Nm 16:40 - Chuj San Sebastian Bible

⁴⁰ A jun tic, cuynb'il x'ajcn 'a eb' israel, chajtlto cojn eb' yin̈tl Aarón tztac' yochch sn̈us incienso 'a yib'n̈ yet'l xajmb'al 'a yojltac Jehová. Yuj cha, toto 'ay mach tzb'on 'icha eb' x'och tza'n yuj Coré cha, 'ixta pax tz'aj eb' jun xo. 'Icha wal xyutj Jehová yaln 'a Moisés, 'ixta wal xyutj Eleazar jun tzo'n̈ cha.

Chuj San Mateo Bible

⁴⁰ A jun tic ix cani yic snaancot eb' israel yed' yojtacanel eb' to an̈ej eb' yin̈tilalcan vin̈aj Aarón syal yoch d'a yichan̈ altar yic sn̈usan incienso eb' d'a yichan̈ Jehová. Tato ay junocxo comonn̈ej sc'ulej icha chi', scham icha ix aj scham vin̈aj Coré yed' eb' ajun yed'oc. Icha val ix yutej Jehová yalan d'a vin̈aj Moisés, icha chi' ix sc'ulej vin̈aj Eleazar chi'.

Nm 16:40 ပူးပေါင်းရင်းမြစ်များ

Salmos 115:10

Ex ya'mal 'och sti eb' 'anma 'a Dios, 'a'c 'och Jehová yipc e c'ojol, yujto a 'aych quet'ec, a tzon̈ colnec.

Ez 40:46

Ax jun cuarto q'ueln 'at 'a stojlal norte, yic eb' ya'mal 'och sti eb' 'anma', eb' tzn̈usn no xajmb'al, atn eb' yin̈tl can Sadoc, yet' eb' yin̈tl can pax Leví, cojn eb' tztac' ya'n servil Jehová, xchi 'ayin.

Ez 43:19

An Jehová in, an tzwal 'ixtic: A eb' ya'mal 'och sti eb' 'anma', atn eb' yin̈tl can win Sadoc, eb' tzin 'a'n servil, a eb' tz'a'n tz'a junc no quelm wacx xajmb'al-l 'ayn yuj ya'n lajwc mul.

Lv 22:10

May wal junc 'anma to may yuj sb'a yet' win ya'mal 'och sti eb' 'anma chi tztac' sc'uxn tas to wic yaji. Eb' ton̈j cajn 'ec' 'a 'a, mto eb' ton̈j 'ayc' munljoc 'a 'a, matz tac' pax sc'uxn eb' tas to wic yaj cha.

Nm 1:51

Toto 'ay 'aj 'oj 'ijxoc 'ati, a eb' 'ajcuenta xuyn cha'an̈, tzb'on pax 'ejm eb' 'a 'aj tzc'och cha. Tzann̈j 'anmal tzjaw 'a stz'ey in cajnub' cha, toto man̈ levitaoc, tojln̈ej schami.

Nm 16:39

Ax Eleazar, 'ix si'n syam sb'a jun tzo'n̈ tz'ab'c'ac' nab'a bronce cha, atn jun tzo'n̈ yic eb' 'anma xchami, jun tzo'n̈ x'ajx tz'a'oc. 'Ix yalni to tz'ajx b'o laminail, sec tz'och yen̈loc yet'l xajmb'al.

Nm 3:10

Cojn Aarón yet' eb' yin̈til, cojn eb' tz'ochcn yopiso ya'malc 'och sti eb' 'anma 'ayin. Toto 'ay junc 'anma man̈ 'ayc 'och jun 'opiso chi 'a yib'an̈, tzlajw cha, tzb'on 'icha tzb'o eb' 'ay yopiso cha, yowlal tzchami, xchi Dios.

Nm 3:38

Ax 'a stojlal 'aj tzq'uel c'u 'a yojltac scajnub' Dios, 'a yojltac Mantiado 'aj tzchaj sb'a eb' 'anma yet'oc, ata 'ay smantiado Moisés yet' Aarón, yet' pax eb' yunnal Aarón cha, atn eb' tz'a'w servil 'a yojl scajnub' Dios sjelc eb' yit israelal. Toto 'ay mach tzcomn 'och 'a jun 'opiso cha, to man̈ yopisooc yaji, yowlal tzchami.

A Ch'an̈ Carta D'a Eb' Hebreo 5:4

May junc mach tztac' scomn 'a'n 'och sb'a 'a jun 'opiso cha. Cojn eb' 'awtb'il yuj Dios tztac' yajx yopiso, 'icha 'ajnc win Aarón yawtx yuj Dios pecti'.

Josué 4:7

Ax eyaln 'a eb' 'ixtic: A yic xyi'n 'e't eb' ya'mal 'och qui ti 'a Dios te scaxail strato Jehová 'a yojl 'a Jordán, ax a a cha, spoj sb'a a 'a yojltac te caxa cha, a jun tzo'n̈ q'uen tusb'il can chan̈ tic, snanb'il cot tas ujnac 'a qui calc 'a jun lugar tic, xe chi 'a eb', xchi.

San Judas 1:11

Caw 'oltac wal eb', yujto lajnn̈ej tzyutj eb' sb'eyb'al 'icha win Caín. Yujn̈ej tumin, tzchon̈n 'at sb'a eb', 'icha yutjnac sb'a win Balaam. 'Icha win Coré, milxnac chamoc, yujto cob' ya'jnac owl yet' Dios, 'ixta 'oj 'aj eb' smilx cham jun xo.