Nm 14:40 - Chuj San Sebastian Bible

⁴⁰ Ax 'a yic sacb'el 'a junx c'u, 'ix laj seb' q'ue wan eb', 'ix snan eb' to tz'at yac' eb' owl yet' eb' 'anma cajn 'a lum jolmctac witz, yuj cha, 'ix yaln eb' 'ixtic: —A ticnec 'ayn̈ecx 'ec' 'a tic, coyc 'a sat lum lum chi xyal Jehová to tzyac' 'ayn̈ec cha, yel toni 'ix 'och qui mulc 'a 'a, xchi eb'.

Chuj San Mateo Bible

⁴⁰ Axo ix sacb'i d'a junxo c'u, ix pet q'ue vaan eb', ix snaan eb' to sb'at eb' yac' oval yed' eb' anima cajan d'a tzalquixtac. Yuj chi' ix yal eb' d'a vin̈aj Moisés chi' icha tic: —A ticnaic, val yel coyec d'a sat lum b'aj ix yac' sti' Jehová to ol yac' d'ayon̈. Yeltoni ix och co mul, xchi eb'.

Nm 14:40 ပူးပေါင်းရင်းမြစ်များ

Ec 9:3

'Ay jun tas tu tzb'o 'a scal smasnil tas tzuj 'a yolyib'n̈q'uinl tic: atn yujto junn̈j tas tzon̈ satnec 'eli. Ax tas 'ayc' 'a qui nab'enec qui masnil, atn maysch'olnil yet' man̈ nab'enal; ax yic tzjaw tza'n̈joc qui chamlec 'a quib'an̈, tzon̈ satc can pax 'ejmi.

Nm 15:30

Palta toto sc'an wal sc'ojl junc 'anma chi tzsay smuloc, toxn̈ej to eyit chon̈ab', mto chuc chon̈b'al, palta tz'och smul 'ayin, a jun 'anma cha, yowlal tz'ijx 'el 'a e cal.

Nm 22:34

Xlajw cha, 'ix ta'w Balaam 'a jun yángel Jehová chi 'ixtic: —'Ix 'och wal ton in mul. Man̈ wojcoc toto ach tza mac yol in b'e tic, yuj cha, toto matz yal a c'ojl tzin 'ati, tztac' in meltzji, xchi.

Lc 13:25

Yujto a Dios, lajn 'icha junc win 'ajn̈a tzq'ue wan lin̈n 'a smexa, tzmacn yatut cha. 'Oj lajwc cha, ax xo tzex can 'a sti n̈a cha, 'ojt cob' eyawj 'och 'a 'ixtic: Mamin, jacn̈ 'och et' on̈, 'oj e chioc. Palta 'oj yal 'ayx 'ixtic: Man̈ ex wojcoc, 'ajm 'ay ex, 'oj schioc.

Dt 1:41

Yuj cha, xe pacn 'ayn 'ixtic: Caw wal yel x'och qui mul 'a Jehová, palta ax ticnec jun, 'oj qui 'atc 'a owl cha, 'oj ca'c quip 'icha 'ix yutj Jehová qui Diosalec yalni, xe chi. Yuj cha, xcob' eyi'noc eyamc'ab' yic owal. Am wal e nani to yajn̈ej ax e q'ue'ch 'a lum jolmctac witz cha.

Dt 1:43

'Ix wal jun tzo'n̈ chi eyab'i', palta ax xo tic, ma'ix e chaj eyab' 'ayin. 'Ix e ten tas xyal Jehová 'ayex, ex 'ec' 'a yib'an̈, ex 'at 'a eb' lum jolmctac witz cha.