Nm 14:24 - Chuj San Sebastian Bible

²⁴ Cojn wal win in checb' Caleb, cojn wal yiclum xyutj sb'a 'ayin. Yuj cha, 'oj c'och win 'a sat lum lum xit' yil cha, ax eb' yin̈til, a eb' 'oj cajnoc lu'um.

Chuj San Mateo Bible

²⁴ Palta an̈ej vin̈ in checab' aj Caleb ol c'och d'a sat luum chi', yujto c'anab'ajum vin̈ d'ayin, vach'n̈ej spensar vin̈. A vin̈ ol macb'enan lum yed' eb' yuninal, aton lum ix xid' yil vin̈ chi'.

Nm 14:24 ပူးပေါင်းရင်းမြစ်များ

1 Cr 29:18

Mamin Jehová, qui Diosal ach yet' Abraham, yet' Isaac yet' pax Israel, atn eb' qui mam quichm on̈, 'ac' jawc 'a snab'en eb' a chon̈b' tic, 'el cab' 'a sc'ojl eb' ya'nn̈ej yico', 'ac' wal ya'chn̈ej eb' sc'ojl 'ayach.

1 Cr 29:9

Caw 'ix tzalj smasnil eb' 'anma', yuj jun tzo'n̈ tas 'ix 'el 'a sc'ojl eb' yajl chi ya'ni, yujto yet' wal smasnil sc'ojl eb', 'ix ya'n eb' 'a Jehová. An̈jtona', caw 'ix tzalj pax rey David yet' eb'.

2 Cr 25:2

A jun tzo'n̈ tas sb'o Amasías cha, tojl 'a sat Jehová, palta to ma'ix sb'o 'a smasnil sc'ojol.

Salmos 119:145

Mamin Jehová, yet' smasnil in nab'en 'ix waln in b'a 'ayach, ta'wj in, yujto tzin nib'j in yiclc a checnb'il tic.

Salmos 119:80

Te'n cab' yaj in nab'en 'a jun tzo'n̈ a checnb'il tic, sec may b'a'n̈ tzwac' in q'uixwloc.

Pr 23:26

Ex wunnal, macljec wal eyab' tas tzwala, si'mb'il tzex 'och q'ueln 'a in b'eyb'al,

Nm 13:30

Xlajw cha, 'ix yaln Caleb to sictac tz'aj eb' 'anma 'ayc' 'a yojltac Moisés cha, xyaln 'a eb' 'ixtic: —¡A ticnec, coyec! ¡'At qui'c 'ec' lum lum cha, a eb' 'anma 'aych 'a lu'um, 'oj 'el xon eb' cujec, yujto 'ec'b'al qui jelnalec 'a yib'n̈ eb'! xchi.

Nm 14:30

Cojn Caleb yet' Josué, a eb' 'oj c'och 'a sat lu'um. Ax xo ax tic e masnil, may junc ex 'oj e c'och 'a sat lu'um, atn lum xwal wac' 'ayex.

Nm 26:65

Yujto a Jehová, a 'ix alni to smasnil eb' cha, yowlal tzchamcn eb' 'a lum cusltac lu'um, man̈x 'a xon junc eb' 'ix cani, cojxn Caleb win yunnal Jefone, yet' win Josué yunnal Nun, cojn eb' xcani.

A Tas Sc'ulejnac Eb' Schecab' Jesús Hechos 11:23

Ax yic xc'och Bernabé, 'ix yilni, to til wal swach'c'ojlal Dios 'ix ch'ox 'a eb'. Yuj cha, caw 'ix tzalj yuj eb', 'ix ya'n snab'enoc eb' smasnil. 'Ix yaln 'a eb' chajtlto caw te'n tzyutj sb'a eb', caw tzya'ch eb' snab'en 'a Cajlilec 'a smasnil tiempo.

Ef 6:6

Man̈ cojnoc 'a yic tzex yiln eb' tzex munlji, sec tzalj eb' eyet' e nani. Palta caw tzex munlj 'a smasnil e c'ojol, 'icha tznib'j Dios, yujto atn Cristo wan eya'n servil.

Dt 1:36

Cojn Caleb win yunnal Jefuné, a win tic, 'oj yilch wal win lu'um. 'Oj wac' lum 'a winac, yet' pax 'a eb' yin̈til, atn lum 'aj x'ec' winac, yujto syiclj smasnil tas 'ix wala, xchi Dios 'ayin.

Dt 6:5

Chamc'ojlejc Jehová qui Diosalec yet' smasnil e c'ojol, yet' smasnil e nab'en yet' smasnil eyip.

A Scarta San Pablo D'a Eb' Aj Colosas 3:23

Jantcn̈ej tas tze b'o'o, tze b'o wal 'a smasnil e c'ojol. 'Icha cab' to a 'a Cajlilec tzex munlji, man̈ocn̈ej 'a junc 'anma cha.