Nm 13:17 - Chuj San Sebastian Bible

¹⁷ A yic schecn 'at Moisés eb' tz'at 'ilnoc lum Canaán cha, 'ix yaln 'a eb' 'ixtic: —'Ixquec 'a lum Neguev, tzlajw cha, tzex q'ue'ch 'a lum jolmctac witz.

Chuj San Mateo Bible

¹⁷ Ayic ix yac'anb'at eb' vin̈ ilum luum vin̈aj Moisés chi' d'a Canaán, ix yal vin̈ d'a eb' vin̈ icha tic: —Ixiquec, a d'a Neguev tzex b'ati, tzex q'uec'och d'a tzalquixtac,

Nm 13:17 ပူးပေါင်းရင်းမြစ်များ

Gn 12:9

Xlajw cha, c'ojnc'ojnil 'ix b'ey coti masnto 'ix jaw 'a lum Neguev.

Gn 13:1

A yic 'ix 'el paxt Abram yet' yistzil 'a Egipto, yet' smasnil tastc 'ay 'a 'a, axta xjaw eb' 'a yol yic Neguev, ajun Lot yet' eb'.

Gn 13:17

A ticnec, 'ixc muc'uc, tza b'eytzan smasnil ste'il, yet' sat jun lum tic, yujto 'oj wac' 'ayach, xchi Dios 'a Abram.

Gn 13:3

'Ix 'el paxt 'a Neguev cha, c'ojnc'ojnil 'ix japx 'a yol yic Bet-el, 'a 'aj 'e'nc 'a b'ab'el, atn 'a snan̈l Bet-el yet' Hai.

Gn 14:10

A 'a smasnil lum niwn pan̈n yic Sidim, til wal 'aj tzpac' q'uet jun asfalto lajn 'icha tzataj. Yuj cha, a yic x'at win sreyl Sodoma yet' win yic Gomorra 'eloc, 'ay eb' soldado eb' x'atcn 'a scal asfalto cha, ax jun tzo'n̈ xo eb', x'at eb' 'elc 'a jolmctac witz.

Nm 13:18

Tze maclni eyila', chajtl wal sb'o lu'um, tze maclni pax eyil eb' 'anma cajn 'a lu'um, tom caw jeln eb', mto may sjelnal eb', tom niwn sb'isl eb', mto jaywn̈ej wal eb'.

Nm 13:29

A 'a lum Neguev, ata cajn eb' amalecita. Ax 'a lum jolmctac witz, ata cajn eb' hitita, eb' jebuseo yet' eb' amorreo. Ax 'a sc'axpil 'ec' a mar yet' 'a sti a Jordán, ata cajn eb' cananeo, xchi eb'.

Nm 14:40

Ax 'a yic sacb'el 'a junx c'u, 'ix laj seb' q'ue wan eb', 'ix snan eb' to tz'at yac' eb' owl yet' eb' 'anma cajn 'a lum jolmctac witz, yuj cha, 'ix yaln eb' 'ixtic: —A ticnec 'ayn̈ecx 'ec' 'a tic, coyc 'a sat lum lum chi xyal Jehová to tzyac' 'ayn̈ec cha, yel toni 'ix 'och qui mulc 'a 'a, xchi eb'.

Dt 1:44

Ax 'ix 'aji, a eb' amorreo cajn ta', 'ix 'elt tzicnjoc eb' 'ayx 'icha no sno'l 'acan̈, ex spechn eb', masnto ex cotcn 'elc yuj eb' 'a lum yol smacb'en Edom yet' 'a yol yic Hormá.

Josué 10:40

A Josué satn 'el smasnil eb' 'anma cajn 'a jun tzo'n̈ lugar cha. 'Ix satl smasnil eb' rey 'ay 'a lum jolmctac witz, eb' 'ay 'a yol yic Neguev, eb' 'ay 'a lum niwc pan̈an yet' eb' 'ay 'a lum pa'ctac. C'uxn xcham eb' smasnil yu'uj, man̈x 'a xon wal junc mach pitzn xcan 'a jun tzo'n̈ chon̈b' cha. C'uxn satl eb' smasnil 'icha yaj yaln Jehová, atn sDiosal Israel.

Josué 15:3

tz'atx 'a jun witz tzq'ue'ch 'a sur yic Acrabim, tz'e'x 'a cusltac lum yic Zin, yet' 'a sur yic Cades-barnea; tzlajw cha, tz'atx 'a Hezrón, tzq'ue'ch 'a Adar, axta tzmeltzj 'a Carca,

Josué 2:1

A yic 'ayt 'ec' Josué 'a lum Sitim, 'ix schecn 'at chawn̈ eb' 'ilwjum 'a c'ultaquil, xyaln 'a eb' 'ixtic: 'At macljec eyil lum lum cha, tzeyiln coti tas yilx chon̈b' Jericó, xchi 'a eb'. 'Ix 'at eb' 'ilwjum cha, axta xc'och eb' sc'an sposada 'a yatut jun 'ix 'ajmul 'ix Rahab sb'i 'a yol chon̈b' Jericó, ata xcan eb' ta'.

Jueces 1:15

Xta'w 'ix 'a win 'ixtic: Comnoc tz'el wal 'a a c'ojol, tza'cn junc a siylab' 'ayin, ya' sb'a a'jnacx can lum Neguev 'ayin, a cab' pax lum lum 'ay a a 'a sat, a lum tzac' 'ayin, xchi 'ix. Yuj cha xya'n Caleb junx lum lum 'a 'ix, lum 'aj 'ay a a 'a sjolmtac q'ue'i, yet' 'a yoctc 'emta.

Jueces 1:19

A Jehová, a 'ayc' yet' eb' yin̈tl Judá, yuj cha, sta'n yi'n 'ec' eb' lum jolmctac witz, palta ma'ix stac' spechx 'el eb' cajn 'a lum pan̈n chi yuj eb', yujto a eb' cha, 'ay sq'uen caruaje eb' yic owal.

Jueces 1:9

Xlajw cha, x'atx eb' yac' owl yet' nan̈lxo eb' cananeo, atn eb' cajn 'a lum jolmctac witz, 'a yol yic Neguev, yet' pax eb' cajn 'a lum pan̈ctac.