Nm 14:29 - Chuj San Sebastian Bible

²⁹ Smasnil mach 'ec'b'alx sq'uinl 'a junc'l ab'il, atn mach xyac' tzib'xoc sb'a yic sq'ue wan e b'isul, atn eb' chi tu xyutj yaln 'ayin, 'oj cham eb' chi smasnil, 'oj laj can t'ocn sniwnal eb' 'a lum cusltac lum tic.

Chuj San Mateo Bible

²⁹ Masanil eb' vin̈ vinac ec'xo sq'uinal d'a 20 ab'il, eb' vin̈ ix ic'jiq'ue vaan slistail, aton eb' vin̈ ix alan chuc d'a in patic, ol cham eb' vin̈. Ol can c'otjab' sb'aquil eb' d'a tz'inan luum tic.

Nm 14:29 ပူးပေါင်းရင်းမြစ်များ

Nm 1:45

'Ix q'ue wan jun sb'isl eb' tic; atn eb' 'aych 'a junc'l ab'il sq'uinal yet' 'a yojltac; eb' smoj yoch soldadoil.

A Ch'an̈ Carta D'a Eb' Hebreo 3:17

¿Mach eb' 'aj cotnc yowl Dios 'a chawinc ab'il chi tze na'a? Atn eb' 'ochnc smul 'a 'a, schamcn eb' 'a lum cusltac lu'um.

Nm 26:64

Smasnil jun tzo'n̈ 'anma tic, may xon junc eb' 'ix 'och sb'isloc eb' sb'is Moisés yet' Aarón, yic 'ix yi'n chan̈ eb' sb'isl eb' yit israelal, yic 'ayc' eb' 'a lum cusltac lum yic Sinaí.

1 Co 10:5

Wach'xam 'ixta 'ajnc eb', palta an̈ja til wal eb' maysch'olnil snab'en 'a sat Dios. Yuj cha, chamnc can eb' 'a jun cusltac lum 'aj 'e'nc cha.

San Judas 1:5

A jun 'oj walb't 'ayx tic, eyojc xoni. Palta tzin nib'j tze na cot jac wet'oc. A eb' wit israelal 'a pecti', colchjnac 'elt eb' smasnil 'a Egipto yuj Cajlilec. Palta xlajw cha, satcn 'el nan̈l eb' ma'ix ya'ch sc'ojl 'a 'a.

Nm 1:46

A x'aj sb'isl eb' winc chi 'a smasnil 'ay 603,550.

Dt 2:14

Yictax on̈ cotc 'a lum Cades-barnea masnto on̈ 'e'tec 'a yojl a Zéred, ata xtz'acw 38 ab'il qui cotec. A 'a yic jun tiempoal cha, lajwnacx scham eb' winc to smoj yoch soldadoil yic queltec 'a Egipto, ata x'el'ch jun sti Jehová ya'jnac.

Josué 5:6

Yujto chawinc ab'il 'ix b'eyc' eb' 'a lum cusltac lu'um, ax smasnil ewin quelmtac stiempoal xo yoch soldadoil, a eb' cha, caw pit xyutj sb'a eb'. Yuj cha, xya'n can Jehová sti', to ma'oj yil eb' 'anma chi lum lum 'aj ya'jnac sti ya'n 'a smam yichm eb', atn lum til wal syaxil sat.

Salmos 78:33

Yujn̈ej wal cha, 'ix satn 'el Dios eb', 'icha wal yic tzqui'n quic', 'ixta x'aj eb' satl 'a scal xiwc'ojlal.

Ez 20:38

'Oj wic' 'elt eb' maysch'olnil snab'en 'a e cal, yet' eb' x'och 'ajc'ojlal 'ayin, 'oj wic' 'elt eb' 'a e cal 'a lum chuc chon̈b'al 'aj 'ayx 'ec' cha; palta man̈x 'oj 'och eb' 'a lum slum eb' yit israelal cha. Ax in eyojcan 'eli, to an Jehová in, cojn in ton Dios in.

Nm 26:65

Yujto a Jehová, a 'ix alni to smasnil eb' cha, yowlal tzchamcn eb' 'a lum cusltac lu'um, man̈x 'a xon junc eb' 'ix cani, cojxn Caleb win yunnal Jefone, yet' win Josué yunnal Nun, cojn eb' xcani.

Salmos 106:26

Yuj cha, 'ix a'n can a ti', to tzchamcn eb' 'a lum cusltac lum cha,