Nm 15:29 - Chuj San Sebastian Bible

²⁹ Atn jun ley tic tz'och yopiso 'a e cal ax israel ex tic, yet' pax 'a eb' chuc chon̈b'al cajn 'ec' 'a e cal, toto man̈ sc'anc sc'ojl junc mach tz'och smul cha.

Chuj San Mateo Bible

²⁹ An̈eja' jun ley chi' tz'och yopisio eyuuj yed' eb' ch'oc chon̈ab'il ayec' d'a e cal, ayic tz'och e mul to man̈ sc'anoc e c'ool.

Nm 15:29 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 8:41

Q'uinloc 'ay eb' chuc chon̈b'al 'a caw najat, 'oj yab' eb' a b'inax yuj tas satjub'tac tza b'o yet' a poder, yuj cha, tzjaw cajn eb' 'a qui cal on̈. Toto 'ay junc eb' tzleslwi 'aych 'a stojlal jun n̈a tic,

Ex 12:49

A jun ley tic, yowlal tzyiclj smasnil eb' 'anma tz'alj 'a e cal, yet' eb' chuc chon̈b'al tzjaw cajn 'a e cal, xchi Dios.

Lv 16:29

A jun tic ley tz'ajcn 'a e cal 'a smasnil tiempo. A 'a yic lajn̈e yoch yucl 'uj, ata tzex 'och 'a c'ajb'c'ojlal ax israel ex tic, yet' eb' chuc chon̈b'al cajn 'a e cal. May junc mach tzmunlj 'a jun c'u cha,

Lv 17:15

Tzann̈j israelal mto chuc chon̈b'al tzchin schib'jal junc no noc' mun tzchami, mto a junc no calte'al noc' tzmilni, yowlal tzju'l jun 'anma chi spichul, tz'achn paxi, palta mant wach'oc masnto yic tzq'uic'b' 'ejmi. Tz'e'cn jun cha, 'ixta to b'i'an tzb'ox can paxi.

Lv 4:2

Al yab' smasnil eb' et israelal, to an tzwal jun tzo'n̈ tic: Toto 'ay mach tz'och smul, palta man̈ sc'anc sc'ojl tzb'o tas 'ay yowlal sb'on yuj in checnb'il an Jehová in, yowlal tzyiclj smasnil jun tzo'n̈ 'oj wal tic.

Nm 15:15

A jun in ley tic, tz'och yopiso 'ayex yet' 'a eb' chuc chon̈b'al. 'Oj sc'anlb'ocn̈ej eb' eyin̈tl b'aq'uin̈.

Nm 15:28

Ax win ya'mal 'och e ti cha, a win tzb'on no xajmb'al cha, 'icha xon tz'aji, sec tz'ajx lajwc smul junc 'anma cha, sec 'ixta tzwutj wa'n niwnc'ojlal 'a yib'n̈ an Jehová in.

Nm 15:30

Palta toto sc'an wal sc'ojl junc 'anma chi tzsay smuloc, toxn̈ej to eyit chon̈ab', mto chuc chon̈b'al, palta tz'och smul 'ayin, a jun 'anma cha, yowlal tz'ijx 'el 'a e cal.

Nm 9:14

Toto 'ay eb' chuc chon̈b'al cajn 'ec' 'a e cal, tznib'j eb' tzna jun q'uin̈ chi eyet'oc, yic tzyi'n chan̈ eb' in b'i, yowlal tzyiclj eb' sleyl 'icha 'ix wutj walni. 'Icha wal sleyl 'ix wac' eyicloc, a pax tzyiclj eb' chuc chon̈b'al 'ayc' 'a e cal, xchi Dios.

Lc 12:48

Palta q'uinloc 'ay junc xo moso man̈ 'ojtnacoc, tzb'on pax jun tzo'n̈ tas smoj tz'ajx 'och syailal yu'uj. A jun cha, janc'n̈ej yailal 'oj 'ajxc 'och 'a yib'an̈. A eb' niwn tas 'ac'b'il 'a 'a, niwn tas 'oj c'anb'xoc 'a eb'. Yet' eb' niwn tas 'ac'b'il 'ab'enal 'a 'a, yowlal niwn pax tas 'oj c'anb'xoc 'a eb'.

Josué 8:33

Ax eb' israel chi smasnil, eb' chuc chon̈b'al cajn 'a scal eb', eb' yichm wincal chon̈ab', eb' yajl yaj 'a scal eb' soldado, yet' eb' yajl tzb'on yaj eb' 'anma', 'ix spoj eb' snan̈al; nan̈l eb' 'ix can 'a yich witz Gerizim, ax nan̈l xo eb' xcan 'a yich witz Ebal. 'Ix cot q'ueln eb' schac'ajil 'a eb' ya'mal 'och sti eb' 'anma 'a Dios, atn eb' yin̈tl can Leví, eb' 'et'jnac te scaxail strato Jehová. 'Ixta 'ix 'aj yel'ch tas yaljnac can Moisés, atn win schecb' Jehová yuj tas tz'aj yalx wach' paxti 'a yib'n̈ eb' israel.