Nm 11:31 - Chuj San Sebastian Bible

³¹ Xlajw cha, 'ix cot jun niwquil 'ic' 'a yib'n̈ a mar yuj Jehová, ax jun 'ic' cha, a 'ix 'i'n cot jun tzo'n̈ no chilti'ich. C'uxn 'ix 'em no 'a 'aj 'ay camplamento yet' 'a smasnil spatquil. 'Aym junc c'u ste'nb'il 'a spatquil 'el camplamento 'a 'aj 'ix c'och smacn no', 'aym junc metro schan̈il 'aj tz'ec' jen̈n̈oc e no 'a yib'n̈ lu'um.

Chuj San Mateo Bible

³¹ Junanto val rato chi' ix cot jun ic' te ov d'a yol a' mar yuj Jehová, axo jun ic' chi' ix ic'ancot noc' tzijtumal much scuchan ub'. Ix em noc' d'a yol campamento yed' d'a spatictac, ay am junoc c'ual stec'nab'il spatictac campamento chi' b'aj ix c'och c'aman yem noc'. Junxon̈ej am val metro schaan̈il tz'ec' jen̈en̈oc noc' d'a yib'an̈ luum.

Nm 11:31 ပူးပေါင်းရင်းမြစ်များ

Salmos 105:40

'Ix sc'an eb' tas tzc'ux 'a 'a, yuj cha, xya'n cot no chiltich schib'joc eb', ax 'a satcha'an̈, ata xcot yoch eb' swa'aj, caw wal xb'ut'j eb' si'mb'il.

Salmos 106:15

'Ix a'n tas tznib'j eb' sc'ux cha, palta 'ix 'a' cot jun niwquil yab'il 'a scal eb', sec tzcham eb' yu'uj.

Salmos 135:7

Tzyij cot 'asn 'a 'aj tzlajw c'och lum lum tic, tzyij cot letz'lo'om yic tzya'n n̈ab', tzjacn 'elt 'ic' 'a 'aj 'ay yet'ul.

Ex 10:13

'Ix ya'n 'at Moisés te sc'occh chi 'a yib'n̈ Egipto cha. Ax Jehová 'ix 'a'n cot jun niwquil 'ic' 'a yib'n̈ smasnil yol yic Egipto, 'ix cot jun 'ic' chi 'a stojlal 'aj tzq'uel c'u; jun c'u jun 'ac'wl 'ix yac' jun niwquil 'ic' cha. Ax yic sacb' 'el 'a junx c'u cha, man̈x yalnb'ilc no c'ulb' xyij cot jun 'ic' cha.

Ex 10:19

Xlajw xoj cha, 'ix ya'n cot Jehová jun niwquil 'ic' 'a stojlal 'aj tz'em c'u, ax 'a yol a Chac Mar, ata 'ix 'atcn no c'ulb' chi yu'uj. Man̈x 'a junc no 'ix can 'a yol yic Egipto cha.

Ex 15:10

A yic 'ix otz'n 'at ec' 'a yib'n̈ a mar, 'ix mucchj can 'ejm eb' 'ajc'ojl chi yuj a'; 'icha q'uen plomo, 'ixta 'ix 'aj eb' s'atcn 'a yich a'.

Ex 16:13

A 'a yic jun yemc'ul cha, 'ix jaw tzicnjoc e no chilti'ich, caw xmacchj 'el stz'ey scamplamento eb' israel chi yuj e no', ax 'a sq'uin̈b'ial 'ix 'em chicb'cha'an̈.

Nm 11:30

Xlajw cha, 'ix meltzj pax Moisés yet' eb' yichm wincal chon̈b' Israel 'a scamplamento.