Nm 14:21 - Chuj San Sebastian Bible

²¹ Caw yel pitzn in, checl pax in tzictznil 'a smasnil yolyib'n̈q'uinal.

Chuj San Mateo Bible

²¹ Palta svac'och in b'a testigoal yed' in poder te nivan yelc'ochi to chequel d'a masanil yolyib'an̈q'uinal,

Nm 14:21 ပူးပေါင်းရင်းမြစ်များ

Salmos 57:6

A eb' 'ajc'ojl yajch 'ayin, xyac' 'ejm eb' ch'an̈ yal 'a wojltac, caw tztac in c'ojl yuj eb'. 'Ix sjoyn eb' jun jul 'a wojltac, palta mun a eb' xtelw can 'at 'a yojol.

Salmos 72:19

Alx cab' wach' paxti 'a sb'i 'a smasnil tiempo. B'inax cab' sb'i 'a smasnil yolyib'n̈q'uinl tic. 'Ixta cab' tz'aji.

Ex 9:16

Palta mantzac ach in satli, sec wach' 'oj checljoc 'el in poder yuj tas 'oj ach wutoc. Ax eb' 'anma 'a yolyib'n̈q'uinl tic, c'uxn 'oj laj yab' eb', to caw niwn wel'chi.

Is 49:18

'Ixc q'ueln 'a smasnil a tz'ey, wan laj syamnc pax sb'a smasnil eb' 'ijxnac 'at 'icha presoal, yic tzjapx eb' 'ayach. An Jehová in, mun tzin loc in b'i, tzwac' in ti 'ayach, to caw 'oj a b'an̈ a b'a yuj eb' a chon̈ab', atn eb' wan sjapx 'aych cha. 'Icha wal swach'l yilx tz'aj junc 'ix cob's 'ix yuj yixtal spichul yic tznupni, 'ixta wal 'oj aj yuj eb'.

Is 6:3

Xlaj yal-lanc eb' 'a junjn 'ixtic: A Jehová tzta'n̈j yuj smasnil, Dios caw Cojxni, checl stzictznil 'a smasnil yolyib'n̈q'uinal, xchi eb'.

Jeremías 22:24

A Jehová tzaln 'ixtc 'a Jeconías sreyl Judá win yunnal Joacim: Wach'xam ach tic, caw 'ay tzach 'och wu'uj, 'icha junc colc'ab' 'aych 'a swach' c'ab' eb' niwc winac, palta tzwac' in ti', to 'oj ach in julcn 'eli.

Ez 18:3

An Jehová Yajl in, an tzwal 'ixtic: Man̈x 'a wal b'a'n̈ 'oj yal eb' jun paxti tic 'a scal chon̈b' Israel.

Ez 20:36

Ata q'uelc'mb'a 'oj waj eyet'oc yic tzex in b'eyc'ojlani. 'Icha wutjnac in b'eyc'ojlan eb' e mam eyichm 'a lum cusltac lum yic Egipto, 'ixta 'oj ex wutoc.

Ez 33:11

An Jehová in, an tzwal 'ixtc 'a eb': Matz in nib'j to tzcham eb' tz'och smul, palta to tzin nib'j to tzjel eb' sb'eyb'al, sec pitzn eb'. Ex israel, 'actjec can jun tzo'n̈ e b'eyb'al cha, sec ma'oj e chami, xchi Dios.

Ez 33:27

Al 'a eb', to an Jehová in, an tzwal 'ixtc 'a yib'n̈ eb': A eb' cajn 'a jun tzo'n̈ chon̈b' mac'b'il 'ejmi, 'oj cham eb' yuj owal. Ax eb' cajn 'a calte', a no calte'al noc' 'oj chinc eb', yet' pax eb' cajn 'a yoltc n̈aq'ue'en, a yab'il 'oj milnc eb'.

Ez 5:11

Yuj cha, an Jehová in tic, an tzwal 'ixtic: Yel xo wal man̈x 'a yel'ch xeyutj watut yuj jun tzo'n̈ e diosal yajb'entac yilxi. Caw wal maysch'olnil pax e b'eyb'al, yuj ton wal cha, ax wa'n 'och eyailal. Man̈x 'a in niwnc'ojlal 'ayex, man̈x 'oj 'o'ch in c'ojl 'ayx yuj eyailal cha.

Habacuc 2:14

Tz'acn 'oj yutc yojcan 'el smasnil 'anma stzictznil Jehová, 'icha wal tz'aj sb'ut'j 'el a mar yuj a a'.

Sofonías 2:9

Yuj cha, an wal tzwal 'ixtic: A Moab, lajn 'oj 'ajcn 'icha Sodoma, ax chon̈b' Amón, lajn 'oj 'ajcn 'icha Gomorra, 'oj pac' chan̈ te q'uix 'a 'a. 'Oj 'ochcn sminasil 'atz'am. Caw cusltac 'oj 'ajcn 'a jun 'ejmn̈ej. A eb' in chon̈b' 'oj can to 'a eb' yin̈tl Judá cha, a eb' 'oj 'i'nc 'elt smasnil tas 'ay 'a eb' 'anma cha. A eb' 'oj 'ica'anc can slum eb' cha, xchi Dios.

Nm 14:28

'Ixquec, 'at alc 'a eb', to an tzwal 'a eb' 'ixtic: An Jehová in, tox 'ix wac' in ti', to 'oj wac' 'el'choc 'icha 'ix wutj wab'n eyaln cha.

Mt 6:10

'Ochn̈ yajlil 'a tic. B'o cab' 'icha tza nib'j 'a yolyib'n̈q'uinl tic, 'icha tzb'o 'a satcha'an̈.

Dt 32:40

Tzwij chan̈ in c'ab', tzwa'n in ti to 'aynn̈ej 'ec' 'a jun 'ejmn̈ej.