Nm 11:4 - Chuj San Sebastian Bible

⁴ Til wal eb' chuc chon̈b'al toxn ajun 'a scal eb' israel. A jun tzo'n̈ 'anma cha, a wal tas tz'aj eb' swa'i, a chi nan yuj eb'. Locn pax eb' israel tzcham yuj wejl yet' eb', yuj cha, 'ix 'oc' chan̈ eb', xyaln eb' 'ixtic: ¡Mach junc tz'a'n qui chi chib'j 'a tic!

Chuj San Mateo Bible

⁴ Tzijtum eb' ch'oc chon̈ab'il ayxo och d'a scal eb' israel. A jun macan̈ anima chi', an̈ej vael naan yuj eb'. Ajun pax eb' israel ix alub'tan̈ani, ix oc'q'ue eb', ix yalan eb' icha tic: Comonoc val ay mach tz'ac'an jab'oc noc' chib'ej co chi'a.

Nm 11:4 ပူးပေါင်းရင်းမြစ်များ

Nehemías 13:3

Yuj cha, a yic xyab'n eb' quit chon̈b' tas tzyal ch'an̈ ley cha, 'ix spojn 'el eb' smasnil eb' 'anma chuc chon̈b'al cajn 'a scal eb'.

Salmos 106:14

A 'a lum cusltac lu'um, ata 'ix ach yac' prowal eb', 'ix sc'an eb' tas tznib'j sc'ux 'ayach.

Ex 12:38

An̈jtona', til wal scalnelu eb' xyij coti, xyi'n cot eb' swacax yet' schiwo. Til wal eb' chuc chon̈b'al 'ix cot yet' eb'.

Ex 16:12

—'Ix wab'i tas xyutj paxtinc sb'a eb' 'anma tic 'ayin, yuj cha, al 'a eb': To a 'a yemc'ul tic, 'oj wac' schi eb' chib'ej, ax 'a sq'uin̈b'il q'uic'an, ata 'oj wac' wa eb', masnto 'oj b'ut'joc sc'ojl eb'. 'Ixta 'oj yutc eb' yojcan 'eli, to an tic Jehová in, e Diosal in e masnil, xchi Dios.

Ex 16:3

Xlaj yalnc eb' 'a 'ixtic: —Comnoc on̈ smilc can Jehová 'a Egipto, 'a 'aj caw wach' qui chinec chib'ej, 'aj caw tzon̈ b'ut'jec wal si'mb'il. Ocxo jun, ax on̈ eyij cot 'a lum cusltac lum tic; 'in a 'a tic 'oj qui chamc yuj wejl qui masnil, xchi eb'.

Jeremías 42:14

toto tzeyal 'ixtic: 'Oj qui c'och cajn 'a Egipto, 'a 'aj man̈x 'oj quilc owal, 'aj man̈x 'oj cab'c yoc q'uen trompeta, an̈jtona man̈x 'oj qui chamc yuj wejl ta', toto xe chi,

Nm 11:18

Tzlajw cha, tzaln 'a eb' 'anma cha, to tzsacb'tzej sb'a eb', yujto a q'uic'an 'oj schi eb' no chib'j sc'an cha. Tox 'ix wab' yoc' eb' yic 'ix yaln eb' 'ixtic: ¡Comnoc wal 'ay junc mach tz'a'n qui chi chib'ej! ¡Caw wal wach' cajc xon 'a Egipto! xchi eb'. Yuj cha, 'oj wac' schib'j eb' chi an Jehová in tic.

Nm 14:1

A wal yic xyab'n eb' israel jun tzo'n̈ cha, 'ix 'el yaw eb' smasnil, 'oc'ln̈ej sb'o eb' yic 'ix 'ec' jun 'ac'wl cha.

Nm 14:22

A eb' x'iln in tzictznil tic, yet' milagro in ch'oxjnac yil eb' 'a Egipto, xin ch'oxn pax yil eb' 'a lum cusltac lu'um, palta slajn̈ 'ejmal xo in ya'n prowal eb' tic, matz yiclj eb' xon tas tzwala.

Nm 16:13

¿Tom janc'n̈ej tzon̈ otj on̈ extni, 'ilto on̈ ej 'elt 'a lum Egipto, 'aj til wal tas wach' tzqui c'uxu. Ax ticnec ton̈j on̈ ej cot chamc 'a lum cusltac lum tic, tzlajw cha, tza nib'n wal on̈ a'x mandar?

Ro 13:14

Yowlal tzqui chajec spoder Cajlil Jesucristo, 'icha tzyutj junc soldado schan syamc'ab' yic owal. Man̈x ca'c 'och qui nab'en 'a jun tzo'n̈ tas tznib'j 'och qui tu nab'enal.

1 Co 10:6

A jun tzo'n̈ tas jawnc 'a yib'n̈ eb' cha, ch'oxnb'il yaj 'ayn̈ec, sec matz qui nib'jec 'och jun tzo'n̈ maysch'olnil, 'icha yutjnac sb'a eb' cha.

1 Co 15:33

Caw man̈ e cha 'ixtxoc paxti e b'a yuj junc 'es. Toto 'ay eb' maysch'olnil jun tzon̈ 'ec' yet'oc, 'oj juwc 'el qui wach' b'eyb'alec yuj eb'.

Dt 9:22

'Ixta pax eyutjnac e b'a 'a Taberá, 'a Masah yet' 'a Kibrot-hataava, e tzuntzjnac wal cot yowl sc'ojl Jehová 'a eyib'n̈ ta'.