Nm 16:41 - Chuj San Sebastian Bible

⁴¹ Ax 'a junx c'u, smasnil eb' 'anma', 'ix meltzj 'och eb' 'ajc'ojlal 'a Moisés yet' 'a Aarón, 'ix laj yalnc eb' 'a eb' 'ixtic: —Ax tic, 'in to 'ipn e satn 'el eb' schon̈b' Jehová, xchi eb'.

Chuj San Mateo Bible

⁴¹ Axo d'a junxo c'u, masanil eb' israel ix och ijan yavaj chaan̈ d'a vin̈aj Moisés yed' d'a vin̈aj Aarón, ix yalan eb' icha tic: —A ex tic, ix e milcham eb' schon̈ab' Jehová, xchi eb'.

Nm 16:41 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 18:17

Ax yic schan sb'a win yet' Elías cha, 'ix yaln win 'ixtc 'a 'a. —¿Tom ach tic tzextj chon̈b' Israel? xchi.

Salmos 106:13

Palta yajn̈j wal cha, 'ix satx sc'ojl eb' 'a tas xa b'o 'a eb', ma'ix stan̈wj eb' yila', tas wal a nab'en 'a yib'n̈ eb'.

Salmos 106:23

Xa nalb'ej a satn 'el eb' qui mam quichm on̈, palta ax Moisés win sic'b'il 'el o'oj, 'ix tew 'aych yuj eb'; yuj cha, 'ix 'ec' yowl a c'ojl 'a yib'n̈ eb', man̈x 'ic a satl eb'.

Is 26:11

Mamin Jehová, caw wach'x yaj yailal o'oj, palta matz nachj 'el yuj eb' 'anma'. A yic 'oj yilnc eb' a niwquil chamc'ojlal 'a eb' a chon̈ab', caw 'oj q'uixwc can 'el eb' 'ajc'ojl yajch 'ayach, satl cab' eb' yuj yowl a c'ojl tzn̈ilchj 'icha te c'ac'.

Jeremías 38:4

Yuj cha, 'ix yaln eb' yajl chi 'a win rey chi 'ixtic: —Mil cham jun winc tic, yujto tzjaw schab'c'ojlal eb' soldado 'ayt 'ec' 'a yol chon̈b' tic yuj spaxti win tzyala, tzya'n pax win somchjoc snab'en smasnil eb' 'anma'. A wal jun winc tic, caw man̈oc swach'l eb' quit chon̈b' tzsaya, palta to tzjuw 'el snab'en eb' yu'uj, xchi eb'.

Jeremías 43:3

A win Baruc, yunnal Nerías, a tzaln jun tzo'n̈ paxti chi 'a qui patquec, sec tzon̈ 'ejmec yuj eb' 'aj Babilonia, yic tzon̈ smilnec cham eb', mto tzon̈ yijec 'at eb' 'icha presoal, xchi ewinac.

Am 7:10

A Amasías ya'mal 'och sti eb' 'anma 'a Dios 'a chon̈b' Bet-el, a 'ix 'a'n alxoc 'a Jeroboam sreyl Israel 'ixtic: Mamin rey, a win Amós wan yec' win 'a scal eb' quit chon̈ab', yic tz'och eb' 'ajc'ojlal 'ayach. Caw matz techj yuj eb' 'anma tas tzyal-l win cha.

Nm 14:2

Smasnil eb' 'anma cha, xlaj q'ue b'uynjoc eb' yaln tu paxti 'a Moisés yet' 'a Aarón, xyaln eb' 'ixtic: ¡Comnoc wal a 'a Egipto, mto a 'a lum cusltac lum tic on̈ chamc cani!

Mt 5:11

Ax xo tic, q'uinloc wujn̈ej tzex b'ajxi, toto 'ay tas maysch'olnil tz'ajx 'och 'a eyib'an̈, mto wujn̈ej tz'ajx 'och jun tzo'n̈ 'es 'a eyib'an̈, toto 'ixta', caw wach' pax eyico'.

A Tas Sc'ulejnac Eb' Schecab' Jesús Hechos 21:28

Caw 'ip 'ix yal chan̈ eb' 'ixtic: —Ex quit israelal, colwjan̈ec. Atn win tic tz'ec' cuync eb' 'anma 'a junjn lugar 'a maysch'olnil. Tzyaln win maysch'olnil 'a qui patc an̈ israel on̈c tic. Tzyaln pax win 'a spatc ley yic Moisés, yet' 'a spatquil yatut Dios tic. Ax ticnec, scomn 'ij 'och win jaywn̈ eb' griego 'a yamq'uil yatut Dios tic. A jun n̈a tic, yicn̈ej Dios yaji, palta caw xjuw yuj win 'a sat Dios, xchi eb'.

A Tas Sc'ulejnac Eb' Schecab' Jesús Hechos 5:28

—'In tox 'ix cham wal caln 'ayx on̈, to man̈xtzac ex cuywj 'a scuynb'il Jesús. ¿Tom matz eyiclj jab'oc? A ticnec, c'uxn 'ix pucl e cuynb'il 'a Jerusalén tic. 'In tze nib'j to tzon̈ e checltej 'el on̈, chajtlto cuj on̈, 'ix cham Jesús cha, xchi win 'a eb'.

1 Co 10:10

Matz tac' qui comn alnec speclal Cajlilec. Yujto 'ay eb' aljnac speclal, yuj cha, xlajw 'el eb' yuj jun ángel 'ay yopiso smiln cham 'anma'.

2 Co 6:8

'Ay 'aj niwn quel'ch on̈, 'ay 'aj may jac quel'ch on̈. 'Ay 'aj tzon̈ alx wach'l on̈, 'ay 'aj ton̈j tzon̈ b'uchx on̈. 'Ay 'aj ton̈j tzcac' 'es snan eb' on̈, palta yel tas tzcal on̈.

San Judas 1:16

A eb' 'ay 'a qui calc tic, chichnc'ojlaln̈ej yaj eb'. Ton̈j tzyal eb' maysch'olnil 'a spatc junc xo. An̈j 'a jun tzo'n̈ tas tznib'j 'och eb' yet' sniwnal, an̈jta tzya'ch eb' snab'en. Caw ton̈j jeln tzcob' yutc eb' spaxtini. Tzann̈j junc mach, tzcob' stz'ac eb' yal wach'il, yujn̈ej to tznib'j eb' tzyac' ganar tas 'a spatic.