Nm 11:18 - Chuj San Sebastian Bible

¹⁸ Tzlajw cha, tzaln 'a eb' 'anma cha, to tzsacb'tzej sb'a eb', yujto a q'uic'an 'oj schi eb' no chib'j sc'an cha. Tox 'ix wab' yoc' eb' yic 'ix yaln eb' 'ixtic: ¡Comnoc wal 'ay junc mach tz'a'n qui chi chib'ej! ¡Caw wal wach' cajc xon 'a Egipto! xchi eb'. Yuj cha, 'oj wac' schib'j eb' chi an Jehová in tic.

Chuj San Mateo Bible

¹⁸ Slajvi chi', tzalan d'a eb' anima chi' to sb'o sb'a eb', yujto a q'uic'an schi noc' chib'ej eb' ix sc'an chi'. Toxo ix vab' yoc' eb', ix vab'an yalan eb': Comonoc ay jab'oc chib'ej sco chi'a. Te vach'n̈ej cajec' d'a Egipto, xchi eb'. Yuj chi' ol vac' noc' schib'ej eb' chi'.

Nm 11:18 ပူးပေါင်းရင်းမြစ်များ

Gn 35:2

Yuj cha, xyaln win Jacob 'ixtc 'a eb' yunnal yet' 'a eb' yisil, yet' 'a smasnil eb' 'ayc' yet'oc: —'Ijec 'el smasnil jun tzo'n̈ yechl comn dios 'ayc' 'a e cal tic, tzlajw cha, tzex 'achni, tze jeln e pichl e masnil.

Job 20:13

tzyab' wal eb' schiloc 'icha junc tas wach' sc'uxxi.

Job 20:23

A yic wan ya'n cob' eb' sgana sc'uxn tas 'ay 'a 'a, yic wan laj swa eb', ax sjacn cot Dios yowl sc'ojl 'a yib'n̈ eb'.

Salmos 78:20

Yel toni, 'ix poj snan̈l q'uen q'uen yuj Dios; ax 'a q'uen x'elt jun niwn a tzb'ey yoc. Caw xc'unb' chan̈ sat lum lum yuj a', ¿palta tom wal 'oj stac' ya'n tas tzqui c'uxu? ¿tom 'oj techjoc ya'n chib'j qui chi'? xchi eb'.

Ex 16:8

'Ix yaln pax Moisés chi 'ixtic: —A 'a yic yemc'ul tic, 'oj yac' Jehová e chi chib'ej, ax 'a sq'uin̈b'il q'uic'an, ax ex ya'n wa'oc. Yujto 'ix yab' eyaln tu paxti 'a 'a, tzcot pax eyowl 'ayn̈ on̈, palta wal yel a 'a Jehová tzcot eyowal, xchi Moisés cha.

Ex 19:10

Yuj cha, 'ix yaln Jehová 'ixtc 'a 'a: —'Ixic, 'at al 'a eb' chon̈b' cha, to tzb'o sb'a eb' ticnec, yet' q'uic'an, tzju'n pax 'el eb' spichul, yujto 'oj 'och eb' 'emmquilal 'ayin.

Ex 19:15

'Ix yaln Moisés chi 'ixtc 'a eb': —A ticnec b'oc e b'a yic tzex 'och 'emmquilal 'a Jehová chab'ej, matz tac' e way yet' eyistzil, xchi 'a eb'.

Ex 19:22

An̈jtona eb' ya'mal 'och sti eb' 'anma tz'ochl xon 'a in tz'ey an Jehová in, yowlal tzsacb'tzej sb'a eb'; toto ma'ay, xin milt cham eb', xchi.

Nm 11:1

'Ay jun c'ual, 'ix syamch eb' israel yaln tu paxti 'a Jehová, yuj yailal tzlaj 'ec' 'a yib'n̈ eb'. A wal yic xyab'n Jehová jun tzo'n̈ paxti cha, caw wal 'ix cot yowal. Yuj cha, 'ix ya'n cot jun c'ac' 'a scal eb', 'ix tz'a eb' 'ayc' 'a sti 'el camplamento cha.

Nm 11:19

Man̈ junn̈joc c'u, man̈ chab'ocn̈ej c'u, man̈ o'e'ocn̈ej c'u, man̈ lajn̈ecn̈ej c'u, man̈ junq'uin̈cn̈ej, 'oj wac' schib'j eb' cha.

A Tas Sc'ulejnac Eb' Schecab' Jesús Hechos 7:39

Palta a eb' qui mam quichmec cha, ma'ix yal sc'ojl eb' syiclj tas 'ix yal Moisés. Yujn̈ej cha, 'ix spatquiln can 'el eb'. 'Ix snib'n eb' meltzjoc pax sb'a 'a Egipto.

Josué 7:13

Q'uen̈ wa'an, al 'a eb' chon̈b' tic to tzyac' lista sb'a eb' yic tzjaw eb' 'a wojltac q'uic'an, yujto an Jehová e Diosal in, an tzwal 'ixtic: Ex yin̈tl Israel, a 'a e cal tic, 'ay tas xeyij cot 'a tas xwal to tzsatli. Ya sb'a mantzac eyij 'el jun tzo'n̈ chi 'a e cal, matz tac' e te'wtzan e b'a 'a yojltac eb' 'ajc'ojl yajch 'ayex.

Jueces 21:2

'Ix syamn sb'a eb' 'a scajnub' Dios 'a Bet-el, masnto xq'uic'b'i, 'ix 'oc' eb' 'a yojltac Dios, 'ix yaln eb' 'ixtic: