Nm 14:9 - Chuj San Sebastian Bible

⁹ Palta comnoc matz eyij 'el e nab'en 'a Jehová, man̈ ex comn xiw yuj eb' 'anma chi 'ay 'a lum lum cha. 'Ichan̈ej wal qui wan junc pan, 'ixta 'oj 'aj eb' satl cujec, toc 'ay mach 'oj colnc 'el eb' 'ayn̈ec. An̈ec xo tic, a Jehová a 'aych quet'ec. Yuj cha, man̈ ex comn xiwoc, xchi eb'.

Chuj San Mateo Bible

⁹ Yuj val chi', man̈ eyiq'uel e b'a d'a spatic Jehová, man̈ ex xiv d'a eb' anima ay d'a jun luum chi'. Icha co vaan junoc pan, icha chi' ol aj co satanel eb'. ¿Toc ay mach ol colan eb' d'ayon̈? A on̈xo pax tic ayoch Jehová qued'oc. Man̈ ex xiv d'a eb', xchi eb' vin̈.

Nm 14:9 ပူးပေါင်းရင်းမြစ်များ

Gn 48:21

Xlajw cha, xyaln pax 'a José 'ixtic: —Ach wunnal, an tic jab'xoj wal 'oj in chami; palta a Dios 'aychn̈ej cab' eyet'oc, a 'oj eyi'n meltzjoc pax 'a slum eb' qui mam quichmec.

2 Cr 13:12

A Dios 'ayc' quet' on̈, a b'ab'l cuj on̈, ax eb' ya'mal 'och qui ti 'a Dios on̈, caw lista xo yaj eb' yutz'n strompeta yic tz'och owl eyet' ax tic. Ex wit chon̈ab', man̈ eyac' owl yet' Jehová, atn qui Diosalec yet' eb' qui mam quichmec, yujto ma'oj eyac' xon ganar, xchi Abiam 'a eb'.

2 Cr 15:2

'Ix 'elt wul scha win Asa, 'ix yaln 'a 'ixtic: 'Ab' tas 'oj wal 'aych mamin Asa, yet' e masnil ex wit chon̈b' 'aj Judá, yet' ex yin̈tl Benjamín. A Jehová 'aych ton wal quet'ec, toto a wal yet' 'ayn̈ec 'ochi. Toto tzcalc qui b'a 'a 'a, 'oj yab' tas tzcalec. Palta toto 'oj cactquec cani, 'oj on̈ yactc can paxi.

2 Cr 20:17

Man̈oc ex 'oj eyac' owal. Ton̈j 'oj eyaj ta', may tas 'oj e b'o', ax eyilni tas 'oj wutc ex in coln 'el an Jehová in, xchi. Ex 'aj Jerusalén yet' ex 'aj Judá, man̈ ex xiwoc, man̈ eyac' chab'c'ojlal. Q'ui'nto tz'ex 'at eyac' owl yet' eb', yujto a Jehová 'aych quet'ec, xchi Jahaziel.

2 Cr 32:8

A win cha, a eb' soldado 'aych yipc sc'ojol, palta an̈ec xo tic, a Jehová qui Diosalec, a 'aych quet'ec. A 'oj colwjc quet'ec yic 'oj ca'nec owl cha, xchi 'a eb'. Ax eb' chon̈b' cha, caw x'och ste'nal eb' yic xyab'n eb' tas xyal rey Ezequías cha.

Nehemías 4:14

A yic xwilni to tzxiw eb', xin te'wtzan in b'a waln 'ixtc 'a eb' yichm wincal chon̈ab', 'a eb' yajl yaj 'a yib'n̈ eb' chon̈b' cha, yet' 'a smasnil eb' 'anma': Man̈ ex xiwoc. Nac cot qui Diosalec to caw niwn yel'chi, smoj a 'a tzon̈ xiwec. Yuj cha, qui colc qui chon̈ab', eb' cunnalec, eb' 'ix quislec, eb' 'ix quistlec yet' catutec, xin chi 'a eb'.

Salmos 106:24

'Ix b'ey jab' tiempo yuj eb', schab'c'ojlan eb' lum lum caw wach', ma'ix ya'ch eb' yipc sc'ojl tas alb'il can o'oj.

