Nehemías 9:24 - Chuj San Sebastian Bible

²⁴ 'Ix c'och eb' yunnal eb' yi'c lum Canaán. Ach 'ix ac' 'ajxc ganar eb' 'anma cajn 'a sat lu'um. A eb' rey yet' eb' 'anma cajn 'a jun lum cha, 'ix a'ch eb' 'a yol sc'ab' eb'; 'ix sb'on eb' tas tznib'j sb'o 'a eb' cananeo cha.

Chuj San Mateo Bible

²⁴ Ochnac eb' yuninal eb' d'a lum Canaán, yic'annac luum eb'. Uuj yac'nac ganar juntzan̈ anima chi' eb' yed' sreyal, yic sc'ulan eb' tas sgana sc'ulej d'a juntzan̈ anima chi'.

Nehemías 9:24 ပူးပေါင်းရင်းမြစ်များ

1 Cr 22:18

A Jehová qui Diosalec, a 'aych quet'ec, atn x'a'n junc'ojlal 'a smasnil qui macb'en, yujto a pax x'a'n 'och smasnil 'anma cajn 'a jun tzo'n̈ nacion̈ tic 'a yol in c'ab', yuj cha, 'ix 'ochcn eb' 'a yol sc'ab' Jehová, yet' 'a yol qui c'ab'c an̈ schon̈b' on̈c tic.

Ester 9:5

'Ix stzu'n cham eb' israel chi eb' 'ajc'ojol cha. C'uxn 'ix satl eb' smasnil, 'ix sb'o wal eb' 'icha tas snib'ej.

Nm 14:31

Palta ax eb' eyunnal xeyal to tzcan 'a yol sc'ab' eb' 'ajc'ojl cha, 'oj wi'ch eb' 'a sat lum lum chi tze patquilj can 'el cha, sec ax eb' 'oj yac' tzaljoc sc'ojl 'a sat lu'um.

2 Ti 2:26

Yujto a eb' cha, 'icha to yamb'il eb' yuj win diablo, sec tzb'o eb' tas tznib'j winac. Palta toto tzna sb'a eb', 'oj colchjoc can 'el eb' 'a yol sc'ab' winac.

Josué 10:40

A Josué satn 'el smasnil eb' 'anma cajn 'a jun tzo'n̈ lugar cha. 'Ix satl smasnil eb' rey 'ay 'a lum jolmctac witz, eb' 'ay 'a yol yic Neguev, eb' 'ay 'a lum niwc pan̈an yet' eb' 'ay 'a lum pa'ctac. C'uxn xcham eb' smasnil yu'uj, man̈x 'a xon wal junc mach pitzn xcan 'a jun tzo'n̈ chon̈b' cha. C'uxn satl eb' smasnil 'icha yaj yaln Jehová, atn sDiosal Israel.

Josué 11:23

Yuj cha, 'ixta wal xyutj Josué yi'n can 'ec' smasnil lum lum cha, 'icha wal yaj yaln can Jehová 'a Moisés. Xlajw cha, spojn can 'ec' Josué chi lum 'a scal eb' yit israelal, yic tz'ochcn lum smacl lumoc eb'. A yic xlajw ye'cn jun tzo'n̈ cha, 'ixta to b'i'an, 'ix 'och wan owl 'a jun tzo'n̈ lugar cha.

Josué 18:1

'A yic tox 'ix yijcan 'ec' eb' israel lum lum cha, syamn sb'a eb' smasnil 'a chon̈b' Silo, 'ix sb'on chan̈ eb' jun Mantiado 'aj tzqui chaj qui b'a yet' Dios.

Josué 21:43

'Ixtn tic wal xyutj Jehová ya'n can smasnil lum lum tic 'a eb' israel, atn lum 'aj ya'jnac can sti ya'n 'a eb' smam yichm eb'. 'Ix sb'on 'och sb'a eb' 'a sat lu'um, xlajw cha, xcan cajn eb' 'a 'a.

Josué 21:45

C'uxn 'ix 'el'ch smasnil 'aj ya'jnac Jehová sti 'a eb' israel cha.

Jueces 4:23

'Ixta x'aj yem win Jabín sreyl Canaán yuj Dios 'a yojltac eb' israel.