Nm 14:6 - Chuj San Sebastian Bible

⁶ Ax Josué yet' Caleb, locn eb' xit' 'ilnoc lum lum cha, 'ix stzilnjat eb' spichul, yic tzch'oxn 'el eb' to tzcus eb' yab'n jun tzo'n̈ paxti cha.

Chuj San Mateo Bible

⁶ Axo pax vin̈aj Josué yuninal vin̈aj Nun yed' vin̈aj Caleb yuninal vin̈aj Jefone, aton eb' vin̈ ix xid'ec' iloj luum chi', ix sn̈ic'chitejel spichul eb' vin̈ yuj sch'oxanel scusc'olal.

Nm 14:6 ပူးပေါင်းရင်းမြစ်များ

Gn 37:29

Ax yic xmeltzj Rubén x'at yilnc pax 'a sti jun xab' cha. Ax 'ix yilni man̈x 'a win José 'ayc' ta', yuj cha, stzilnjat spichul, yic tzch'oxn 'eli to tzcus yuj jun yu'tac cha.

Gn 37:34

Xlajwn̈ej cha, stzilnjat win Jacob spichul, xya'n 'och win jun spichl tzch'oxn 'el scusc'ojlal, caw niwn tiempo x'oc' win yuj schamlil jun yunnal cha.

Gn 44:13

Yuj cha, syamn 'och ewin stzilnjat spichul, yic tzch'oxn 'el ewin scusc'ojlal. Xlajw cha, xya'n 'och pax ewin yictz sb'uru chi jun 'ejm xo, xmeltzj pax ewin 'a yol chon̈b' cha.

A Ch'an̈ Schab'l Libro Samuel 3:31

Xlajw cha, xyaln David 'ixtc 'a Joab yet' 'a smasnil eb' ajun yet'oc: Tzilcjat e pichul, tzeya'n pax 'och jun tzo'n̈ pichl n̈achtac sat, 'ochn̈ec 'a cusc'ojlal yuj schamlil Abner, xchi. Ax rey David 'ix 'och tza'n yuj eb' b'achjnac scaxail Abner.

A Ch'an̈ Schab'il Libro Yic Yab'ixal Eb' Rey 18:37

Xlajw cha, 'ix tziln jat Eliaquim spichul, yet' win Sebna, yet' Joa, 'ix 'at eb' 'a win rey Ezequías, xyaln eb' smasnil tas 'ix alx cha, caw 'ix tac sc'ojl eb' yuj tas 'ix yal win syajlil eb' soldado asirio cha.

Job 1:20

Yajn̈ej 'ix q'ue wan win Job, caw xcus win si'mb'il, stzilnjat win spichl yuj scusc'ojlal cha, sjoxn 'el win xil sjolom, 'ix 'em cumn win 'a sat lu'um yic tzyaln sb'a win 'a Dios.

Nm 13:30

Xlajw cha, 'ix yaln Caleb to sictac tz'aj eb' 'anma 'ayc' 'a yojltac Moisés cha, xyaln 'a eb' 'ixtic: —¡A ticnec, coyec! ¡'At qui'c 'ec' lum lum cha, a eb' 'anma 'aych 'a lu'um, 'oj 'el xon eb' cujec, yujto 'ec'b'al qui jelnalec 'a yib'n̈ eb'! xchi.

Nm 14:24

Cojn wal win in checb' Caleb, cojn wal yiclum xyutj sb'a 'ayin. Yuj cha, 'oj c'och win 'a sat lum lum xit' yil cha, ax eb' yin̈til, a eb' 'oj cajnoc lu'um.

Nm 14:30

Cojn Caleb yet' Josué, a eb' 'oj c'och 'a sat lu'um. Ax xo ax tic e masnil, may junc ex 'oj e c'och 'a sat lu'um, atn lum xwal wac' 'ayex.

Nm 14:38

Yuj cha, 'ix ya'n cot Jehová jun yab'il 'a scal eb', 'ix laj cham eb'. Cojxn Josué yet' Caleb ma'ix chami.

Nm 14:5

Yuj cha, 'ix 'em n̈ojn Moisés yet' Aarón 'a sat lum 'a yojltac eb' chon̈b' cha.

Nm 14:7

'Ix yaln eb' 'a smasnil eb' 'anma chi 'ixtic: —A lum lum xit' quil chi 'on̈, caw wach' lu'um.

Mt 26:65

Yic 'ix yab'n win yajl chi jun tzo'n̈ cha, caw 'ix stziljat win spichl scot yowal, 'ix yaln win 'ixtc 'a ewin yit yajlil cha: —A jun winc tic, caw tzb'uchwj 'a Dios, man̈x 'a yopiso eb' testigo yujto tzcab'c sb'uchwj 'a Dios.

Mr 14:63

Yuj cha, ax win yajl cha, caw 'ix stziljat cob' win spichl scot yowal, 'ix yaln winac: —Man̈x 'a tz'och eb' tzat 'a'n queja Jesús tic.

A Tas Sc'ulejnac Eb' Schecab' Jesús Hechos 14:14

Palta ax yic xyab'n Bernabé yet' Pablo, 'ix syamn 'och eb' stziln jat spichul yic tzch'oxn 'el eb', to caw tu tzyil eb'. Caw 'ip xyal chan̈ eb' 'a scal eb' 'anma chi 'ixtic:

Josué 14:6

A eb' yin̈tl Judá, 'ix jaw eb' 'a lum Gilgal, yic xpaxtin eb' yet' Josué, ax Caleb win cenezeo yunnal Jefone, 'ix yaln win 'ixtc 'a Josué cha: Na cot tas 'ix yalcn Jehová 'a win Moisés atn win schecab', yic xyaln oj ach tic yet' pax wuj an tic, yic 'ayn̈ 'ec' 'a lum Cades-barnea.

Josué 7:6

Yuj cha, 'ix stziln 'el Josué spichl yet' eb' yichm wincal chon̈ab', xlaj sjopn q'ue eb' pococ 'a sjolom yic tzch'oxn 'el eb' scusc'ojlal cha. Xlajw cha, 'ix 'em cumn eb' 'a yojltac 'elt scaxail strato Jehová masnto x'emch quiln sat eb' 'a lu'um, 'ixtan̈ej yaj eb' masnto 'ix 'em c'u.

Jueces 11:35

A yic 'ix yiln sb'a win 'a jun c'otn yisl cha, 'ix stzilnjat win spichul yic tzch'oxn 'el win scusc'ojlal. 'Ix yaln win 'ixtc 'a 'ix: —¡'Ay wisil! Caw wal tza'ch in cusc'ojlal tzwab'i. Ach wal tza loc cot yailal 'a wib'an̈, yujto 'ay jun in ti 'ix wac' 'a Jehová, to yowlal tzwac' 'el'choc tas xwal cha, xchi winac.