Salmos 121:5

A Jehová qui tan̈malec yaji, a 'a yen̈ul ata 'ayn̈ec 'eq'ui, yic tzon̈ scolnec.

Salmos 14:4

Caw may snab'en eb' tzb'on maysch'olnil, atn eb' tzsatn 'el eb' wit chon̈ab'. 'Icha tz'aj junc tas tzc'uxxi, 'ixta tz'aj eb' yuj eb', matz yal pax sb'a eb' 'a Dios.

Salmos 46:11

A Jehová tztac' yuj smasnil, a 'ayc'n̈ej quet'ec. A qui Diosalec an̈ yin̈tl on̈c Jacob tic, ata tzqui colc qui b'a.

Salmos 46:7

A Jehová tztac' yuj smasnil, a 'ayc'n̈ej quet'ec. A qui Diosalec an̈ yin̈tl on̈c Jacob tic, ata tzqui colc qui b'a.

Salmos 46:8

Cotn̈ec, wul 'iltec wal satjub'tacl x'aj slajw 'el eb' chon̈b' 'a sat lum tic.

Salmos 74:14

'ix a te'cn 'ejm sjolm no niwquil Leviatán, xa'n can schi e no chiwjum noc' 'ay 'a cusltac lu'um.

Salmos 91:1

A eb' tzcol sb'a 'a yaln̈ spoder Jehová, atn jun caw niwn yel'chi, tztac' yuj smasnil,

Ex 14:13

'Ix ta'w Moisés 'ixtc 'a eb' 'anma cha: —Man̈ ex xiwoc, te'wtzejc e b'a, 'oj eyila' tas 'oj yutc colwjoc sb'a Jehová quet'ec, yujto man̈x 'a xon b'a'n̈ 'oj eyilch jun tzo'n̈ 'aj Egipto tic, cojxn̈ej ticnec tzeyilcn 'och eb'.

Ex 33:16

Q'uinloc matz ach 'at quet' ticnec on̈, ¿tas wal 'oj 'aj scheclj 'eli, to tzach tzalj wet'oc, yet' 'a eb' a chon̈b' tic? Toto tzach 'at quet' on̈, 'ixtnta 'oj 'aj scheclj 'eli, to sic'b'iln 'el yet' eb' a chon̈b' tic oj 'a scal eb' chon̈b' 'a sat lum tic, xchi Moisés.

Is 1:2

Ex 'aj satcha'an̈ yet' ex 'aj sat lum tic, 'ab'ec. A eb' 'anma tic, xin c'uytzej eb' 'a yic yune'al masnto x'och yip eb', palta ax x'aji, 'ix meltzj 'och eb' 'ajc'ojlal 'ayin.

Is 32:2

A junjn eb', 'icha to qui colnb'il yaj eb' 'a junc 'ic' caw ow, mto 'a niwc yaxn̈ab'. 'Icha sb'e a yaj eb' 'a lum tacn̈ lu'um, 'icha wal pax yen̈l junc niwquil q'uen 'a lum cusltac lu'um, 'ixta yaj eb'.

Is 41:10

Man̈ ex xiwoc, 'ayn 'ec' eyet'oc. Man̈ ex 'och 'il, yujto an ton e Diosal in. An tzwac' eyip, an tzex in colo, an tzex in yamch wan yet' wip tzin c'anlb'ej 'a stojlal.

Is 41:14

A Jehová a tzaln 'ixtic: Ex israel yin̈tl can Jacob, wach'xam man̈ niwnoc e b'isul, wach'xam mant 'a eyip, palta man̈ex xiwoc, an 'oj ex in colo'. Cojxn In Ton Dios In, e colmal waji.

Is 63:10

Palta yel xo wal pit xyutj sb'a eb' 'a Jehová, caw xyac' eb' cus Yespíritu to Cojxni. Yuj cha, x'och 'ajc'ojlal 'a eb', xya'n owl yet' eb'.

Jeremías 1:19

'Oj yac' eb' owl et'oc, palta ma'oj ach yac' ganar eb', yujto caw 'aynn̈ej 'och et'oc, yic tzach in colni. An Jehová in, an tzwala, xchi 'ayin.

