Nehemías 9:30 - Chuj San Sebastian Bible

³⁰ Caw niwn yab'lil 'ix ac' techjoc yet' eb'. A Espíritu 'ix 'a'n yojcoc 'el eb' a checab', ax eb' 'ix aln pax yab' eb', palta ma'ix chaj eb' yab'i'. Yuj wal cha, 'ix a'n 'och eb' 'a yol sc'ab' jun tzo'n̈ chon̈b' 'ajc'ojl yajch 'a eb'.

Chuj San Mateo Bible

³⁰ Tzijtum ab'il ac'nac techaj schucal eb'. A Espíritu ac'annac yojtaquejel eb' a checab', axo eb' cachannac eb', palta man̈ schanacoclaj eb' yab'i. Yuj chi' ac'nacoch eb' d'a yol sc'ab' juntzan̈xo nación.

Nehemías 9:30 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 18:11

Ata 'ix yij 'at eb' asirio chi eb' israel, 'ix 'at can eb' yuj eb' 'a chon̈b' Halah, 'a sti a Habor 'a yol yic Gozán, yet' 'a jun tzo'n̈ xo schon̈b' eb' medo.

A Ch'an̈ Schab'il Libro Yic Yab'ixal Eb' Rey 21:10

Yuj cha, yaln Jehová 'a eb' schecab'

2 Cr 24:19

'Ix schecn cot Jehová schecb' 'a eb', sec tzya'x 'och eb' sc'ojl 'a 'a, palta man̈xtoc xchaj eb' yab' 'a eb' schecb' Dios cha.

Esdras 9:10

Ax ticnec ach qui Diosal on̈, ¿tas wal wach' caln 'aych on̈, yujto tox 'ix 'och qui mul on̈? Ma'ix qui yiclj a checnb'il on̈,

Nehemías 9:20

'Ix a chec cot Espíritu wach' 'a eb', yic tzcuyx eb' yu'uj. A maná a 'ix 'ac' sc'ux eb' yic tz'ec' swejl eb', xa'n pax yuc' eb' a a yic tz'ec' stacn̈til eb'.

Nehemías 9:26

Palta caw stzuntzj cot eb' yowl a c'ojol, caw pit 'ix yutj sb'a eb' 'ayach, 'ix spatquilj can 'el eb' a ley. Caw 'ix tenx 'och wan eb' yuj eb' a checab', sec tzjel eb' sb'eyb'al 'ayach; yuj cha, 'ix milx cham eb' a checb' yuj eb', caw niwquil smul eb' xya'chi, yajb'entac xyutj sb'a eb'.

Nehemías 9:29

'Ix 'ac' snab'enoc eb', sec tzmeltzj eb' 'a a ley; palta an̈ja pit 'ix yutj sb'a eb'. Ma'ix schaj eb' yab' a checnb'il, palta 'ix 'ochx smul eb' 'a a ley, jun tz'a'n sq'uinl eb' toto tzyiclj eb'. Caw tenmtac xyutj sb'a eb', pit xyutj sb'a eb', ma'ix chaj eb' yab'i'.

Salmos 86:15

Ach xo tic Mamin, caw wach' a nab'en. C'un yo'ch a c'ojol, man̈ comnoc tzcot owal. 'Ay a chamc'ojlal, yel pax tas tzala.

Salmos 95:10

Chawinc ab'il stzuntzjnac cot eb' 'anma chi wowal, yuj cha, waln 'ixtic: A eb' 'anma tic, chucchc 'aj 'aych snab'en eb', ma'ix ya'ch eb' sc'ojl 'a tas xwac' scuyu'.

Is 28:10

¿Tom an̈ tic 'oj on̈ scuyu'? 'in junn̈j cuynb'ilal tzyala, junn̈j b'eyb'al tzyala, junn̈j checnb'il tzyala, xchi eb'.

Is 42:24

¿Mach 'ix chan 'ajxc ganar eb' israel yin̈tl can Jacob yic 'ix 'el'x 'at smasnil tas 'ay 'a eb'? Atn Jehová, yujto 'ix 'och smul eb' 'a 'a. Ma'ix schaj sc'ojl eb' sb'eylb'ej sb'eyb'al, ma'ix syiclj pax eb' scuynb'il, atn jun tzo'n̈ 'ac'b'il can 'a eb' yu'uj.

Is 48:9

Palta 'ay in niwnc'ojlal 'ayex, yuj cha 'ix wi'n 'och wan yowl in c'ojl 'a eyib'an̈, sec wach' man̈ tuc in b'inaxi. Yuj cha, ma'ex in satli.

Is 63:10

Palta yel xo wal pit xyutj sb'a eb' 'a Jehová, caw xyac' eb' cus Yespíritu to Cojxni. Yuj cha, x'och 'ajc'ojlal 'a eb', xya'n owl yet' eb'.

Jeremías 25:4

Wach'xam til wal 'ejm schecjnac cot Jehová eb' schecb' 'ayex, palta toc xe chaj eyab'i', ma'ix eyiclj xon jab'oc.

Jeremías 44:22

Palta a Jehová caw man̈x 'ic techj yiln 'och jun tzo'n̈ maysch'olnil xe b'o cha, caw ma'ix chaj sc'ojol. Yuj wal cha, a qui chon̈b'ec, caw 'ix lan̈chj 'ejm ticnec, man̈x 'a mach cajn 'a 'a. Tox 'ix 'atcn catb' 'a yib'an̈, caw tzxiw eb' 'anma yiln 'ochi.

Jeremías 44:4

Til wal 'ejm 'ix wa't eb' in checab', yic tzyaln eb' to matz e b'eylb'ej jun tzo'n̈ cha, yel tzwala, to caw matz chaj in c'ojol.

