Nm 14:27 - Chuj San Sebastian Bible

²⁷ —¿Jantcto wal tiempo 'oj techjoc sti jun tzo'n̈ 'anma maysch'olnil tic wu'uj? 'Ix wab'i to caw tu yaln eb' 'ayin.

Chuj San Mateo Bible

²⁷ —¿Jantacto tiempo ol techaj juntzan̈ anima malaj svach'il spensar tic vuuj? Ix vab' yalan in pecal eb'.

Nm 14:27 ပူးပေါင်းရင်းမြစ်များ

Ex 16:12

—'Ix wab'i tas xyutj paxtinc sb'a eb' 'anma tic 'ayin, yuj cha, al 'a eb': To a 'a yemc'ul tic, 'oj wac' schi eb' chib'ej, ax 'a sq'uin̈b'il q'uic'an, ata 'oj wac' wa eb', masnto 'oj b'ut'joc sc'ojl eb'. 'Ixta 'oj yutc eb' yojcan 'eli, to an tic Jehová in, e Diosal in e masnil, xchi Dios.

Ex 16:28

Yuj cha, xyaln Jehová 'a Moisés 'ixtic: —Yel xo wal matz eyiclj in checnb'il yet' in ley. ¿B'a'n̈ wal 'oj eyoch wan eya'n tenmtacl 'ayin?

Ex 16:7

A 'a sq'uin̈b'il q'uic'an, ata 'oj eyila' chajtlto 'ay spoder Jehová, yujto xyab'i tas xeyutj paxtinc e b'a 'a 'a, palta an̈ xo tic on̈, toc 'ay quel'ch on̈, yuj cha, xcob' eyaln qui peclal on̈, xchi eb'.

Ex 16:9

Yajn̈j wal cha, 'ix yaln Moisés 'ixtc 'a Aarón: —Al 'a eb' 'anma tic smasnil, to tznitz 'ochch sb'a eb' 'a yojltac Jehová, yujto 'ix yab'i tas xyutj paxtinc sb'a eb' 'a 'a, xchi Moisés.

Ez 35:13

Xcob' e' chan̈ a b'a, 'ix aln jun tzo'n̈ a paxti caw ya yalx 'ayin, til wal tas 'ix ala, palta c'uxn 'ix wab'i.

Nm 11:1

'Ay jun c'ual, 'ix syamch eb' israel yaln tu paxti 'a Jehová, yuj yailal tzlaj 'ec' 'a yib'n̈ eb'. A wal yic xyab'n Jehová jun tzo'n̈ paxti cha, caw wal 'ix cot yowal. Yuj cha, 'ix ya'n cot jun c'ac' 'a scal eb', 'ix tz'a eb' 'ayc' 'a sti 'el camplamento cha.

Nm 14:11

'Ix yaln Jehová 'a Moisés 'ixtic: —¿B'a'n̈ to wal 'oj yactc eb' 'anma tic in spatquiln can 'eli? ¿B'a'n̈ to wal 'oj yactc eb' in schab'c'ojlani? 'In til wal milagro tzin ch'ox pax yil eb'.

Nm 14:26

'Ix yaln pax Jehová 'ixtc 'a Moisés yet' 'a Aarón:

Mt 17:7

Yuj cha, xc'och Jesús 'a stz'ey eb'. 'Ix stzayn 'ejm sc'ab' 'a yib'n̈ junjn eb'. —Q'uen̈ec wa'an, man̈ ex xiwoc, xchi 'a eb'.

Mr 9:19

Yuj cha, 'ix yaln Jesús 'ixtic: 'A... ax tic, caw matz eya'ch e c'ojl 'a Dios, 'in 'ayx tiempo 'ayn 'ec' eyet'oc. ¿B'a'n̈to wal 'oj nachjc 'el eyu'uj? Caw tzwab' syal eyu'uj. 'At 'ijc cot jun 'unn chi 'ayin, xchi.

1 Co 10:10

Matz tac' qui comn alnec speclal Cajlilec. Yujto 'ay eb' aljnac speclal, yuj cha, xlajw 'el eb' yuj jun ángel 'ay yopiso smiln cham 'anma'.