Jeremías 42:11

An Jehová in, an tzwala: Man̈ ex xiw 'a win sreyl Babilonia, atn win 'aj tzex caw xiwi. A ticnec man̈ ex xiwoc, yujto 'aynn̈ej 'ec' eyet'oc, 'oj ex in col-l 'a yol sc'ab'.

Jeremías 48:45

A eb' wan cob' s'at 'eloc, man̈x 'a yip eb', 'oj 'at say eb' 'aj tz'at scol sb'a 'a Hesbón. Palta a 'a Hesbón cha, atn schon̈b' win rey Sehón, ata 'oj n̈ilchjoc 'elt c'ac' 'a 'a, caw 'oj b'eyn̈j s'at c'ac' cha. 'Oj sn̈usn̈j tz'a jun tzo'n̈ lugar cha, masnto 'oj c'och 'a lum jolmctac witz 'a yol snacion̈ jun tzo'n̈ caw tzcob' sb'an̈ sb'a cha.

Dn 9:5

Caw x'och qui mul on̈ yet' qui tenmtacl 'ayach. Cojxn̈ej maysch'olnil xqui b'o on̈, man̈x ach nanoc cuj on̈. 'Ix qui patquiln can 'el a checnb'il on̈ yet' pax a ley.

Dn 9:9

Palta ach tic, qui Diosal ach on̈, caw tz'o'ch a c'ojol, 'ay pax a niwnc'ojlal, wach'xam an̈ tic on̈, cojn tenmtacl tzqui b'o 'a ojltac on̈.

Nm 13:30

Xlajw cha, 'ix yaln Caleb to sictac tz'aj eb' 'anma 'ayc' 'a yojltac Moisés cha, xyaln 'a eb' 'ixtic: —¡A ticnec, coyec! ¡'At qui'c 'ec' lum lum cha, a eb' 'anma 'aych 'a lu'um, 'oj 'el xon eb' cujec, yujto 'ec'b'al qui jelnalec 'a yib'n̈ eb'! xchi.

Nm 17:6

Xlajw cha, xyaln Moisés jun tzo'n̈ tic 'a eb' yajl yaj 'a junjn 'in̈tal eb' chon̈b' cha, junjn eb' xyac' eb' junjn sc'ococh, lajchwe te xyac' eb' 'a smasnil, a 'a scal eb' te', ata 'aych te yic Aarón.

Nm 20:2

Yujto may a a wach' yu'n eb' 'anma cha, yuj cha, 'ix q'ue yaw eb' smasnil 'a Moisés yet' 'a Aarón.

Nm 24:8

A Dios 'ix 'i'n 'elt eb' 'a Egipto, a 'aych yipc sc'ojl eb' 'icha no simbron wacax, a sch'ac no 'aych yipc sc'ojol. A chon̈b' Israel, 'oj smil cham eb' nacion̈ 'ajc'ojl yajch 'a 'a. 'Oj smac' poj sb'acl eb', ax sc'axw 'ec' sjul-lab' 'a eb' 'ajc'ojl cha.

Mt 1:23

'Ay jun cob's 'ix, mant 'a xon junc winc tzyi'aj, palta 'oj pitzwc chan̈ jun 'unn 'a 'ix. 'Oj 'aljoc jun swinc 'unin, ax ya'n sb'ic Emanuel, xchi. (Emanuel tzyal 'el'chi, 'ayc' Dios quet'oc).

Ro 8:31

Yuj jun tzo'n̈ tzwal tic, caw man̈x 'a tas tzqui nac ticnec. Caw 'aych Dios quet'ec. Yuj cha, ¿tom 'ay junc mach tztac' ya'n ganar ya'n owl quet'ec?

Dt 1:21

A Jehová qui Diosalec, a tz'a'n lum 'ayn̈ec. A ticnec 'ochn̈ec 'a sat lu'um, 'ijec 'ec' lum 'icha 'ix yutj Jehová yalni, atn qui Diosalec yet' eb' qui mam quichmec. Man̈ ex xiwoc, may cab' mach tzchab'c'ojlej sb'a, xin chi 'ayex.

