Nm 16:22 - Chuj San Sebastian Bible

²² A yic xyab'n Moisés yet' Aarón jun paxti cha, 'ix 'em n̈ojn eb' 'a sat lu'um, 'ix yaln eb' 'ixtic: —Mamin, ach ton wal tzac' sq'uinl smasnil 'anma', ¿tom tztac' scot owl 'a yib'n̈ smasnil eb' a chon̈b' tic yuj smul junc win winac? xchi eb'.

Chuj San Mateo Bible

²² Yuj chi' ix em n̈ojjab' eb' vin̈ d'a sat luum, ix yalan eb' vin̈ icha tic: —Mamin, yajal aj d'a sq'uinal masanil anima, ¿tom tza satel masanil eb' anima tic yuj smul junoc? xchi eb' vin̈.

Nm 16:22 ပူးပေါင်းရင်းမြစ်များ

Gn 18:32

'Ix yaln Abraham jun 'ejm xo: —'Ac' wal niwnc'ojlal 'ayn Mamin, ach Wajlil matz cot cab' owl 'ayin, cojxn jun 'ejm tic tzin tew 'ayach. ¿Tas tzotej toto cojxn lajn̈wan̈ 'anma wach' sb'eyb'al tz'ilchj o'oj? xchi. 'Ix yaln pax Dios 'a 'a: —Toto 'ay lajn̈wan̈ 'anma wach' sb'eyb'al, matz in satl jun chon̈b' cha, xchi Dios.

A Ch'an̈ Schab'l Libro Samuel 24:1

'Ix cot yowl Jehová 'a chon̈b' Israel, 'ix ya'n 'och 'a snab'en David, to tz'ijx chan̈ sb'isl eb' israel yet' eb' 'aj Judá.

A Ch'an̈ Schab'l Libro Samuel 24:17

A yic 'ix yiln David jun ángel tz'a'n lajwc chon̈b' cha, 'ix yaln 'a Jehová 'ixtic. —¡An ton 'ay in mul. An 'ix in b'o tas maysch'olnil tic! Toc 'ay smul jun tzo'n̈ eb' 'anma tic. Tzin tew wal 'ayach, to a cab' 'a wib'an̈ yet' 'a yib'n̈ eb' win̈til, ata tz'och jun yailal tic, xchi David.

Job 12:10

yujto yol sc'ab'n̈ej 'ay sq'uinl smasnil tas pitzan. A tz'a'n sq'uinl smasnil 'anma'.

Salmos 99:6

A Moisés yet' Aarón 'aych eb' 'a scal eb' ya'mal 'och sti eb' 'anma 'a Dios. Ax Samuel 'ayc' 'a scal eb' xyal sb'a 'a Dios cha. A eb' tzyal sb'a 'a Jehová, tzta'w 'a eb', toto tzc'an eb' scolwal.

Ec 12:7

A yic 'oj lajwc c'och jab' qui q'uinlec tic, ax qui niwnalec 'oj meltzjoc can pax 'och poccal 'a sat lum tic, 'icha xon yaj 'a yic yaln̈taxi; ax qui pixnec, 'oj meltzjoc can pax 'a Dios, yujto a 'a'jnac 'ayn̈ec.

Is 57:16

Man̈x 'oj wowx 'och 'a eb' in chon̈b' tic, man̈x 'oj cot wowl 'a eb' 'a smasnil tiempo, toq'ue laj 'oj schab'c'ojloc pax sb'a eb', atn eb' 'anma b'ob'il wu'uj.

Jeremías 32:27

An ton Jehová in, sDiosal in smasnil eb' 'anma'. May tas 'ajltac sb'o wu'uj.

Jeremías 38:16

Palta caw c'ultacl xyac' win rey Sedequías sti 'ayn 'ixtic: —Wal 'a sat Jehová jun tz'a'n qui q'uinal, tzwa'n in ti 'ayach, chajtlto ma'oj ach wac' milxoc chamoc, an̈jtona ma'oj ach wa'ch pax 'a yol sc'ab' eb' tzach nib'n milnc chamoc, xchi win 'ayin.

