Nm 16:1 - Chuj San Sebastian Bible

¹ 'Ay jun win levita yin̈tl can Coat, tzcuch Coré, yunnal jun win tzcuch Izhar, yet' pax 'oxwn̈ xo eb' yin̈tl Rubén, atn Datán yet' Abiram yunnal Eliab eb', yet' pax On win yunnal Pelet.

Chuj San Mateo Bible

^1-2 A vin̈aj Coré yuninal vin̈aj Izhar yin̈tilalcan vin̈aj Coat, d'a yin̈tilal Leví yed' oxvan̈xo eb' d'a yin̈tilal Rubén, aton vin̈aj Datán, vin̈aj Abiram yuninal eb' vin̈aj Eliab yed' pax vin̈aj On yuninal vin̈aj Pelet, ix meltzajoch eb' vin̈ ajc'olal d'a vin̈aj Moisés. Ix stec'b'ej sb'a eb' vin̈ smolb'an 250-xo eb' yetisraelal. A eb' vin̈ ix yac'och sb'a chi', yajalil chon̈ab' yaj eb' vin̈, ayoch eb' vin̈ sb'isuloc eb' vin̈ tz'ac'an slajtial junoc lolonel d'a yol chon̈ab' chi'.

Nm 16:1 ပူးပေါင်းရင်းမြစ်များ

Salmos 106:16

A yic 'ayc' eb' 'a scamplamento cha, xlaj chichn 'och eb' 'a Moisés yet' 'a Aarón, atn win sic'b'il 'el oj Mamin Jehová.

Ex 6:16

A Leví 137 ab'il 'ix yila. Ax eb' yunnal, atn eb' tic: Gersón, Coat, yet' Merari.

Ex 6:18

A win Coat cha, 133 ab'il 'ix yila. Ax eb' yunnal, atn eb' tic: Amram, Izhar, Hebrón, yet' Uziel.

Ex 6:21

Eb' yunnal Izhar, atn Coré, Nefeg yet' Zicri.

Nm 15:41

An tzwala, to an ex wij 'elt 'a Egipto, sec tzin 'och e Diosaloc. An ton Jehová e Diosal in, xchi Dios.

Nm 27:3

A qui mam on̈, chamnc can 'a lum cusltac lu'um, palta man̈ locnoc 'aych 'a scal eb' yic Coré, eb' meltzjnac 'och 'ajc'ojlal 'a Jehová. 'Ix cham yuj smul mun yico', palta may junc yunnal to winac.

Dt 11:6

Nac cot pax tas yutjnac Datán yet' Abiram, atn eb' yunnal Eliab, win yin̈tl can Rubén, atn eb' 'aj sjac lum lum sti 'a qui calec. Yic pitznto eb' s'atcn eb' 'a yich lum yet' smasnil yunnal yet' smantiado eb'. C'uxn xlajw 'el eb' yet' smasnil scajb'en noc'. Q'ueln on̈c 'och wal qui masnil, yic xlajw 'el eb'.

San Judas 1:11

Caw 'oltac wal eb', yujto lajnn̈ej tzyutj eb' sb'eyb'al 'icha win Caín. Yujn̈ej tumin, tzchon̈n 'at sb'a eb', 'icha yutjnac sb'a win Balaam. 'Icha win Coré, milxnac chamoc, yujto cob' ya'jnac owl yet' Dios, 'ixta 'oj 'aj eb' smilx cham jun xo.