Nm 11:20 - Chuj San Sebastian Bible

²⁰ Palta to jun 'uj 'oj schi eb' chib'j cha, masnto 'oj xej eb' yuj no'. 'Oj jawc no 'a yol sn̈i eb', 'oj syajl eb' no', yujto may yel'ch in yutj eb', an Jehová in tic. 'Ayn 'ec' 'a e cal, til wal yoc' eb' xjaw eb' 'a wojltac, xyaln eb' 'ixtic: ¿Tas yuj on̈ ej 'elt 'a Egipto? xchi eb', xchi Dios 'a Moisés.

Chuj San Mateo Bible

²⁰ palta jun ujal ol schi noc' chib'ej chi' eb'. Ol schi noc' eb' masanto ol xej eb' yuj noc'. Ol laj ja noc' d'a yoltac sn̈i' eb', masanto ol syaj noc' eb'. Yujto emnaquiltac ix in yutej eb' a in Jehová in ayinec' d'a e cal. Tz'oc' eb' d'a vichan̈ syalan eb': ¿Tas yuj ix on̈ iq'uelta d'a Egipto? xchi eb', xchi d'a vin̈.

Nm 11:20 ပူးပေါင်းရင်းမြစ်များ

A Ch'an̈ Schab'l Libro Samuel 12:10

Yuj cha, may wal b'a'n̈ 'oj 'och wan stzu'x cham eb' en̈til, yujto in a patquilj can 'eli, yic 'ix e'n 'och 'ix yistzil win Urías estziloc.

Salmos 106:15

'Ix a'n tas tznib'j eb' sc'ux cha, palta 'ix 'a' cot jun niwquil yab'il 'a scal eb', sec tzcham eb' yu'uj.

Ex 16:13

A 'a yic jun yemc'ul cha, 'ix jaw tzicnjoc e no chilti'ich, caw xmacchj 'el stz'ey scamplamento eb' israel chi yuj e no', ax 'a sq'uin̈b'ial 'ix 'em chicb'cha'an̈.

Ex 16:3

Xlaj yalnc eb' 'a 'ixtic: —Comnoc on̈ smilc can Jehová 'a Egipto, 'a 'aj caw wach' qui chinec chib'ej, 'aj caw tzon̈ b'ut'jec wal si'mb'il. Ocxo jun, ax on̈ eyij cot 'a lum cusltac lum tic; 'in a 'a tic 'oj qui chamc yuj wejl qui masnil, xchi eb'.

Ex 16:8

'Ix yaln pax Moisés chi 'ixtic: —A 'a yic yemc'ul tic, 'oj yac' Jehová e chi chib'ej, ax 'a sq'uin̈b'il q'uic'an, ax ex ya'n wa'oc. Yujto 'ix yab' eyaln tu paxti 'a 'a, tzcot pax eyowl 'ayn̈ on̈, palta wal yel a 'a Jehová tzcot eyowal, xchi Moisés cha.

Pr 27:7

Q'uinloc tox ex b'ut'ji, wach'xam tz'ajx no yal chab' 'ayex, man̈x 'a swach'l no tzeyab'i; ax pax toto 'ay e wejel, toxn̈ej c'a tas tz'ajx e c'uxu', wach'n̈j tzeyab'i.

Malaquías 1:6

A Jehová tztac' yuj smasnil, a tzaln 'ixtc 'a eb' ya'mal 'och sti eb' 'anma': A eb' 'unnab'il 'ay yel'ch smam snun eb' 'a sat, an̈jtona eb' checab', 'ay yel'ch spatron̈ eb' 'a sat. An xo pax an tic, Mamb'il waj 'ayex, Eyajl pax waji, palta 'in may wel'ch 'a e sat. Caw tzin e patquilj can 'eli. Tzeyaln to cob' 'ixtic: ¿Tas wal tzach cutj ach qui patquiln can 'eli? xe chi.

Nm 11:13

¿'Aj wal til tz'at wic' chib'j tzwac' schi jun tzo'n̈ 'anma tic? Caw tz'oc' eb', tzwul yaln̈c sb'a eb' 'ayin: 'A' cot qui chib'j tzqui chi on̈, xchi eb'.

Nm 11:19

Man̈ junn̈joc c'u, man̈ chab'ocn̈ej c'u, man̈ o'e'ocn̈ej c'u, man̈ lajn̈ecn̈ej c'u, man̈ junq'uin̈cn̈ej, 'oj wac' schib'j eb' cha.

