Nm 12:2 - Chuj San Sebastian Bible

² An̈jtona', 'ix yaln pax eb' 'ixtic: A Jehová man̈ cojnoc Moisés tzc'anlb'ej yic tzpaxtin 'a eb' chon̈ab', palta 'in tzon̈ sc'anlb'ej paxi, xchi eb'. Ax Jehová xyab' tas xyal eb'.

Chuj San Mateo Bible

² An̈eja' ix yalanpax eb': Tocval an̈ej d'a vin̈aj Moisés chi' slolon Jehová. Slolonpax d'ayon̈, xchi eb'. Palta ix yab' Jehová tas ix yal eb' chi'.

Nm 12:2 ပူးပေါင်းရင်းမြစ်များ

Gn 29:33

Scuchn chan̈ 'ix junx yune', ax yic x'alj junx yune 'ix cha, xya'n eb' sb'ic Simeón, xyaln 'ix 'ixtic: 'Ix yil Jehová to chab'c'ojlb'iln 'eli, yuj cha, xyac' junx wune tic, xchi 'ix.

A Ch'an̈ Schab'l Libro Samuel 11:27

Ax yic 'ix 'ec' scusc'ojlal 'ix cha, 'ix 'at ya'nc win David cot 'ix. 'Ix jaw 'ix 'a yatut win cha, 'ix 'och 'ix yistzilc winac. Xlajw cha, 'ix 'alj jun swinc 'unn 'ix. Palta a jun tas sb'ojnac David cha, caw wal maysch'olnil 'a sat Jehová.

A Ch'an̈ Schab'il Libro Yic Yab'ixal Eb' Rey 19:4

Comnoc wal 'ix yab' Jehová qui Diosalec jun tzo'n̈ paxti 'ix yal win syajlil eb' soldado yic win sreyl chon̈b' Asiria checb'il cot yuj win rey yic tzb'uchwj 'a qui Diosal pitzan. Comnoc tzya'ch Jehová yailal 'a yib'an̈. Yuj cha, leslwan̈ cuj on̈, yuj jaywn̈ on̈ to tzon̈ cani, xchi Ezequías, xchi eb'.

Ex 4:14

Yuj cha, 'ix cot yowl Jehová 'a Moisés, 'ix yaln 'ixtc 'a 'a: —A 'a Egipto cha, ata 'ayc' o'tac Aarón win levita, wojtac to jeln spaxtini. 'Oj cot ach wul scha', yic wan a c'och 'a Egipto cha, caw 'oj tzaljoc yic 'oj ach yilnc 'ochi.

Ex 4:30

'Ix syamn 'och Aarón chi yaln 'a eb' chon̈b' yuj smasnil tas 'ix yal Jehová 'a Moisés, sch'oxn pax eb' jun tzo'n̈ milagro yil eb' yit chon̈b' cha.

Ex 5:1

'Ix 'e'cn jun tzo'n̈ cha, 'ix 'at Moisés yet' Aarón paxtinc yet' win rey, 'ix yaln ewin 'ixtc 'a winac: —'Ixtc wal yaln Jehová qui Diosal an̈ israel on̈ tic on̈: To tza chaj 'at eb' in chon̈b' tic 'a lum cusltac lu'um, yic tzyi'n chan̈ eb' in b'i yet' junc q'uin̈, xchi Dios, xchi eb' 'a winac.

Ex 7:10

Xlajw cha, 'ix 'at Moisés yet' Aarón 'a yojltac win rey cha, sb'on eb' 'icha xyutj Jehová yalni: 'Ix sjuln 'at Aarón te sc'occh chi 'a yojltac win rey yet' smasnil ewin 'aych yajlil yet' winac, yajn̈j wal cha, 'ix 'och te c'occh chi chanil.

Pr 13:10

Toto tzqui b'an̈c qui b'a, cojn owl tzq'ue wan cujec; ax toto 'emmquilal queq'uec, caw jeln on̈c 'ixta'.

