Nm 14:22 - Chuj San Sebastian Bible

²² A eb' x'iln in tzictznil tic, yet' milagro in ch'oxjnac yil eb' 'a Egipto, xin ch'oxn pax yil eb' 'a lum cusltac lu'um, palta slajn̈ 'ejmal xo in ya'n prowal eb' tic, matz yiclj eb' xon tas tzwala.

Chuj San Mateo Bible

²² vach'chom a jantac eb' tic ix yil in poder eb' yed' juntzan̈ tas satub'tac ix in b'o d'a Egipto yed' d'a tz'inan lum tic, palta ma chequel jayelalxo in yac'an proval eb', max sc'anab'ajejn̈ej eb' tas svala'.

Nm 14:22 ပူးပေါင်းရင်းမြစ်များ

Gn 31:41

Junc'l ab'il wal in 'aj et' 'a atut. Chan̈lajn̈e ab'il in munlj yuj chawn̈ eb' 'ix esl tic; ax waque xo ab'il in munlj 'aych yuj no 'a cajb'en noc' tic, lajn̈ 'ejm 'ix in extj paxti yuj in tojol.

Gn 31:7

Ax e mam 'icha to in yixtej, slajn̈ 'ejmal xo wal sjeln in tojol, palta a Dios matz nib'j tzin 'ixtxi.

Job 19:3

'Ayxn̈ej 'och eyaln tu paxti 'ayin, ¿tom matz eyec q'uixwc e b'a yuj tas tzeyal 'ayn tic?

Salmos 106:14

A 'a lum cusltac lu'um, ata 'ix ach yac' prowal eb', 'ix sc'an eb' tas tznib'j sc'ux 'ayach.

Salmos 106:26

Yuj cha, 'ix a'n can a ti', to tzchamcn eb' 'a lum cusltac lum cha,

Salmos 78:41

Palta an̈j 'ijnoc ya'n prowal eb' Dios, xya'n eb' cus sc'ojl jun qui Diosalec to Cojxni.

Ex 14:11

'Ix yaln eb' 'ixtc 'a Moisés: —¿Tom may campusan 'a Egipto, yuj cha, a 'a lum cusltac lum tic tzon̈ ej cot chamoc? ¿Tas wal yuj on̈ ej 'elt 'a Egipto?

Ex 15:24

'Ix syamn 'och eb' 'anma chi yaln tu paxti 'a Moisés, 'ix laj sc'anb'lan eb' 'ixtc 'a 'a: ¿Tas 'oj cu'c ticnec? xchi eb'.

Ex 16:2

A yic 'ayc' eb' ta', syamn 'och eb' yaln tu paxti 'a Moisés yet' 'a Aarón.

Ex 17:2

'Ix cotx yowl eb' 'anma chi 'a Moisés, xyaln pax eb' 'ixtic: —A ticnec b'i'an, 'a' cot cal tzcuq'uej, xchi eb'. —¿Tas yuj tzex 'awj 'och 'ayin? ¿Tas yuj tzeyac' prowal Jehová? xchi Moisés chi 'a eb'.

Ex 17:3

Caw wal 'ay stacn̈til eb' chon̈b' cha, yuj cha, tz'awj chan̈ eb' 'a Moisés, tzyaln eb' 'ixtic: —¿Tas yuj on̈ eyij 'elt 'a Egipto? ¿Tom yuj qui cham yuj tacn̈til yet' eb' cunnal yet' pax qui cajb'en noc', yuj cha tzon̈ eyi'n 'elta? xchi eb'.

Ex 17:7

Meriba xya'cn scuch jun lugar cha, yujto ata tu 'ix yal eb' 'anma 'a Moisés. Xya'n pax scuch Masah, yujto xyac' prowal eb' Jehová, yic xyaln eb' 'ixtic: ¿Yel am wali 'ayc' Jehová 'a qui calc tic, mto ma'ay? xchi eb'.

Ex 32:1

Ax xyiln eb' israel to tz'inni sjaw Moisés. 'Ix 'ec' tiempo yemx wul 'a sjolm lum witz cha, yuj cha, 'ix 'och oyn eb' 'a Aarón, xyaln eb' 'a 'ixtic: —A ticnec b'i'an, tzqui nib'ej to tza b'o junc qui diosal tzon̈ jucb'tzani, yujto a Moisés win on̈ 'i'nec 'elt 'a Egipto, man̈ cojcoc tas 'ix 'i'ni, xchi eb' 'anma cha.

