Nehemías 9:23 - Chuj San Sebastian Bible

²³ Xa'n pax q'uib' sb'isl yunnal eb' 'icha sb'isl c'anal 'a satcha'an̈. Xe'n 'at eb' scha smacl lum 'a 'aj 'ix ac' a ti a'n 'a eb' qui mam quichm on̈.

Chuj San Mateo Bible

²³ Ac'annacpax q'uib' sb'isul yuninal eb' icha sb'isul q'uen c'anal d'a satchaan̈. Ic'annaccot eb' yic schaan smacb'en eb' b'aj ac'nac a ti' ac'an yicoc eb' co mam quicham.

Nehemías 9:23 ပူးပေါင်းရင်းမြစ်များ

Gn 12:7

Ata xch'ox sb'a Jehová 'a Abram cha, 'ix yaln 'ixtic: A jun lum tic 'oj wac' 'a smasnil eb' en̈til, xchi 'a 'a. Yuj cha, sb'on Abram jun yet'l xajmb'al 'a 'aj tzyal sb'a 'a Jehová, yujto ata xch'ox sb'a Dios 'a 'a.

Gn 15:18

Atn 'a yic jun c'u cha, 'ix yac' Jehová strato 'a jun 'ejmn̈ej yet' Abram, 'ix yaln 'a 'ixtic: —A jun lum tic, 'oj wac' 'a eb' en̈til, atta tzcot lum 'a sti a b'eymal a yic Egipto, masnto 'a sti a niwquil a Éufrates.

Gn 15:5

'Ix yi'n 'el Abram 'a b'esan, 'ix yaln 'a 'ixtic: —'Ilt wal yilx q'ue satcha'an̈, b'is nab'n jun tzo'n̈ c'anal cha, toto tzb'ischj eb' o'oj. 'Ixta 'oj 'aj sb'isl en̈til, xchi Dios.

Gn 17:8

'Oj wac' smasnil lum Canaán tic 'ayach, yet' 'a eb' en̈tl 'a jun 'ejmn̈ej, ax woch sDiosalc eb', xchi Dios 'a Abraham cha.

Gn 22:17

to tzwalcn 'el in wach' paxti 'a eb'an̈. 'Oj wic' wal chan̈ sb'isl en̈til. 'Icha wal sb'isl c'anal 'a satcha'an̈, 'icha pax yarenail sti a mar, 'ixta 'oj 'aj eb'. Ax ya'n pax ganar eb' 'a eb' 'ajc'ojl yajch 'a 'a.

Gn 26:3

A ticnec, wach' ajcn 'a jun lum tic. 'Aynn̈ej 'ec' et'oc, ax wa'n pax in yaxilal 'ayach. A smasnil jun lum tic, 'oj wac' 'ayach, yet' 'a smasnil en̈til, sec tz'el'ch smasnil tas waljnac can 'a a mam, atn Abraham.

1 Cr 27:23

A David ma'ix yij chan̈ sb'isl eb' to 'ayt stz'acw 'a sjunc'lil ab'il sq'uinal, yujto tox 'ix yac' Jehová sti', to 'oj q'uib' sb'isl eb' israel 'icha sb'isl c'anal 'a satcha'an̈.

Ex 1:12

Caw wal tz'ixtx eb' israel chi yuj ewin 'aj Egipto cha, palta yel xo wal xq'uib' pax sb'isl eb'. Yuj cha, caw tzxiw pax eb' 'aj Egipto chi 'a eb'.

Ex 1:7

Palta til wal yunnal eb' x'alj cani. Yuj cha, 'ix niwtj sb'isl eb' israel cha, yel xo wal 'ay smay eb', 'ix b'ut'j 'el smasnil yol yic Egipto chi yuj eb'.

Dt 28:62

An̈ israel on̈c tic, caw niwn qui b'islec 'icha c'anal 'ay 'a satcha'an̈. Palta a 'a jun tiempoal cha, 'oj 'emtoc e b'isul, yujto matz eyiclj tas tzyal Jehová qui Diosalec.