Ez 18:4

A eb' 'anma', wic eb' smasnil, wic win mamb'il yet' win 'unnab'il, a mach tz'och smul, tojln̈ej schami.

Lv 10:6

Yajn̈j wal cha, xyaln Moisés 'a Aarón, yet' 'a Eleazar yet' pax 'a Itamar, atn eb' yunnal Aarón pitznto cha: —Man̈ eyi'l sc'oxl e jolom, man̈ e tzil-l pax e pichul yic tze ch'oxn 'el e cusc'ojlal, axta laj x'aji, tzex chami. Nab'a 'oj cot yowl Jehová 'a quib'n̈ qui masnil an̈ israel on̈ec tic. Palta a smasnil eb' quit chon̈b'ec tic, tztac' scus eb' yuj ewin x'ajx cham yuj Jehová yet' te c'ac' tic.

Lv 4:3

Q'uinloc a win sat ya'mal 'och sti eb' 'anma tz'och smul, a smul cha tz'och pax smulc eb' chon̈ab'. Toto 'ixta', yowlal tzyac' win junc no quelm wacx may spaltail xajmb'al-l 'ayn an Jehová in yuj smul cha.

Zacarías 12:1

A Jehová a b'ojnac satcha'an̈, sb'on 'ejm yipnub'al yich lum lum tic, a tz'a'n sq'uinl eb' 'anma', a tzaln 'ixtc yuj chon̈b' Israel:

Nm 14:5

Yuj cha, 'ix 'em n̈ojn Moisés yet' Aarón 'a sat lum 'a yojltac eb' chon̈b' cha.

Nm 16:23

Yuj cha, xyaln Jehová 'ixtc 'a Moisés:

Nm 16:4

A yic 'ix yab'n Moisés jun tzo'n̈ paxti cha, 'ix 'em n̈ojan, masnto squil 'ejm snan̈l sat 'a sat lu'um.

Nm 16:45

'Ijec 'el e b'a 'a stz'ey jun tzo'n̈ 'anma tic, yujto wal in satn 'el eb' tic, xchi. —Ax Moisés yet' Aarón, 'ix 'em n̈ojn eb', masnto squil 'ejm eb' snan̈l sat 'a sat lu'um.

Nm 27:16

Mamin Jehová, ach tzac' sq'uinl smasnil 'anma', yuj cha, a ticnec, sic' 'elt junc mach tz'och syajlilc eb' a chon̈b' tic,

Ro 5:18

Yuj cha, yuj smul win Adán yajx can 'och yailal 'a yib'n̈ smasnil 'anma'. Palta 'ay wal jun tas caw wach' sb'ojnac Jesucristo. Yuj wal jun cha, tzyal Dios to wach'n̈ec 'a sat, tzya'n pax qui q'uinlec 'a jun 'ejmn̈ej.

1 Co 13:7

Toto yel 'ay qui chamc'ojlalec, 'oj ca'c techjoc smasnil tas. 'Oj ca'c 'och 'a qui c'ojol, chajtlto wach'n̈j tas tzb'o eb' quit 'anma'il. 'Oj ca'c 'ochn̈ej pax eb' yipc qui c'ojol. Tzann̈j junc tas tzjaw 'a quib'n̈ec, te'nn̈ej 'oj cutquec qui b'a.

A Ch'an̈ Carta D'a Eb' Hebreo 12:9

A yic tzon̈ ya'n cuenta eb' qui mam 'a yolyib'n̈q'uinl tic, 'ay yel'ch eb' 'a qui satec. Yuj cha, yel xo caw yiclum tzcutjec qui b'a 'a junx qui Mamc 'a 'esal, sec 'oj qui chac qui q'uinl 'a jun 'ejmn̈ej.

Josué 22:18

¿Tom man̈ colb'ilc jun chi 'ayex, a ticnec, xe patquilj can 'el Jehová? Toto tzex meltzj 'och 'ajc'ojlal toto 'ixta', ax q'uic'an, 'oj cot yowl 'a quib'n̈ec qui masnil an̈ israel on̈ec tic.