Nehemías 9:4 - Chuj San Sebastian Bible

⁴ Yajn̈ej xq'ue eb' levita 'a yib'n̈ jun b'achctac sq'ue cha, atn Josué, Binuy, Cadmiel, Sebanías, Binui, Serebías, Baní yet' Quenaní, caw 'ip x'awj eb' 'a Jehová Dios;

Chuj San Mateo Bible

⁴ Axo jun macan̈ eb' vin̈ levita, aton vin̈aj Jesúa, vin̈aj Bani, vin̈aj Cadmiel, vin̈aj Sebanías, vin̈aj Buni, vin̈aj Serebías, vin̈aj Bani yed' vin̈aj Quenani, ix q'ue eb' vin̈ d'a yib'an̈ jun b'achquiltac sq'uei, te chaan̈ ix yal eb' vin̈ d'a Jehová Dios.

Nehemías 9:4 ပူးပေါင်းရင်းမြစ်များ

2 Cr 20:19

Ax jaywn̈ eb' levita, eb' to yin̈tl Coat, yet' eb' yin̈tl Coré, yajn̈ej 'ix q'ue lin̈n eb' yaln wach' paxti 'a Jehová sDiosal chon̈b' Israel. Caw 'ip 'ix yutj eb' yalni.

Nehemías 12:8

Ax eb' levita cha, atn eb' tic: Josué, Binuy, Cadmiel, Serebías, Judá, yet' Matanías, atn eb' tic tzb'itnan b'it yic alj wach' paxti yet' eb' yican.

Nehemías 3:17

Ax eb' levita tzjucb'tzej Rehum, win yunnal Bani, 'ix sb'on eb' nan̈l xo muro; ata schaj 'el Hasabías yich sb'on nan̈l xo muro sjelc eb' yit chon̈b' 'aj Keila, a jun winc cha, a gobernador yaj 'a spacloc lugar 'a yol smacb'en jun chon̈b' cha.

Nehemías 8:4

A Esdras cha, lin̈n q'ue 'a yib'n̈ jun b'achnub' nab'a te', yujn̈ej jun cha xb'o cha'an̈. Ax 'a swach' c'ab', ata lin̈n 'ec' pax Matatías, Sema, Anías, Urías, Hilcías yet' Maasías. Ax 'a surito lin̈n 'ec' Pedaías, Misael, Malquías, Hasum, Hasbadana, Zacarías, yet' Mesulam.

Nehemías 8:7

Ax eb' levita, atn Josué, Bani, Serebías, Jamin, Acub, Sabtai, Hodías, Maasías, Kelitá, Azarías, Jozabad, Hanán yet' Pelaía, 'ix cham wal yaln 'elt eb' 'a eb' chon̈b' lin̈n 'ec' 'a yet'ul.

Nehemías 9:5

atn Josué yet' Cadmiel, Binuy, Hasabnías, Serebías, Hodías, Sebanías, yet' Petahías, 'ix yaln eb' 'ixtic: Q'uen̈ec wa'an, calc wach' paxti 'a Jehová qui Diosalec 'a smasnil tiempo. Qui b'itquec sb'i yuj calnec wach' paxti 'a 'a, wach'xam matz q'ue'ch qui b'inanec sb'i 'a 'icha wal smoj sb'inaxi, xchi eb'.

Salmos 130:1

Mamin Jehová, a wal tzwutj wab'ni a 'a yich junc lum xab' 'ayn 'eq'ui, yic tzwaln in b'a 'ayach.

Salmos 3:4

A yic tzin 'awj 'aych Mamin Jehová, tzach ta'w cot 'ayn 'a jun tzaln to ecn̈ej yaji.

Salmos 77:1

Caw 'ip 'ix wal in b'a 'a Dios, sec tzyab' tas tzwala.

Lm 3:8

Wach'xam tzat cob' 'el waw in c'ann scolwal, man̈xtzac schaj xon in lesal.

Jn 11:43

Xlajw yaln jun tzo'n̈ tic, caw 'ip 'ix 'awj cha'an̈: —Lázaro, 'eln̈ta, xchi.

A Tas Sc'ulejnac Eb' Schecab' Jesús Hechos 7:60

Xlajwn̈ej cha, 'ix 'em cuman. Caw 'ip xq'ue yaw sleslwi: —Mamin, man̈ a'cn 'och jun smul eb' tic 'a yib'an̈, xchi. Xlajw xoj yaln jun cha, 'ix cham yuj eb'.