 'Icha wal xyutj Jehová yaln 'a Moisés, 'ixta wal xyutj Eleazar jun tzo'n̈ cha.

Nm 17:11

'Ix syiclj Moisés sb'on 'icha 'ix yutj Jehová yalni.

Nm 17:4

Tzlajw cha, tza'n can 'och eb' te 'a yojl Mantiado 'aj tzin chaj in b'a eyet'oc, 'a yojltac 'elt te scaxail in trato, 'a 'aj tzin ch'ox in b'a 'ayex.

Nm 17:9

Yuj cha, 'ix yi'n 'elt Moisés smasnil eb' te c'occh chi 'aych 'a yojltac Jehová, 'ix sch'oxn yil smasnil eb' 'anma', xlajw yiln eb' te', junjn eb' yajl yaj cha, xlaj schan pax eb' sc'occh cha.

Nm 20:9

Xlajw cha, 'ix yi'n 'elt Moisés te sc'occh 'aych 'a yojltac Jehová, 'icha wal 'ix yutj yalni.

Nm 4:18

Man̈ e cha satl eb' yin̈tl Coat 'a scal eb' levita,

1 Co 10:10

Matz tac' qui comn alnec speclal Cajlilec. Yujto 'ay eb' aljnac speclal, yuj cha, xlajw 'el eb' yuj jun ángel 'ay yopiso smiln cham 'anma'.

Ef 5:6

Man̈ e cha 'ixtxoc paxti e b'a yuj eb' tzalni, to may yowlal qui b'onec jun tzo'n̈ tzwal tic. Caw wal may yel'ch tas tzyal eb', yujto atn 'a yib'n̈ eb' tzb'on jun tzo'n̈ tic, 'oj cot jun niwn yailal yuj yowl sc'ojl Dios, yujto matz yiclj eb' tas tzyala.

Dt 9:24

¡Yictax ex wojcan 'eli, xin yamn 'och wilni to caw wal pit tzeyutj e b'a 'a Jehová!

Dt 9:7

May wal b'a'n̈ tzeyac' sat 'a e c'ojol, chajtlto ax tic, 'ochnc ex 'ajc'ojlal 'a Jehová, yic 'ayn̈ec 'ec' 'a lum cusltac lu'um. Yictax on̈ 'eltec 'a Egipto masnto on̈ jawc 'a jun lugar tic, an̈j 'ijnoc pit tzeyutj e b'a 'a 'a.

A Ch'an̈ Carta D'a Eb' Hebreo 9:4

Ata 'ay jun yet'l 'a 'aj tzn̈usx jun tzo'n̈ incienso, a jun cha, nab'a oro. Ata 'ay pax scaxail strato Dios, c'uxn 'aych oro 'a spatic. Ax 'a yojol, ata 'ay 'ejm jun q'uen chen oro, 'ay 'ejm maná 'a yojol. Ax 'a stz'ey jun chen cha, ata 'ay 'ejm jun sc'occh Aarón 'ix wolni. 'Ay 'ejm pax chab' q'uen 'aj tz'ib'b'il can jun strato Dios.

A Ch'an̈ B'ab'el Libro Samuel 2:12

A eb' yunnal Elí caw maysch'olnil sb'eyb'al eb', may xon yel'ch Jehová 'a sat eb'.

A Ch'an̈ B'ab'el Libro Samuel 30:22

'Ay ewin caw tu snab'en 'a scal ewin ajun yet' David cha, 'ix yaln eb' to a ewin 'ix can cha, man̈ smojc tz'ajx yic eb' 'a tastc xit' 'ijxc 'ec' cha. Cojn yistzil eb', yunnal eb' tz'ajx yico', tzlajw cha tzpax eb', xchi ewin xit' 'a owl cha.