Nm 13:32 - Chuj San Sebastian Bible

³² Yuj cha, xlaj yalnc eb' 'a scal eb' israel cha, to a lum lum xit' yil eb', caw wal maysch'olnil lu'um, 'ix yaln eb' 'ixtic: A 'a lum lum xit' quil chi 'on̈, caw c'un scham eb' 'anma ta', ax eb' 'anma cha, caw wal niwc wincn̈ej eb'.

Chuj San Mateo Bible

³² Ix yalan eb' vin̈ d'a scal eb' chon̈ab' israel chi' to a jun lum luum ix b'at yil eb' vin̈ chi' chuclaj luum. Ix yalanpax eb' vin̈: —A lum xid' quil chi', scham anima yuj luum. Masanil eb' anima ix quil ta', te nivac vinacn̈ej eb'.

Nm 13:32 ပူးပေါင်းရင်းမြစ်များ

A Ch'an̈ Schab'l Libro Samuel 21:20

Ax 'a Gat, 'ix 'och junx owal. 'Ay jun winc caw wal niwquil stel ta', yin̈tl eb' niwc stel cha, lajchwe yune sc'ab', lajchwe pax yune yoc.

1 Cr 20:6

Ax 'a Gat 'ix 'och junx owal, ata 'ay junx winac yel xo niwquil ste'il, lajchwe yune sc'ab', lajchwe yune yoc, yin̈tl pax win Refa.

Salmos 106:24

'Ix b'ey jab' tiempo yuj eb', schab'c'ojlan eb' lum lum caw wach', ma'ix ya'ch eb' yipc sc'ojl tas alb'il can o'oj.

Ez 36:12

'Oj ex wi'x 'at 'a lum jolmctac witz cha, ax eyica'an pax e lum to eyic xon yaji; man̈x 'oj milxoc cham eb' eyunnal chi 'a jun tzo'n̈ lugar cha.

Am 2:10

Palta ax tic, wijnac 'elt eb' e mam eyichm 'a Egipto, chawinc ab'il wijnac b'ey eb' 'a lum cusltac lu'um, yuj wa'n slum eb' amorreo chi 'a eb'.

Am 2:9

An Jehová in, an tzwala, to in satjnac 'el eb' amorreo, yuj wa'n slum eb' 'ayex. Wach'xam niwc stel eb' 'icha te c'ute', wach'xam tzatz eb' 'icha te jiy, palta 'oj in satl eb' 'a jun 'ejmn̈ej.

Nm 13:28

Palta ax eb' 'anma cajn 'a sat lu'um, caw wal 'ay yip eb'. A schon̈b' eb', caw wal niwac, 'aych pax smuroal. An̈jtona', xquil pax eb' yin̈tl win Anac on̈, caw wal niwc stel eb'.

Mt 23:13

Ax xo ex cuywjum 'a ley yic Moisés yet' ex fariseo, caw 'oltac ex, caw chab'sat ex. Tze macch wan eb' 'anma', sec matz 'och eb' 'a yol sc'ab' Dios 'aj satcha'an̈. An̈jtona', 'ixta ex ax tic, matz ex 'ochi, matz e chaj pax 'och eb' tznib'j 'och sb'a.

Dt 1:28

Ax ticnec, ¿'aj wach' tzon̈ c'ochec? A eb' quit chon̈b'ec tic, 'ix yal eb' to a 'a jun lugar cha, 'ay eb' 'anma caw jeln to 'a quib'n̈ec. Caw niwc stel eb', caw niwc pax ab' schon̈b' eb', chan̈ pax ab' ya'jt smuroal schon̈b' eb' cha. Xyiln pax ab' eb' ewin yin̈tl win Anac, atn eb' niwc ste'il, caw 'ay smay eb', atn wal yuj jun tzo'n̈ eb' cha, caw tzon̈ xiwec, xe chi.