Ex 5:21

'Ix yaln eb' 'a eb' 'ixtic: —'Ojxam yil Jehová tas 'oj ex yutoc, yujto ax ab' 'ay e mul, yuj cha, a win rey yet' eb' 'aych yajlil yet'oc, caw wal tzon̈ yixtj eb' ticnec on̈; 'icha to ax xeyac' q'uen espada 'a eb', yic tzon̈ smiln cham eb' on̈, xchi eb'.

Is 42:20

Ex israel, caw 'ay cob' tas tzch'oxx eyila', palta matz e chamc'ojlej eyilni; caw wach' eyab'ni, palta matz e chaj eyab'i'.

Malaquías 3:15

'In tzquilc wal an̈ec tic, to a eb' tzb'an̈ sb'a, tzaljc'ojlal yaj eb'. 'Ixta pax eb' maysch'olnil tas tzb'o'o, caw wach'n̈j tz'el'ch eb'. 'Intax eb' tzte'wtzej sb'a 'a sat Dios, may yailal tzjaw 'a yib'n̈ eb', xe chi, xchi Dios.

Nm 11:1

'Ay jun c'ual, 'ix syamch eb' israel yaln tu paxti 'a Jehová, yuj yailal tzlaj 'ec' 'a yib'n̈ eb'. A wal yic xyab'n Jehová jun tzo'n̈ paxti cha, caw wal 'ix cot yowal. Yuj cha, 'ix ya'n cot jun c'ac' 'a scal eb', 'ix tz'a eb' 'ayc' 'a sti 'el camplamento cha.

Nm 11:4

Til wal eb' chuc chon̈b'al toxn ajun 'a scal eb' israel. A jun tzo'n̈ 'anma cha, a wal tas tz'aj eb' swa'i, a chi nan yuj eb'. Locn pax eb' israel tzcham yuj wejl yet' eb', yuj cha, 'ix 'oc' chan̈ eb', xyaln eb' 'ixtic: ¡Mach junc tz'a'n qui chi chib'j 'a tic!

Nm 12:1

A 'ix María yet' Aarón syamn 'och eb' yaln tu paxti 'a spatc Moisés, yujto a jun 'ix cusita x'och yistloc.

Nm 14:11

'Ix yaln Jehová 'a Moisés 'ixtic: —¿B'a'n̈ to wal 'oj yactc eb' 'anma tic in spatquiln can 'eli? ¿B'a'n̈ to wal 'oj yactc eb' in schab'c'ojlani? 'In til wal milagro tzin ch'ox pax yil eb'.

Nm 14:2

Smasnil eb' 'anma cha, xlaj q'ue b'uynjoc eb' yaln tu paxti 'a Moisés yet' 'a Aarón, xyaln eb' 'ixtic: ¡Comnoc wal a 'a Egipto, mto a 'a lum cusltac lum tic on̈ chamc cani!

Nm 32:12

Cojn Caleb win yunnal Jefone win yin̈tl Cenaz, yet' Josué win yunnal Nun, cojn eb' 'oj c'och 'a lu'um, yujto tojl xyutj sb'a eb' 'a in sat, xchi Dios.

Mt 4:7

'Ix ta'w pax Jesús 'ixtic: —Palta tzyal pax 'ixtc 'a Ch'an̈ Un̈ tz'ib'b'il can cha: Man̈ eyac' prowal Cajlil qui Diosalec, xchi 'a Ch'an̈, xchi 'a winac.

1 Co 10:5

Wach'xam 'ixta 'ajnc eb', palta an̈ja til wal eb' maysch'olnil snab'en 'a sat Dios. Yuj cha, chamnc can eb' 'a jun cusltac lum 'aj 'e'nc cha.

1 Co 10:9

Matz tac' ca'nec prowal Cajlil yic tzquilni, toto tzyac' niwnc'ojlal 'ayn̈ec. Yujto 'ixta yutjnac sb'a jun tzo'n̈ eb' 'a scal eb' cha. Yujn̈ej cha, slajw 'el eb' yuj jun tzo'n̈ no chan.

Dt 9:7

May wal b'a'n̈ tzeyac' sat 'a e c'ojol, chajtlto ax tic, 'ochnc ex 'ajc'ojlal 'a Jehová, yic 'ayn̈ec 'ec' 'a lum cusltac lu'um. Yictax on̈ 'eltec 'a Egipto masnto on̈ jawc 'a jun lugar tic, an̈j 'ijnoc pit tzeyutj e b'a 'a 'a.

A Ch'an̈ Carta D'a Eb' Hebreo 3:9

Chawinc ab'il yiljnac eb' e mam eyichm jun tzo'n̈ milagro b'ob'il wu'uj. Palta an̈ja ya'jnacn prowal eb'.