Nm 13:4 - Chuj San Sebastian Bible

^4-15 A eb' x'at cha, atn sb'i eb' tic: Samúa, yunnal Zacur yic eb' yin̈tl Rubén; Safat, yunnal Horí yic eb' yin̈tl Simeón; Caleb, yunnal Jefone yic eb' yin̈tl Judá; Igal, yunnal José yic eb' yin̈tl Isacar; Oseas, yunnal Nun yic eb' yin̈tl Efraín; Palti, yunnal Rafú yic eb' yin̈tl Benjamín; Gadiel, yunnal Sodi yic eb' yin̈tl Zabulón; Gadi, yunnal Susi yic eb' yin̈tl José, (tzyal 'el'chi atn eb' yic Manasés;) Amiel, yunnal Gemali yic eb' yin̈tl Dan; Setur, yunnal Micael yic eb' yin̈tl Aser; Nahbi, yunnal Vapsi yic eb' yin̈tl Neftalí; Geuel, yunnal Maqui yic eb' yin̈tl Gad.

Chuj San Mateo Bible

⁴ Icha tic sb'i eb' vin̈ yed' tastac yin̈tilal:

Nm 13:4 ပူးပေါင်းရင်းမြစ်များ

Gn 35:22

A yic cajn 'ec' eb' 'a jun lugar cha, ax win Rubén win yunnal Israel cha, xway win yet' 'ix Bilha, 'ix schab'l 'istzil smam cha, palta xyab' sb'a win mamb'il chi yuj tas sb'o winac. Lajchwan̈ ewin yunnal win Jacob.

Gn 35:23

A eb' yunnal Jacob yet' 'ix Lea atn eb' tic, Rubén win b'ab'l winac, Simeón, Leví, Judá, Isacar yet' Zabulón.

1 Cr 2:1

A eb' yunnal Israel: atn Rubén, Simeón, Leví, Judá, Isacar, Zabulón, Dan, José, Benjamín, Neftalí, Gad yet' Aser.

Ez 48:1

An Jehová Yajl in, an tzwal jun tic: To a jun lum tic 'oj pojxoc 'ec' 'a junjn c'aj eb' yin̈tl Israel. 'Oj 'el yich spojx 'ec' lum 'a eb' 'a jun mon̈jon 'ay 'a stojlal norte, atn lum tzchaj 'el yich scot 'a sti a Mar Mediterráneo, tz'ec' lum 'a chon̈b' Hetlón, a 'aj tz'el yich smon̈jon chon̈b' Hamat masnto 'a chon̈b' Hazar-enán, jun tzcan 'a 'aj tzchaj 'el yich smon̈jonal chon̈b' Damasco yet' Hamat. A junjn 'in̈tal eb' israel cha, 'oj scha eb' junjn pachn̈ slum cha, 'oj cot lum 'a sti jun mon̈jon 'a stojlal 'aj tzq'uel c'u, masnto 'oj c'och lum 'a sti a Mar Mediterráneo: 'Oj b'ab'l can yic Dan, ax scan yic Aser, ax scan yic Neftalí, ax scan yic Manasés, ax scan yic Efraín, ax scan yic Rubén, ax scan yic Judá.

Nm 13:3

'Icha wal xyutj Jehová yalni, 'ixta xyutj Moisés schecn 'at eb' winc cha, yic 'ayc' eb' 'a lum cusltac lum yic Parán. A eb' winc cha, 'ayn̈j yopiso eb' 'a scal eb' yit israelal cha.

Nm 14:36

Ax eb' winc xit' 'ilj lum chi yuj Moisés, man̈ wach'c xyutj eb' yalni tas yilx lum lum cha, yuj cha, xlaj b'uchwj eb' 'anma 'a Jehová.

Nm 32:7

¿Tas yuj tzeyac' sc'ojloc eb' quit israelal tic, sec matz 'ec' eb' 'a jun lugar yaljnac Jehová tzyac' 'a eb'?

Nm 34:19

A eb' winc tzeyawtj cot cha, atn eb' tic: A 'a eb' yin̈tl Judá, tzcot Caleb win yunnal Jefone.

Apoc 7:5

Lajchwe mil eb' 'a junjn 'in̈tal 'aj x'och seyo cha: Atn eb' yic Judá, eb' yic Rubén, eb' yic Gad, eb' yic Aser, eb' yic Neftalí, eb' yic Manasés, eb' yic Simeón, eb' yic Leví, eb' yic Isacar, eb' yic Zabulón, eb' yic José, yet' pax eb' yic Benjamín.