Nm 16:32 - Chuj San Sebastian Bible

³² 'Ix sb'u'n can 'ejm lum win Coré yet' eb' 'anma 'ix ya'ch sb'a yet'oc, 'ix 'atcn eb' 'a yol lum yet' yunnal yet' pax smasnil tas 'ay 'a eb'.

Chuj San Mateo Bible

³² Ix emcan eb' vin̈ d'a yol luum yed' yalyuninal smasanil. Icha val chi' ix aj satel masanil eb' junn̈ej ix aj spensar yed' vin̈aj Coré chi' yed' masanil tastac ay d'a eb'.

Nm 16:32 ပူးပေါင်းရင်းမြစ်များ

Gn 4:11

A ticnec, tzach catb'tzax can 'el 'a sat lum lum tic, atn lum 'ix 'u'n can 'ejm schic'l win o'tac 'ix a ma' cham cha.

1 Cr 6:22

Eb' yin̈tl Coat 'a stzolil: atn Aminadab, Coré, Asir, Elcana, Ebiasaf, Asir, Tahat, Uriel, Uzías yet' Saúl.

Salmos 106:17

Yuj cha, 'ix jat lum lu'um, 'ix sb'u'n 'ejm lum win Datán yet' pax win Abiram, yet' pax smasnil eb' ajun yet' eb'.

Salmos 141:7

A sb'acl eb', sactzicnac 'oj 'ajcn 'a stz'ey sti sjul-l eb' chamnc 'anma', b'ulctac xoj tz'ajcn 'icha lum lu'um.

Salmos 84:1

Caw wal nib'jub'tac yilx a cajnub' Mamin Jehová, smasnil tas tztac' o'oj.

Salmos 85:1

Mamin Jehová, yel xo wal wach' a nab'en 'a quib'n̈ an̈ a chon̈b' on̈ tic, yuj cha, 'ix a'n meltzjoc qui tzaljc'ojlal an̈ yin̈tl on̈ Jacob tic jun 'ejm xo.

Salmos 88:1

Mamin Jehová in Diosal ach, in Colmal aji, sc'ual yac'wlil in c'ann a colwal 'a wib'an̈.

Is 24:19

Yel xo wal caw 'oj 'ib'xoc lum lum tic si'mb'il, 'oj tzicb'tan̈xoc, caw choc' 'oj 'ajcn lu'um.

Is 5:14

Ax yet'l chamel, 'oj sjac wal sti 'a eb' 'anma', yet' 'a eb' yajl yaj 'a scal eb' 'aj Jerusalén cha; ax sb'u'n 'ejm eb' smasnil, atn eb' 'anma tzcomn 'el yaw.

Nm 16:17

Junjn mach tzyij 'at stz'ab'c'ac', tzeya'n 'ejm incienso 'a yojol. Ach tic yet' Aarón, junn̈j tzeyutj 'och e tz'ab'c'ac' chi 'a yojltac Jehová, yet' pax yic eb' 250 cha, xchi.

Nm 16:30

Palta toto 'ay tas satjub'tac 'oj sb'o Jehová, 'oj jacwc sti lum lum tic, ax sb'u'n 'ejm lum eb' 'anma tic yet' smasnil tas 'ay 'a 'a, pitznto eb' ax s'atcn eb' 'a yol lu'um. Ax eyojcan 'eli, to atn eb' 'anma tic 'ix meltzj 'och 'ajc'ojlal 'a Jehová, xchi Moisés.

Nm 16:31

Cojn wal xlajw yaln Moisés jun tzo'n̈ paxti tic, 'ix jat lum lum 'a yaln̈ eb' x'och smul cha.

Nm 16:33

Pitznto eb' 'ix 'atcn eb' 'a yich lu'um, yet' pax smasnil tas 'ay 'a junjn eb'. 'Ixtnta 'ix 'aj eb' satcn 'el 'a scal eb' yit israelal cha.

Nm 16:49

Wal 'a muc'uc, xcham chan̈lajn̈e mil yet' uque ciente eb' 'anma cha, chuc pax yaj eb' xcham yet' Coré yic 'ix 'och eb' 'ajc'ojlal 'a Moisés yet' 'a Aarón.

Nm 26:10

Palta 'ix sjac lum lum sti', 'ix sb'u'n 'ejm lum eb' chawn̈ chi yet' pax Coré. Smasnil eb' x'och tza'n yuj Coré cha, 'ix cham eb'. 250 sb'isl eb' winc 'ix cham yuj c'ac'. A jun cha, 'ix 'och ch'oxnb'ilal 'a eb' israel smasnil.

Nm 26:11

Ax pax eb' yin̈tl Coré cha, ma'ix cham eb'.

Nm 27:3

A qui mam on̈, chamnc can 'a lum cusltac lu'um, palta man̈ locnoc 'aych 'a scal eb' yic Coré, eb' meltzjnac 'och 'ajc'ojlal 'a Jehová. 'Ix cham yuj smul mun yico', palta may junc yunnal to winac.

Nm 4:18

Man̈ e cha satl eb' yin̈tl Coat 'a scal eb' levita,

Dt 11:6

Nac cot pax tas yutjnac Datán yet' Abiram, atn eb' yunnal Eliab, win yin̈tl can Rubén, atn eb' 'aj sjac lum lum sti 'a qui calec. Yic pitznto eb' s'atcn eb' 'a yich lum yet' smasnil yunnal yet' smantiado eb'. C'uxn xlajw 'el eb' yet' smasnil scajb'en noc'. Q'ueln on̈c 'och wal qui masnil, yic xlajw 'el eb'.

Apoc 12:16

Palta a lum lum xcolwj 'a 'ix. 'Ix jacw jun niwquil xab' oln 'a lu'um. An̈jta 'ix satcn 'ejm jun niwquil a chi x'elt 'a yol sti cha.