Nm 1:53 - Chuj San Sebastian Bible

⁵³ A pax eb' levita, ata 'oj 'aj cajn eb' 'a spatquil in cajnub'; a eb' 'oj tan̈wnoc sec wach' ma'oj cot wowl 'a eb' israel, xchi Dios.

Chuj San Mateo Bible

⁵³ A exxo pax yin̈tilal ex can vin̈aj Leví chi' jun, a d'a spatic yichan̈ in cajnub' ol ex ajoc. A ex ol e tan̈vej, yic vach' max cot voval d'a in chon̈ab' Israel, xchi Jehová.

Nm 1:53 ပူးပေါင်းရင်းမြစ်များ

1 Cr 23:32

A 'a yic yaln̈taxi a eb' tztan̈wni mantiado 'a 'aj tzqui chaj qui b'a yet' Dios, ax ticnec a eb' x'ochx can munljc 'a yatut Jehová 'a yaln̈ schecnb'il eb' yin̈tl Aarón, atn eb' yican eb'.

2 Cr 13:10

Palta an̈ xo tic on̈, a Jehová qui Diosal on̈, may xon 'aj 'ix cactj can on̈. A jun tzo'n̈ eb' ya'mal 'och qui ti tz'a'n servil Jehová, atn eb' yin̈tl Aarón. Ax eb' tzcolwj yet' eb', atn eb' levita.

2 Cr 13:11

Atn eb' tic tz'a'n 'och sc'a'l xajmb'al to tz'a smasnil, yet' incienso yic tz'ajx 'a Jehová 'a junjn sq'uin̈b'ial yet' 'a junjn yemc'ual; tzya'n pax 'ejm eb' 'ixm pan caw wach' 'a sat mexa, jun to cojn Dios 'ay yico'. Ax 'a junjn yemc'ual tzya'n pax 'och eb' sc'a'l cantil 'a yet'l to nab'a oro. An̈ tic on̈, tzqui yiclj schecnb'il Jehová qui Diosal on̈, palta ax xo tic, xeyactj cani.

Jeremías 23:15

Yuj cha, an Jehová in, tztac' wuj smasnil, an tzwal jun tzo'n̈ paxti tic 'a eb' tzyalch sb'a in checb'oc: A wal tas c'a, a chi 'oj wac' sc'ux eb'. Ax a a 'ayb't veneno 'a scal, a 'oj wac' yuc' eb'. Yujto yujn̈ej eb' tzyalch sb'a in checb'oc 'a Jerusalén, yuj cha, 'ix pucb't maysch'olnilal 'a smasnil jun nacion̈ tic, xchi Dios.

Jeremías 5:31

Cojn 'es tzyal-l eb' tzcob' yalch sb'a in checb'oc. Ax eb' ya'mal 'och sti eb' 'anma 'ayin, tzyac' eb' yajlil 'icha tas tznib'ej. Ax jun in chon̈b' tic, wach' tzyab' 'ixta'. Palta ¿tas wal 'oj yutc sb'a eb', yic 'oj jawc jun slajb' tiempoal? xchi Dios.

Lv 10:6

Yajn̈j wal cha, xyaln Moisés 'a Aarón, yet' 'a Eleazar yet' pax 'a Itamar, atn eb' yunnal Aarón pitznto cha: —Man̈ eyi'l sc'oxl e jolom, man̈ e tzil-l pax e pichul yic tze ch'oxn 'el e cusc'ojlal, axta laj x'aji, tzex chami. Nab'a 'oj cot yowl Jehová 'a quib'n̈ qui masnil an̈ israel on̈ec tic. Palta a smasnil eb' quit chon̈b'ec tic, tztac' scus eb' yuj ewin x'ajx cham yuj Jehová yet' te c'ac' tic.

Nm 1:50

Yujto a eb' levita chi 'oj a'ch ya'malc servil in cajnub' 'aj 'ayc' scaxail in trato, yet' smasnil yamc'ab' tzc'anlb'ax 'a 'a. An̈jtona', a eb' 'oj 'i'nc b'ey jun in cajnub' chi yet' smasnil syamc'ab'il. Yowlal tzcann̈j cajn eb' 'a spatquil 'el in cajnub'.

Nm 1:54

'Ix syiclj eb' israel sb'on smasnil tas xyal Jehová 'a Moisés.

