Nehemías 9:28 - Chuj San Sebastian Bible

²⁸ Palta a yic 'aych eb' 'a junc'ojlal jun 'ejm xo, 'ix meltzj pax eb' sb'on maysch'olnil 'a ojltac; yuj wal cha, 'ix actncan eb' 'a yol sc'ab' eb' 'ajc'ojol, atn eb' chi x'a'n 'och eb' 'a yailal. Palta xmeltzj pax eb' yawj 'ayach, sc'ann eb' a colwal jun 'ejm xo. Ach xo tic 'aych 'ec' 'a satcha'an̈, yuj a niwquil chamc'ojlal xa chaj ab' tas xyal eb', caw niwn 'ejm xa col-l eb'.

Chuj San Mateo Bible

²⁸ Palta ayic junc'olalxo yajxi eb', sc'ulannacxi chucal eb' d'a ichan̈. Yuj chi' actejnacxib'at eb' d'a yol sc'ab' eb' ajc'ol chi', yac'jinacoch syaelal eb' yuj eb'. Yuj chi' sc'ananxi a colval eb'. A achxo ayach ec' d'a satchaan̈, ab'annac slesal eb'. Yujto tz'oc' val a c'ool d'a eb', tzijtum el a colnac eb'.

Nehemías 9:28 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 8:39

'Aych 'ec' 'a satchan̈ 'aj cajn ach 'ec' cha, ax ab'n tas 'oj yal eb' 'ayach. Ach xo 'oj 'ac' lajwc smul eb', ax a coln pax eb', ax a'n spac 'a jun jun, a tzyal tas tz'el sb'oni, yujto cojn ach ojc tas 'ay 'a qui pixn junjn on̈.

Salmos 106:42

A eb' 'ajc'ojl cha, 'ix yac' ganar eb' scan eb' israel chi 'a yaln̈ yuj eb'.

Salmos 136:24

A 'on̈ colnec 'a yol sc'ab' eb' 'ajc'ojl yajch 'ayn̈ec. A schamc'ojlal Dios 'ayn̈j 'a smasnil tiempo.

Is 63:15

Mamin Jehová, 'ilt on̈ cot 'a jun et'l to ecn̈ej yaji, atn satchan̈ 'aj cajn ach 'eq'ui, jun 'ajtil 'aych 'ec' yet' a niwn chamc'ojlal yet' pax 'a poder. ¿'Ajtil 'ay a wach'c'ojlal chi jun? ¿Tom xlajw c'och a chamc'ojlal chi 'ayn̈ on̈?

Jueces 2:19

Palta ax yic tzcham jun tzcolwj cha, tzmeltzj can pax eb' 'anma 'a spatic. Tzyamn 'och eb' sb'on maysch'olnil to caw 'ec'b'alxo 'a yib'n̈ tas sb'ojnac smam yichm eb'. Tzya'n 'ejm sb'a eb' 'a jun tzo'n̈ comn dios yic tzya'n servil eb'. Tz'em n̈ojn eb' 'a yojltac eb', matz yactj eb' sb'eylb'an stu b'eyb'al cha, caw pit eb'.

Jueces 3:30

'Ixta 'ix 'aj yem Moab yuj eb' israel. Xlajw cha 80 ab'il 'ix can eb' 'a junc'ojlal.

Jueces 4:1

A yic tox xcham win Aod, syamn 'och eb' israel yochx smul 'a sat Jehová.

Jueces 5:31

Mamin Jehová, 'ixta cab' wal tz'aj satl eb' 'aych 'ajc'ojlal chi 'ayach, ax eb' tzach chamc'ojlani, 'icha cab' stzictznil yoc c'u, 'ixta cab' yilx eb', xchi 'ix Débora chi yet' win Barac 'a sb'it. A yic xlajw ye'cn jun tzo'n̈ owl cha, chawinc ab'il x'ochcn junc'ojlal 'a chon̈b' Israel.