Nm 16:5 - Chuj San Sebastian Bible

⁵ 'Ix yaln 'ixtc 'a Coré yet' 'a smasnil eb' ajun yet' cha: —Q'ui'nto 'a yic sq'uin̈b'ial, 'oj sch'ox Jehová mach wal eb' yic cha, mach eb' to yel sic'b'il 'el yu'uj, eb' 'ay yaln yic yoch 'a yojltac yet' jun tzo'n̈ xajmb'al. A mach 'oj sch'ox 'a qui calec, atn jun chi 'oj 'a'noc 'och jun tzo'n̈ xajmb'al chi 'a yojltac.

Chuj San Mateo Bible

⁵ Ix yalan vin̈ d'a vin̈aj Coré yed' d'a masanil eb' vin̈ tzac'anoch yuj vin̈ chi' icha tic: —Ato q'uic'an sch'ox Jehová d'ayon̈ mach eb' yico'. An̈ej eb' sic'b'ilel yuj ol yal yoch d'a stz'ey yac'an servil d'a altar.

Nm 16:5 ပူးပေါင်းရင်းမြစ်များ

Salmos 105:26

Yuj cha, 'ix schecn 'at eb' schecab', atn Moisés yet' Aarón, to caw a si'jnac 'el eb'.

Salmos 115:10

Ex ya'mal 'och sti eb' 'anma 'a Dios, 'a'c 'och Jehová yipc e c'ojol, yujto a 'aych quet'ec, a tzon̈ colnec.

Salmos 65:4

Caw wach' quic an̈ sic'b'iln̈ 'el oj tic on̈, tzon̈ e'n 'at cajn 'a a tz'ey 'a atut. Caw 'oj qui b'ut'j yuj tas wach' sc'uxx 'ay 'a atut cha, atn tas caw ecn̈ej yaji.

Ex 28:1

'Ix yaln pax Jehová 'ixtic: 'Awtj cot o'tac Aarón yet' eb' yunnal, atn Nadab, Abiú, Eleazar yet' Itamar. Sic' 'elt eb' 'a scal eb' eyit israelal sec a eb' 'oj 'och ya'malc 'och sti eb' 'anma 'ayin.

Ex 28:41

'Ixta wal 'oj otc a pichn o'tac Aarón yet' eb' yunnal. Tzlajw cha, tza secn can q'ue perjuma 'a sjolm eb'. 'Ixta tz'aj schan can eb' yopiso yic tzya'n 'och eb' sti eb' 'anma 'ayin.

Ex 28:43

Yowlal tzya'ch Aarón jun tzo'n̈ pichl chi yet' eb' yunnal yic tz'ochch eb' 'a yol in cajnub' 'aj tzin chaj in b'a eyet'oc. Yowlal 'aych yuj eb' yic tz'ochch eb' 'a stz'ey yet'l xajmb'al yic tzyiln eb' yopiso, sec wach' ma'oj 'och smul eb', ma'oj comn cham eb'. A jun tic, ley tz'ajcn 'a Aarón yet' 'a eb' yin̈tl b'aq'uin̈, xchi Dios 'a Moisés.

Jeremías 30:21

An Jehová in, an tzwala: A 'a e cal cha, ata 'oj 'eltoc mach 'oj 'och eyajliloc. A jun eyajlil cha, 'oj wac' jawc 'a in tz'ey, yujto wal yel, caw may junc mach tzte'wtzej sb'a sjaw 'a in tz'ey.

Jeremías 49:19

'Icha wal junc no león tz'elt 'a swaymtacl sti a Jordán, wal 'a yajn̈ej tzc'och no 'a lum pan̈n 'a'lic 'aj tzwa no calnelu, tzsactzic can e no yu'uj, 'ixta wal 'oj waj in c'och 'a chon̈b' Edom. A eb' 'anma cajn ta', 'oj 'at eb' 'eloc, ax jun mach sic'b'il 'el wu'uj, a 'oj wa'cn 'och yajlilc ta'. ¿Mach wal junc 'oj stac' slajb'tzan sb'a wet'oc? ¿Mach wal 'oj stac' sten sb'a wet'oc? ¿Mach wal junc yajl 'oj stac' ste'wtzan sb'a 'a wojltac?

Jeremías 50:44

'Oj in jaw 'icha wal junc no león tz'elt 'a swaymtacl sti a Jordán, wal 'a yajn̈ej tzq'ue'ch no 'a junc lum pan̈n 'a'lic 'aj wach' swa no calnelu, tzsactzic can 'at e no yuj no'. 'Ixta wal 'oj 'aj s'at eb' 'aj Babilonia chi 'elc wuj ta', ax jun mach sic'b'il 'el wu'uj, a 'oj wa'cn 'och yajlilc ta'. ¿Mach junc 'oj stac' slajb'tzan sb'a yip wet'oc? ¿Mach wal 'oj stac' sten sb'a wet'oc? ¿Mach wal junc yajl 'oj stac' ste'wtzan sb'a 'a wojltac?

