Nm 13:1 - Chuj San Sebastian Bible

¹ 'Ix yaln Jehová 'a Moisés 'ixtic:

Chuj San Mateo Bible

¹ Ix yalan Jehová d'a vin̈aj Moisés chi' icha tic:

Nm 13:1 ပူးပေါင်းရင်းမြစ်များ

Salmos 90:1

Mamin, 'a yictax pecti', yic xlaj 'ec' jun tzo'n̈ tiempo 'a yalan̈, toxn to qui Colmal aj on̈.

Nm 12:16

Ax yic xc'ochx María chi yet' eb' 'a scamplamento cha, 'ix 'ochx eb' 'a b'eyel. 'Ix 'el paxt eb' 'a lum Hazerot, axta x'ochx wan eb' 'a lum cusltac lum tzcuch Parán.

Nm 34:17

A eb' 'oj pojnoc 'ec' lum lum chi 'a scal eb' et israelal, atn Eleazar ya'mal 'och sti eb' 'anma 'ayin, yet' Josué win yunnal Nun.

Nm 34:18

Palta yowlal tzeyawtj cot junjnoc eb' yajl yaj 'a scal junjn 'in̈tal eb' chon̈b' cha, yic tzpoj lu'um.

Dt 1:22

Palta ax xo tic, xwul eyalnc 'ayn 'ixtic: Yel xom wal wach', toto 'ay jaywn̈oc on̈ tzon̈ b'ab'lji yic tz'at quilnc tas yilx lum lum cha. Tzlajw cha, tzon̈ meltzj paxi, tzwul calnoc eyab'i' 'aja b'e 'aj wach' qui 'atec, 'aja pax chon̈b' 'aj wach' cochec, xe chi 'ayin.

Dt 1:23

A wal tas xe yal cha, caw wach' 'ix wab'i; yuj cha, xin si'n 'elt lajchwan̈ eb' winc 'a e cal, junjn 'a junjn 'in̈tal.

Dt 9:23

A yic 'ayn̈ec 'ec' 'a Cades-barnea, ata yaljnac 'ayn̈ec to tzon̈ 'at qui cha lum lum cha, atn lum 'oj yac' eyico'oc. Atnta e tenjnac tas yaljnac Jehová qui Diosalec, yujto ma'ix eya'ch xon yipc e c'ojol.

Josué 14:7

An tic, 'ayx chawinc ab'il in q'uinal yic on̈ schecn cot Moisés 'a lum Cades-barnea, yic tzwul qui maclnoc tas wal yilx jun lum tic; ax yic on̈ meltzjec, 'icha wal yilxi, 'ixta wal 'ix wutj waln yet' smasnil in c'ojol.

Josué 2:1

A yic 'ayt 'ec' Josué 'a lum Sitim, 'ix schecn 'at chawn̈ eb' 'ilwjum 'a c'ultaquil, xyaln 'a eb' 'ixtic: 'At macljec eyil lum lum cha, tzeyiln coti tas yilx chon̈b' Jericó, xchi 'a eb'. 'Ix 'at eb' 'ilwjum cha, axta xc'och eb' sc'an sposada 'a yatut jun 'ix 'ajmul 'ix Rahab sb'i 'a yol chon̈b' Jericó, ata xcan eb' ta'.