Jeremías 44:5

Palta ax tic, caw wal ma'ix eyiclej, ma'ex 'och wan e b'on maysch'olnilal. A eyico', to xwach' niwtj eya'n incienso xajmb'al-l 'a jun tzo'n̈ tzalx 'och diosal cha.

Jeremías 7:25

Yictax yelt eb' e mam eyichm 'a Egipto, masnto 'a jun c'u tic, 'ix in checn̈j 'at eb' in checb' eyet'oc.

Lm 2:17

A Jehová, 'ix 'el'ch tas nab'il yu'uj, 'ix 'el'ch tas alb'il can yuj 'a yic pecti'. On̈ ya'c lajwoc, ma'ix yac' niwnc'ojlal 'a quib'n̈ec. 'Ix 'el wal 'a sc'ojl ya'n tzewjoc eb' 'ajc'ojl yajch 'ayn̈ec, 'ix yi'n q'ue'ch yopiso eb' 'ajc'ojl cha.

Dn 9:6

A tas yaljnac can 'el eb' a checab', ma'ix qui yiclj on̈. Yaljnac eb' a paxti 'a eb' qui reyl on̈, 'a eb' yajl yaj 'a qui cal on̈, 'a eb' qui mam quichm on̈, yet' pax 'a smasnil eb' quit israelal on̈.

Zacarías 7:12

Caw pit xyutj eb' snab'en, 'icha stzatzl q'uen yax q'ue'en, sec wach' matz chaj eb' yab' cuynb'il yet' checnb'il 'ix wal 'a eb', atn jun tzo'n̈ yaljnac 'el eb' in checb' yuj Wespíritu 'a yic pecti'. Yuj cha, caw niwn xcot yowl in c'ojol.

Zacarías 7:13

'Ix waln 'ixtic: 'Icha wal 'ix yutj sb'a eb', ma'ix schaj eb' yab' 'ayn an Jehová in, yic in paxtin 'a eb', an̈jtona 'ixta 'in pax jun xo, a yic 'ix tew eb' 'ayin, ma'in ta'w 'a eb'.

Nm 11:26

'Ay chawn̈ eb' winc 'aych sb'isloc eb' 70 cha, jun win tzcuch Eldad, ax junx win tzcuch Medad. A eb' chawn̈ cha, ma'ix c'och eb' 'a 'aj 'ay scajnub' Dios, 'ix can eb' 'a camplamento, palta locn eb' 'ix chan jun espíritu cha. 'Ix syamn 'och eb' spaxtin 'icha junc schecb' Dios 'a camplamento cha.

A Tas Sc'ulejnac Eb' Schecab' Jesús Hechos 13:18

Chawinc ab'il 'e'nc eb' 'a lum cusltac lu'um. Ax Dios, ya'jnac techjoc sb'eyb'al eb' ta'.

A Tas Sc'ulejnac Eb' Schecab' Jesús Hechos 28:25

Yuj cha, syamn 'och eb' spax 'a yatut, yujto ma'ix chaj sb'a snab'en eb'. Yuj cha, xyaln Pablo 'a eb' 'ixtic: —A Yespíritu Dios 'a'jnac yalcn Isaías 'a eb' qui mam quichmec pecti', yujto schecb' yaji. Caw yel jun yaljnac cha, yic yaln 'ixtic:

A Tas Sc'ulejnac Eb' Schecab' Jesús Hechos 7:51

Ax xo tic, caw pit ex. Caw lajn e nab'en yet' eb' man̈ 'ojtnacoc xon jac Dios. Caw matz eya'ch e chicn 'a spaxti'. Ton̈j tzeya'ch e b'a 'ajc'ojlal 'a Yespíritu Dios. Yuj cha, caw lajn ex yet' eb' qui mam quichmec.

Ro 2:4

A Dios caw niwn swach'c'ojlal, caw 'ay sniwnc'ojlal. Man̈ comnoc tzcot yowal, palta tecn 'ayx may yel'ch jun tzo'n̈ tic 'a e sat. ¿Tom man̈ eyojcoc, to tzyac' niwnc'ojlal 'ayn̈ec, sec wach' tzqui nac qui b'a yu'uj?

A Sb'ab'el Carta San Pedro 1:11

A Yespíritu Cristo 'aych 'a eb'. A 'a'jnac nachjc 'el yuj eb', chajtlto yowlal tzyab' syail. Tzlajw cha, ax scheclj 'eli, chajtlto man̈ jantcoc swach'il. Ax eb' cha, caw ya'ljnac eb' snan 'eli, mach jun chi tzjaw cha, yet' 'aja stiempoal tzjawi.

A Schab'il Carta San Pedro 1:21

Yujto a eb' cha, may junc mun snajnac eb' 'a sjolom, stz'ib'n can eb'. Palta atn Dios si'jnac 'el eb'. Ax Yespíritu 'a'jnac nachjc 'el yuj eb', chajtl yutjnac eb' yaln can 'el spaxti cha, stz'ib'n can eb'.

A Schab'il Carta San Pedro 3:9

'Ay eb' tznani, to caw tz'ec' tiempo yuj Cajlilec cha. Ma'ix 'el'ch 'icha yaj ya'n can sti snan eb'. Palta man̈ 'ichcta tz'aj 'icha tzna eb' cha. Mantzac jawi, yujto caw 'ay sniwnc'ojlal 'ayn̈ec 'a yolyib'n̈q'uinl tic. Tznib'j to may junc 'oj satcn 'eli. Tznib'j to tzna sb'a eb' 'anma smasnil.