Nm 11:21

Yuj cha, xta'w Moisés 'ixtic: —Mamin Jehová, a eb' 'anma ajun wet' tic, 'ay 600 mil eb' winc smoj tz'och soldadoil, tzlajw cha, tzalni to 'oj ac' qui chib'j 'a jun 'ujal.

Nm 14:3

¿Tas laj yuj tzon̈ yijec 'at Jehová 'a jun lum lum cha, sec am ata tzon̈ chamc can ta yuj owal, ax eb' 'ix quistlec, eb' cunnalec, 'oj can eb' 'a yol sc'ab' eb' 'ajc'ojl yajch 'ayn̈ec cha? Yel xom wach' tzon̈ meltzjec pax 'a Egipto, xchi eb'.

Nm 14:4

'Ix laj yal-lanc junjn eb' 'ixtc 'a 'a: Qui sayc junc mach tzon̈ jucb'tzanec yic tzon̈ meltzjec 'a Egipto, xchi eb'.

Nm 16:13

¿Tom janc'n̈ej tzon̈ otj on̈ extni, 'ilto on̈ ej 'elt 'a lum Egipto, 'aj til wal tas wach' tzqui c'uxu. Ax ticnec ton̈j on̈ ej cot chamc 'a lum cusltac lum tic, tzlajw cha, tza nib'n wal on̈ a'x mandar?

Nm 20:4

¿Tas wal yuj on̈ eyij cot 'a lum cusltac lum tic? ¿Tom tze nib'j tzon̈ cham yet' smasnil qui cajb'en noc' 'a yojltac Jehová?

Nm 21:5

'Ix cot yowl eb' chon̈b' chi 'a Jehová yet' 'a Moisés, 'ix yaln eb' 'ixtic: —¿Tas wal yuj on̈ eyij 'elt 'a Egipto? ¿Tom tze nib'j to tzon̈ cham 'a lum cusltac lum tic? May tas tzqui c'uxu, may pax tas tzcuq'uej, tzq'ue syoch'l qui c'uxn jab' tas tzqui c'ux tic, xchi eb'.

A Tas Sc'ulejnac Eb' Schecab' Jesús Hechos 13:41

Ex b'uchwjum, 'iltec. Sat cab' e c'ojl eyilni, ax e chami. Yujto 'ayx 'ec' 'a in nab'en tas 'oj in b'o 'a e cal 'a jun tiempoal tic, palta ma'oj e cha eyab'i' yic 'oj alxoc 'ayex, xchi Dios 'a Ch'an̈ U'un̈, xchi Pablo 'a eb'.

1 Ts 4:8

Toto 'ay mach tzchichn 'och 'a jun tzo'n̈ checnb'il tic, a 'a Dios wan schichn 'ochi, man̈oc 'a junc 'anma'. Palta atn Dios 'a'jnac 'och Yespíritu 'ayn̈ec.

Josué 24:27

Xyaln pax Josué 'ixtc 'a smasnil eb' chon̈b' cha: —A jun q'uen tic, a tz'ochcn testigoal yuj smasnil tas xyal Jehová 'ayn̈ec. A q'uen tz'ochcn pax testigoal 'ayex, sec ma'oj eyac' 'es 'a Dios, yuj tas xeyal tic, xchi 'a eb'.

A Ch'an̈ B'ab'el Libro Samuel 10:19

Palta ax ticnec, 'ix e patquilj can 'el qui Diosalec, atn jun on̈ 'i'n 'elt 'a scal yailal, yet' 'a scal cusc'ojlal, yic xe c'ann jun qui reyl tzyac' yajlil 'a quib'n̈ec. Yuj cha, a ticnec 'ochn̈ec 'a yojltac Jehová, junjn 'in̈tal yet' junjn macn̈il tzex 'aj 'eyochi, xchi.

A Ch'an̈ B'ab'el Libro Samuel 2:30

Yuj cha, an Jehová e Diosal in ax israel ex tic, an waljnac 'ixtic: Ach tic yet' eb' en̈tl b'aq'uin̈, ax tzin eyac' servil, xin chi. Ax ticnec tzwaln can paxi, to man̈x 'ixta'oc 'oj 'ajoc. A eb' 'ay wel'ch 'a sat, 'ay pax yel'ch eb' 'a in sat. Ax eb' may wel'ch 'a sat, may pax yel'ch eb' 'a in sat. An Jehová in, an tzwala.