Nm 16:13 - Chuj San Sebastian Bible

¹³ ¿Tom janc'n̈ej tzon̈ otj on̈ extni, 'ilto on̈ ej 'elt 'a lum Egipto, 'aj til wal tas wach' tzqui c'uxu. Ax ticnec ton̈j on̈ ej cot chamc 'a lum cusltac lum tic, tzlajw cha, tza nib'n wal on̈ a'x mandar?

Chuj San Mateo Bible

¹³ ¿Tom jab'n̈ej tas tzon̈ utej? Ix on̈ iq'uelta d'a Egipto b'aj te vach', man̈ jantacoc tas ay d'a sat luum, ix on̈ ic'ancoti yic tzon̈ cham d'a tic. A gana to tzac'och a b'a yajalil d'a tic.

Nm 16:13 ပူးပေါင်းရင်းမြစ်များ

Ex 1:11

Yuj cha, 'ix 'ajx 'och yilmal eb', x'ajx 'och eb' 'a munljel caw ya. 'Ix 'ajx sb'o eb' chab' niwc chon̈ab', atn Pitón yet' Ramesés. A 'a chab' chon̈b' cha, ata tzyac' win rey molxoc 'ixm trigo.

Ex 1:22

A yic 'ix yiln win rey chajtlto matz tac' 'ixta', yuj cha, 'ix yaln win 'ixtc 'a smasnil eb' schon̈b' cha: A smasnil eb' winc 'unn tz'alj 'a scal eb' israel tic, tze xutcn 'at eb' 'a yojl a Nilo, palta toto 'ix 'unin, q'uib' cab'i', xchi win rey cha.

Ex 16:3

Xlaj yalnc eb' 'a 'ixtic: —Comnoc on̈ smilc can Jehová 'a Egipto, 'a 'aj caw wach' qui chinec chib'ej, 'aj caw tzon̈ b'ut'jec wal si'mb'il. Ocxo jun, ax on̈ eyij cot 'a lum cusltac lum tic; 'in a 'a tic 'oj qui chamc yuj wejl qui masnil, xchi eb'.

Ex 17:3

Caw wal 'ay stacn̈til eb' chon̈b' cha, yuj cha, tz'awj chan̈ eb' 'a Moisés, tzyaln eb' 'ixtic: —¿Tas yuj on̈ eyij 'elt 'a Egipto? ¿Tom yuj qui cham yuj tacn̈til yet' eb' cunnal yet' pax qui cajb'en noc', yuj cha tzon̈ eyi'n 'elta? xchi eb'.

Ex 2:14

'Ix ta'w win yit chon̈b' chi 'a 'a: —¿Mach ach 'a'n 'och yajlil mto juezal 'a qui cal on̈, yuj cha, tzon̈ a b'onyaj on̈? ¿mto tza nib'j tzin a mil cham 'icha otj a miln cham win 'aj Egipto 'ewi? xchi winac. —A yic 'ix yab'n Moisés tas 'ix yal win cha, caw 'ix xiw cha'an̈; 'ix snan 'eli, to 'ix 'ab'xi chajtlto a 'ix miln win 'aj Egipto cha.

Ex 2:23

Niwn xo tiempo x'eq'ui, 'ix cham win sreyl Egipto cha. Ax eb' israel an̈j 'ijnoc yab'n eb' sya'il, mosoaln̈ej yajch eb', man̈ yico'oc sb'a eb', caw tz'el yaw eb'. 'Ix yiln Dios scusc'ojlal eb' yet' syailal eb',

Nm 11:20

Palta to jun 'uj 'oj schi eb' chib'j cha, masnto 'oj xej eb' yuj no'. 'Oj jawc no 'a yol sn̈i eb', 'oj syajl eb' no', yujto may yel'ch in yutj eb', an Jehová in tic. 'Ayn 'ec' 'a e cal, til wal yoc' eb' xjaw eb' 'a wojltac, xyaln eb' 'ixtic: ¿Tas yuj on̈ ej 'elt 'a Egipto? xchi eb', xchi Dios 'a Moisés.

Nm 11:4

Til wal eb' chuc chon̈b'al toxn ajun 'a scal eb' israel. A jun tzo'n̈ 'anma cha, a wal tas tz'aj eb' swa'i, a chi nan yuj eb'. Locn pax eb' israel tzcham yuj wejl yet' eb', yuj cha, 'ix 'oc' chan̈ eb', xyaln eb' 'ixtic: ¡Mach junc tz'a'n qui chi chib'j 'a tic!

Nm 11:5

¡Caw wal tzqui na cot no chay tzsiyx qui chi 'a Egipto, 'ay pax te pepino, te melón, te puerro, te cewolia yet' te 'axux tzqui c'uxc ta'!

Nm 13:27

'Ix yaln eb' 'ixtc 'a Moisés: —On̈ xit' quil lum lum chi 'aj on̈ a checb'ti. Yel ton wal b'i'an, caw wach' lu'um, yax sat lu'um, yaj sat eb' te 'awb'ente tic 'ay 'a lu'um.

Nm 14:2

Smasnil eb' 'anma cha, xlaj q'ue b'uynjoc eb' yaln tu paxti 'a Moisés yet' 'a Aarón, xyaln eb' 'ixtic: ¡Comnoc wal a 'a Egipto, mto a 'a lum cusltac lum tic on̈ chamc cani!

Nm 14:3

¿Tas laj yuj tzon̈ yijec 'at Jehová 'a jun lum lum cha, sec am ata tzon̈ chamc can ta yuj owal, ax eb' 'ix quistlec, eb' cunnalec, 'oj can eb' 'a yol sc'ab' eb' 'ajc'ojl yajch 'ayn̈ec cha? Yel xom wach' tzon̈ meltzjec pax 'a Egipto, xchi eb'.

Nm 16:12

Xlajw cha, 'ix ya'n Moisés cot win Datán yet' win Abiram, atn eb' yunnal Eliab, palta 'ix ta'w eb' 'a 'ixtic: —Ma'ay, matz on̈ 'at on̈.

Lc 19:14

Ax eb' yit chon̈b' win cha, caw tzchichn 'och eb' 'a winac. Yuj cha, tza'n x'at chawn̈ 'oxwn̈ schecb' eb'. X'at yalnoc eb' 'ixtc 'a ewin tz'a'n yopiso winac: A wal jun winc cha, caw wal matz yal qui c'ojl tz'och win yajloc 'a qui chon̈b' chi 'on̈, xchi eb'.

A Tas Sc'ulejnac Eb' Schecab' Jesús Hechos 7:35

Palta ax yic xc'och 'a eb' yit chon̈b' cha, toxn may yel'ch 'a sat eb'. 'Ix yaln eb' 'ixtc 'a 'a: ¿Mach ach 'a'n 'och juezal, yuj cha, tzon̈ a'n mandar on̈? xchi eb' 'a 'a. Palta a Dios, 'ix 'a'n yopiso Moisés chi ya'n mandar eb'. 'Ix ya'n pax yopiso yi'n 'elt eb' 'a scal syail. A jun ángel chi 'ix sch'ox sb'a 'a Moisés 'a scal te q'ui'ix, a 'ix 'och yet'oc.