Nm 14:41 - Chuj San Sebastian Bible

⁴¹ Palta ax Moisés 'ix yaln 'a eb' 'ixtic: —¿Tas wal yuj tzex 'ec' 'a yib'n̈ 'a tas tzyal Jehová? A jun e nab'en cha, ma'oj 'el'choc 'a wach'.

Chuj San Mateo Bible

⁴¹ Ix yalan vin̈ d'a eb' icha tic: —¿Tas yuj tze tenec' tas ix yal Jehová? A jun tas tze na chi', man̈ vach'oc ol elc'ochoc.

Nm 14:41 ပူးပေါင်းရင်းမြစ်များ

2 Cr 24:20

Xlajw cha, 'ix 'och Yespíritu Dios 'a Zacarías, yunnal Joiada. 'Ix q'ue lin̈n 'a yib'n̈ jun lugar chan̈ yaj cha'an̈. Xyaln 'a eb' chon̈b' 'ixtic: A Dios a tzaln 'ixtic: ¿Tas yuj matz eyiclj in checnb'il an Jehová in? ¿Tas yuj tze say cot yailal 'a eyib'an̈? In eyactj can an Jehová in tic, yuj cha, 'oj ex wactc can pax jun xo, xchi Dios, xchi Zacarías 'a eb'.

Job 4:9

'Icha tz'aj satl tas yuj chacxuxm'ic', 'ixta tzyutj Dios satn 'el eb' tzb'on maysch'olnil chi yuj yowl sc'ojol.

Jeremías 2:37

Caw q'uixwc'ojlal 'oj eyaj e meltzj cot 'a Egipto cha, yujto an Jehová in, tox xin patquilj can 'el eb' 'aych cob' yipc e c'ojl cha. May jac tas 'oj eyac' ganar yet' eb', xchi Dios.

Jeremías 32:5

Ax win Nabucodonosor cha, 'oj yac' win 'ijxoc 'at 'a Babilonia. Ata 'oj cann̈j ta', masnto 'oj wilx in b'a yet'oc. Wach'xam 'oj cob' eyac' owl yet' eb' caldeo, palta ma'oj stac' eyu'uj, xchi Dios, xin chi. Yuj wal jun tzo'n̈ paxti cha, wajx 'och 'a preso.

Nm 14:25

A eb' amalecita yet' eb' cananeo, ata cajn eb' 'a lum pan̈quixtac 'a la'n tic. Yuj cha, ax xo tic, a q'uic'an chucx b'e 'aj tzex 'ati; tzex meltzj 'a lum cusltac lu'um, a 'a stojlal a Chac Mar ata tzex 'ati, xchi Dios.

Dt 1:42

'Ix yaln Jehová 'ayin to tzyac' wal 'ixtc 'ayex: Man̈ ex 'at 'a owl cha; man̈ e te'wtzoc e b'a eya'n owl yet' eb' 'ajc'ojl yajch 'ayx cha, sec matz ex lajw 'eli, yujto man̈ in 'ayc 'ec' eyet'oc, xchi Dios, xin chi 'ayex.

A Ch'an̈ B'ab'el Libro Samuel 15:19

Toto 'ixta', ¿tas yuj ma'ix a chaj ab' tas xyal Jehová 'ayach? ¿tas yuj 'ix ej 'ec' tas 'ay 'a eb' 'ajc'ojl cha? Caw tu 'ix a b'o 'a sat, xchi Samuel.