Is 37:4

Comnoc wal 'ix yab' Jehová qui Diosal jun tzo'n̈ paxti 'ix yal win syajlil eb' soldado yic win sreyl chon̈b' Asiria checb'il cot yuj win rey yic tzb'uchwj 'a qui Diosal pitzan. Comnoc tzya'ch Jehová yailal 'a yib'an̈. Yuj cha, leslwan̈ cuj an̈ jayn̈ on̈ tzon̈ can tic, xchi Ezequías, xchi eb'.

Miqueas 6:4

'In an wijnac 'elt eb' e mam eyichm 'a Egipto, in coln 'elt eb' 'a 'aj 'aych mosoal. An in checjnac 'at Moisés, Aarón yet' pax María, yic sjucb'tzax eb'.

Nm 11:1

'Ay jun c'ual, 'ix syamch eb' israel yaln tu paxti 'a Jehová, yuj yailal tzlaj 'ec' 'a yib'n̈ eb'. A wal yic xyab'n Jehová jun tzo'n̈ paxti cha, caw wal 'ix cot yowal. Yuj cha, 'ix ya'n cot jun c'ac' 'a scal eb', 'ix tz'a eb' 'ayc' 'a sti 'el camplamento cha.

Nm 11:29

'Ix ta'w Moisés, xyaln 'ixtic: —¿Tom tza nib'j cojn in niwn wel'ch 'a scal eb' 'anma tic? Comnoc wal tz'el 'a sc'ojl Jehová, tzyac' Yespíritu 'a smasnil eb' schon̈b' tic, sec wach' tz'ochcn eb' schecb'oc, xchi.

Nm 12:3

Caw yel, cojn Moisés 'emmquilal tzyutj sb'a 'a yolyib'n̈q'uinl tic.

Nm 16:3

Syamn sb'a eb' smasnil, xlajw cha, xc'och eb' 'a Moisés yet' 'a Aarón xyaln eb' 'ixtic: ¡Colb' xo wal eyi'n chan̈ e b'a tic! Yujto qui masnil, yic xo Dios cajec, 'ayc' Jehová 'a qui calc qui masnil. ¿Tas yuj tzeyij chan̈ e b'a yajlilal 'a yib'n̈ schon̈b' Dios tic? xchi eb'.

Ro 12:10

Caw wach' tzlaj cutquec qui chamc'ojlan qui b'a, yujto quit creyentealec qui b'a qui masnil. Yowlal tzquijec 'ejm qui b'a 'ayn̈ junjn on̈, sec wach' 'ay quel'ch junjn on̈c 'a qui sat.

Ro 12:3

A Dios, 'a'jnac wopiso tic yuj swach'c'ojlal. Yuj cha, tzwaln 'at jun tzo'n̈ tic 'ayx e masnil. Matz tac' qui nan junjn on̈ec, to caw jeln on̈. Yowlal 'emmquilal tzcutjec qui nan qui b'a, a tzyala tas 'opiso tzyac' Dios 'ayn̈ junjn on̈ec, yujto 'aych qui c'ojlec 'a 'a.

A Scarta San Pablo D'a Eb' Aj Filipos 2:14

A yic tz'ajx e b'o junc tas, man̈ e b'o yet' e chichnc'ojlal. Man̈ laj eyal-l tas yuj tz'ajx e b'o'.

A Scarta San Pablo D'a Eb' Aj Filipos 2:3

Caw matz tac' qui'nec chan̈ qui b'a, mto tzqui b'an̈nec qui b'a. Palta caw 'emmquilaln̈ej tzlaj cutquec qui b'a. Junjn 'on̈ec, yowlal tzqui na'a, to yel xo cab' niwn yel'ch eb' quit creyenteal 'a quib'n̈ junjn on̈ec.

A Sb'ab'el Carta San Pedro 5:5

Ex quelmtac, ex cob'stac, yiclum tzeyutj e b'a 'a eb' anciano. Ax xo e masnil, 'emmquilal tzlaj eyutc pax e b'a 'ayx junjn ex. Yujto tzyal 'ixtc 'a Ch'an̈ U'un̈: A Dios, tzchac sb'a yet' eb' b'an̈quintac yeq'ui, ax 'a eb' 'emmquilal yeq'ui, tzyac' swach'c'ojlal 'a eb', xchi.