Nm 15:7 - Chuj San Sebastian Bible

⁷ 'Ec'b'al cab' pax jun litro yal uva tz'ajx yet'oc, yujto a jun tzo'n̈ xajmb'al cha, wach' sjab' tzwab'i.

Chuj San Mateo Bible

⁷ ec'topax jun litro vino tzeyac' yed'oc. Te suc'uq'ui sjab' jun ofrenda chi' svab'i.

Nm 15:7 ပူးပေါင်းရင်းမြစ်များ

1 Cr 29:21

Ax 'a junx c'u 'ix yac' eb' no xajmb'al yet' pax no xajmb'al to tz'a smasnil 'a Jehová: Jun mil no quelm wacax, jun mil no mam calnelu, yet' pax jun mil no quelm calnelu, yet' yal uva tz'ajx xon 'a yic tz'ajx junjn macn̈ no xajmb'al tz'ajx yuj eb'.

Ex 29:40

A yet' no tza b'ab'l 'a'j tz'a cha, tzac' tz'a pax chan̈e'oc libra 'ixm harina caw wal wach'. Caln tzotj yet' junc litro yaceiteal te olivo. Tza secn pax 'ejm junc litro yal uva ofrendail 'a yib'an̈.

Nm 15:6

Toto mam calnelu no tz'ajx xajmb'al-l cha, tz'ajx pax wajxque'oc libra harina ofrendail yet' no', 'ec'b'al cab' jun litro aceite tz'at 'a scal.

Nm 15:8

Toto quelm wacx no xajmb'al cha, 'ajx cab' tz'a no', yic tzeya'n 'el'choc junc e ti', mto xajmb'al yic junc'ojlal.

Nm 28:2

Al jun tic 'a eb' et israelal to matz yactj eb' ya'n yofrenda 'ayin. Checl stiempoal 'aj wach' ya'n eb' 'ixm pan yet' jun tzo'n̈ xajmb'al to tz'a'i. A jun tzo'n̈ cha, to wach' sjab' tzwab'i.

Nm 28:7

Ax pax ofrenda tz'ajx 'a te yal uva, junjn litro tz'ajx yet' no calnelu tz'ajx tz'a cha. A jun yal uva cha, ata tzicx 'och 'a in cajnub' yic tz'ijx chan̈ in b'i.

Nm 6:15

An̈jtona', yowlal tz'ajx pax junc yune xuc 'ixm pan may yich, b'ob'il 'a 'ixm harina caw wach', calb'il yet' aceite. Tz'ajx pax 'ixm c'oxox pan may yich, 'aych aceite 'a 'a. Junn̈j tzyutj ya'n yet' yofrendail 'ixm harina yet' pax yic te yal uva.

Jueces 9:13

Ax te snun uva cha, xyaln te', to matz tac' yoch te sreyloc eb' te', Toto tzin 'och e reyloc, man̈x 'oj wac' in sat, man̈x 'a yalil uva chi 'oj sc'anlb'oc eb' 'anma', yet' pax Dios, xchi te'.