Nm 16:46

'Ix yaln Moisés 'a Aarón 'ixtic: —'Ij cot a tz'ab'c'ac', tza'n 'ejm stzac'ac' yic yet'l xajmb'al 'a yojol, tza'n q'ue incienso 'a yib'an̈. Tzlajw cha, tzach 'at mu'c 'a scal eb' 'anma cha, tza c'ann niwnc'ojlal 'a Dios yuj smul eb', yujto tox 'ix cot yowl Jehová 'a yib'n̈ eb', tox 'ix ya' cot jun yab'il to tzcham eb' 'anma smasnil yu'uj, xchi.

Nm 16:9

¿Tom may wal yel'ch jun tic 'a e sat, yujto sic'b'ilx 'el yuj Jehová qui Diosal 'a scal eb' quit israelal tic, yic ex yi'n 'och 'a stz'ey, yic tzex munlj 'och 'a scajnub', yic tzeya'n pax servil eb' chon̈b' tic?

Nm 17:7

'Ix ya'n 'och Moisés eb' te c'occh chi 'a yojltac Jehová, 'a yol Mantiado cha.

Nm 2:17

Ax eb' yin̈tl Leví, ata tz'at eb' 'a snan̈l chan̈e camplamento cha. A eb' tz'i'n b'ey Mantiado 'aj tzin chaj in b'a eyet'oc. A chan̈e camplamento cha, caw stzol-l tz'aj sb'eyi, a tzyal ya'jc eb' 'a smantiado, junjn c'aj eb' 'a stz'ey sbandera.

Nm 3:23

A smasnil jun tzo'n̈ eb' tic, ata 'ay smantiado eb' 'a stojlal 'aj tz'em c'u 'a spatquil 'el scajnub' Dios.

Nm 3:29

Ata 'ay smantiado eb' 'a schicn scajnub' Dios 'a stojlal sur.

Nm 3:35

A mach yajl yaj 'a eb', atn Zuriel yunnal Abihail, ata 'ay smantiado eb' 'a junx schicn scajnub' Dios 'a stojlal norte.

Nm 3:38

Ax 'a stojlal 'aj tzq'uel c'u 'a yojltac scajnub' Dios, 'a yojltac Mantiado 'aj tzchaj sb'a eb' 'anma yet'oc, ata 'ay smantiado Moisés yet' Aarón, yet' pax eb' yunnal Aarón cha, atn eb' tz'a'w servil 'a yojl scajnub' Dios sjelc eb' yit israelal. Toto 'ay mach tzcomn 'och 'a jun 'opiso cha, to man̈ yopisooc yaji, yowlal tzchami.

Nm 31:30

Ax 'a yic eb' chon̈b' chi tzyij cha, ata tzeyijcan 'el junjn 'a junjn nan̈l ciente, atn eb' 'anma', no wacax, no b'uru, no calnelu yet' no chiwo. Tzlajw cha, tzeya'n 'a eb' levita 'aych yilmalc in cajnub', xchi Dios.

Nm 31:47

A 'a scal jun c'aj xo tic, ata xyij 'elt Moisés junjn 'a junjn nan̈l ciente, atn eb' 'anma yet' no noc'. Xlajw cha, xya'n 'a eb' levita 'aych stan̈wc scajnub' Jehová. 'Ix b'o wal 'icha 'ix yutj Jehová yalni.

Nm 8:19

An xin si'cn 'elt eb' levita tic 'a e cal e masnil, 'ix wa'n can eb' 'a Aarón yet' 'a eb' yunnal, sec wach' a eb' tzin 'a'n servil e jelc 'a jun Mantiado 'aj tzin chaj in b'a eyet'oc, yic tzwa'n lajwc e mul. Ax eb' chon̈ab', matz tac' sjaw eb' 'a stz'ey in cajnub', sec wach' may tas 'oj 'i'nc eb', xchi Dios.

2 Ti 4:2

Caw tzal-l spaxti Dios 'a scal eb' 'anma'. Toxn̈ej tznib'j eb' yab'i', toxn̈ej ma'ay, palta caw tzaln̈ej, caw tza montj eb'. Tza tench wan eb' 'a maysch'olnil, tza'n wal snab'enoc eb'. Caw niwn tzotj a c'ojl 'a eb', tza cuyn pax eb' 'a spaxti Dios.

A Ch'an̈ B'ab'el Libro Samuel 6:19

Palta ax Dios, 'ix smil cham jun tzo'n̈ eb' 'aj Bet-semes cha, yujto say eb' yil tas 'ay 'a yojl te caxa cha. 'Ix cham 70 eb' winc chi yu'uj, a eb' 'anma 'a jun chon̈b' cha, caw wal tz'oc' eb' si'mb'il, yujto niwquil jun chaml chi x'och 'a scal eb' yuj Jehová.