Dt 1:26

Palta ax xo tic, ma'ix yal e c'ojl e 'at 'a lum lum cha, 'ix eyac' pitl e b'a 'a tas xyal Jehová qui Diosalec.

Dt 1:29

Yuj cha, xwaln 'ayx 'ixtic: Man̈ e comn xib'tc e b'a yuj jun tzo'n̈ cha.

Dt 31:6

Caw te'n tzeyutj e b'a. Man̈ ex xiwoc. Man̈ e xib'tc e b'a yic 'oj e chanc e b'a yet' eb' 'ajc'ojl yajch 'ayx cha. Yujto a Jehová qui Diosalec, a 'aych eyet'oc, ma'oj ex yactc can e ch'ocoj, xchi Moisés cha.

Dt 31:8

A Jehová 'oj b'ab'ljoc o'oj, caw 'ayc'n̈ej et'oc. Man̈ a na to tzach yactj can a ch'ocoj. Yuj cha, man̈ ach xiwoc, man̈ ach meltzjoc 'a a patic, xchi Moisés.

Dt 32:42

Caw chi'ctac 'oj 'aj in jul-lab' yuj schic'l eb', ax wespada 'oj tzu'nc can 'at snan̈l schib'jal eb' chamnc cha, yet' eb' yamchjnac cot 'a owal. A sjolm eb' yajl yajch 'a eb' 'ajc'ojl cha, caw chi'ctac xoj 'oj 'ajcni, xchi Dios.

Dt 7:18

Palta man̈ ex xiwoc; tze na coti tas yutjnac Jehová win sreyl Egipto yet' eb' 'anma cha.

Dt 7:21

Yuj cha, man̈ ex xiw xon 'a eb' 'anma cha, yujto a Jehová qui Diosalec, a 'ayc' 'a e cal, caw niwquil spoder, caw wal 'ay smay.

Dt 9:7

May wal b'a'n̈ tzeyac' sat 'a e c'ojol, chajtlto ax tic, 'ochnc ex 'ajc'ojlal 'a Jehová, yic 'ayn̈ec 'ec' 'a lum cusltac lu'um. Yictax on̈ 'eltec 'a Egipto masnto on̈ jawc 'a jun lugar tic, an̈j 'ijnoc pit tzeyutj e b'a 'a 'a.

A Scarta San Pablo D'a Eb' Aj Filipos 1:27

Palta wach'xam 'oj in c'ochx 'ayex, wach'xam ma'ay, caw wach'n̈j tzeyutj e b'eyb'al 'icha tzyal jun wach' 'ab'x yic Cristo. Toto 'ixta', 'oj wab' eyab'xil, chajtlto an̈ja te'n ex, to an̈ja junn̈j yaj e nab'en ta'. 'Oj wab' paxi, to junn̈j tzeyutj eya'n 'och e c'ojl 'a jun wach' 'ab'x yic colnb'il, caw te'n tzeyutj e b'a 'a 'a.

Josué 1:5

May xon wal junc mach 'oj techjoc ya'n owl et'oc yujto 'aynn̈ej 'ec' et' 'icha xwac' yet' win Moisés. May wal b'a'n̈ 'oj ach waccan a ch'ocoj.

Josué 14:12

Yuj cha, tzin c'an 'aych ticnec, to tzac' lum jolmctac witz tic 'ayin, 'icha yutjnac yaln can Jehová. Ab'jnac ach tic 'a yic jun tiempoal cha, chajtlto ata cajn eb' niwc winac, eb' yin̈tl can win Anac; caw niwc yaj schon̈b' eb' sb'oni, wach' pax yajch smuroal schon̈b' eb' cha. Palta an tic, caw tzwa'ch Jehová yipc in c'ojol, to 'oj colwjoc wet'oc yic 'oj wi'nc 'el eb' ta', 'icha yaj yaln cani, xchi Caleb.

Jueces 1:22

'Ixta pax eb' yin̈tl José, 'ix 'at eb' yac' owl 'a Bet-el, atn jun chon̈b' chi Luz sb'i 'a yic pecti'. A yic mantzac 'och owl cha, xya'n 'at eb' yilmal jun lum cha yic tz'at smaclnoc eb' yila'. A Jehová a xcolwj yet' eb'.