Ez 40:46

Ax jun cuarto q'ueln 'at 'a stojlal norte, yic eb' ya'mal 'och sti eb' 'anma', eb' tzn̈usn no xajmb'al, atn eb' yin̈tl can Sadoc, yet' eb' yin̈tl can pax Leví, cojn eb' tztac' ya'n servil Jehová, xchi 'ayin.

Ez 43:19

An Jehová in, an tzwal 'ixtic: A eb' ya'mal 'och sti eb' 'anma', atn eb' yin̈tl can win Sadoc, eb' tzin 'a'n servil, a eb' tz'a'n tz'a junc no quelm wacx xajmb'al-l 'ayn yuj ya'n lajwc mul.

Ez 45:4

A junc'aj lum lum cha, yicn̈ej eb' ya'mal 'och sti eb' 'anma tz'aj lu'um, atn eb' 'oj 'a'wc servil 'a watut. A 'a jun lum cha, ata 'oj sb'o eb' yatut, yujto yicn̈ej sb'a yet' watut cha.

Lv 10:3

Xlajw cha, xyaln Moisés 'a Aarón 'ixtic: —Yuj jun tic, x'el'ch tas yaljnac Jehová 'ayin yic yaln 'ixtic: A eb' tzin 'a'n servil, yowlal 'ay cab' wel'ch 'a sat eb'. 'Oj in ch'oxli to niwn wel'ch 'a smasnil eb' israel, xchi Dios, xchi Moisés. Ax Aarón man̈x 'a tas 'ix yala.

Lv 8:2

'Ij cot Aarón yet' eb' yunnal, tze'n pax cot spichl eb' tzya'ch 'a yic tzyiln yopiso ya'malc 'och sti eb' 'anma 'ayin, yet' pax perjuma tzc'anlb'ax 'a yic tzsi'x can 'och eb' 'a yopiso cha. Tze'n cot pax junc no quelm wacx 'oj 'ajxoc xajmb'al-l yuj yajx lajwc mul, chawn̈oc no calnelu, yet' junc yune xuc 'ixm pan may yich.

Malaquías 3:18

Atta 'oj nachjoc 'el eyuj ax tic, chajtlto chuc spac yic eb' wach' sb'eyb'al tzin 'a'n servil, chuc pax spac yic eb' maysch'olnil sb'eyb'al matz in 'a'n servil, xchi Dios.

Nm 16:3

Syamn sb'a eb' smasnil, xlajw cha, xc'och eb' 'a Moisés yet' 'a Aarón xyaln eb' 'ixtic: ¡Colb' xo wal eyi'n chan̈ e b'a tic! Yujto qui masnil, yic xo Dios cajec, 'ayc' Jehová 'a qui calc qui masnil. ¿Tas yuj tzeyij chan̈ e b'a yajlilal 'a yib'n̈ schon̈b' Dios tic? xchi eb'.

Nm 16:6

A tic 'oj e b'o q'uic'an, ex to eyitb'eym e b'a yet' Coré, tzeyij cot e tz'ab'c'ac', tzeya'n 'ejm stzac'ac' 'a yojol, tzeya'n q'ue incienso 'a yib'an̈, tzlajw cha, tzeya'n 'och 'a yojltac Jehová. A mach 'oj si'l Jehová, atn eb' chi to yel ya'mal servil yaji. Ax xo ex wit levitail ex tic, ¡colb' xo eyi'n chan̈ e b'a tic! xchi Moisés.

Nm 17:5

'Oj wac' wolnc te sc'occh jun mach to sic'b'il 'el wu'uj, sec 'oj 'och wan yaln eb' 'anma tic e peclal 'a wojltac, xchi Dios.

Nm 17:8

Ax 'a yic junx c'u, 'ix c'ochx 'a yol Mantiado cha, 'ix yilni to a te sc'occh Aarón, te yic eb' yin̈tl Leví to 'ayx swol te', 'ayx snich, 'ayx pax sat, caw 'e'm xo te almendro cha.

Jn 15:16

Ax tic, man̈oc ex in e sic' 'elta. Palta to an ex in sic' 'elta. 'Ix wa'n 'och eyopiso, ex in checn 'at satnoc. Ax jun tzo'n̈ e sat cha, 'oj can 'a jun 'ejmn̈ej. Yuj cha, jantcn̈ej tas tze c'an 'a qui Mam Dios 'a in b'i, 'oj ya'n̈j 'ayex.

A Tas Sc'ulejnac Eb' Schecab' Jesús Hechos 1:2

masnto xjaw jun c'u yic 'ix pax 'a satcha'an̈. Yic mantzac paxi, 'ix yaln can jun tzo'n̈ schecnb'il 'a eb' schecab', atn eb' sic'b'il 'el yu'uj. 'Ixta x'ajx yal yuj Yespíritu Dios.

A Tas Sc'ulejnac Eb' Schecab' Jesús Hechos 1:24

Xlajw cha, 'ix leslwi eb' smasnil. 'Ix yaln eb' 'ixtic: —Mamin, ojc tas yaj qui nab'en qui masnil on̈. Yuj cha, ch'ox 'ayn̈ on̈, mach junc tza si'l 'a eb' chawn̈ tic,

A Tas Sc'ulejnac Eb' Schecab' Jesús Hechos 13:2

A 'a jun 'el, wan yaln sb'a eb' 'a Cajlil, 'aych pax eb' 'a c'ajb'c'ojlal. Ax Yespíritu Dios 'ix aln 'a eb' 'ixtic: —Tze sic' 'elt Bernabé yet' Saulo 'ayin, sec 'oj munljc eb' 'a 'aj 'ix wa'ch yopiso, xchi.

A Tas Sc'ulejnac Eb' Schecab' Jesús Hechos 15:7

X'ec' tiempo sten sb'a eb', ax Pedro 'ix q'ue lin̈an, 'ix yaln 'ixtic: —Ex wu'tac, eyojc xoni, 'ayx stiempoal in si'x can 'el yuj Dios, yic tzwaln 'el wach' 'ab'x yic colnb'il 'a eb' man̈ israeloc, sec tzya'ch eb' sc'ojl 'a Cristo.

A Tas Sc'ulejnac Eb' Schecab' Jesús Hechos 22:14

Yuj cha, xyaln win 'ixtc 'ayin: A qui Diosal, atn sDiosal eb' qui mam quicham, a ach si'n can 'eli, sec tzojquej 'el tas tznib'j 'ayach. Yujto tznib'j 'ix el Jesús, atn jun tojl snab'en, yic tzab'n pax tas tzyal 'ayach.

Ef 2:13

Palta ax ticnec, junxn̈ej eyaj yet' Cristo Jesús. Wach'xam 'icha to najt eyajcn 'el 'a Dios 'a yic yalan̈, ax ticnec, la'n xo eyaj 'a stz'ey, yujto 'elnc can schic'l Cristo cujec, yic xchami.

2 Ti 2:19

'Icha junc yipn̈ub' yich n̈a, man̈ jac tz'ib'xi, 'ixta xyutj Dios ya'n can 'ejm yich yiglesia. 'Aych jun seyo 'a 'a, tzyaln 'ixtic: A Cajlil, toxn yojtac mach eb' yic xoni, xchi. Tzyaln pax junx tic: Tzann̈j mach tzalni, to yic Cristo, yowlal tzyactj can sb'on smasnil maysch'olnil, xchi jun seyo cha.

A Ch'an̈ Carta D'a Eb' Hebreo 12:14

Caw tzeyac' 'ip sec toq'ue junc'ojlal 'oj e can yet' smasnil 'anma'. Caw tze wach' 'a'j 'och e nab'en 'a Cajlilec, yujto a eb' matz ya'ch snab'en 'a 'a, toxn ma'oj yil eb'.

Apoc 1:6

A 'on̈ 'a'nec 'och reyal. A 'a'jnac copisoec ca'n 'och qui ti junjn on̈ 'a Dios, atn 'a Smam. Caw niwn cab' yel'chi, 'ay cab' spoder 'a smasnil tiempo. 'Ixta cab' tz'aji.

A Ch'an̈ B'ab'el Libro Samuel 2:28

Ax 'a scal smasnil eb' eyit israelal, ata ex in si'cn 'eli, yic tzex 'och ya'malc 'och sti eb' 'ayin, sec ax xo tze n̈us no xajmb'al 'a yib'n̈ yet'l 'aj tz'a'i. Tzeya'n tz'a pax incienso, 'aych cab' pax e camx chaleco eyu'uj yic tzex 'ochch 'a wojltac. An̈jtona', xwac' sc'ux eb' e mam eyichm smasnil jun tzo'n̈ ofrenda tz'ajx tz'a 'a wojltac yic tzin yi'n chan̈ eb' eyit israelal tic.