Nehemías 9:16 - Chuj San Sebastian Bible

¹⁶ Palta ax eb' qui mam quichm chi 'on̈, caw 'ix yij chan̈ sb'a eb', pit 'ix yutj eb' snab'en, ma'ix chaj eb' yab' a checnb'il.

Chuj San Mateo Bible

¹⁶ Palta a eb' co mam quicham chi' te ac'umtac eb', te pit yutejnac sb'a eb', man̈ schanacoc yab' a checnab'il eb'.

Nehemías 9:16 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 17:14

Palta ma'ix syiclj eb', caw wal pit 'ix yutj eb' snab'en 'icha eb' smam yichm eb' cha, yujto ma'ix ya'ch eb' Jehová sDiosal yipc sc'ojol.

2 Cr 29:6

Yujto a eb' qui mam quichmec, tenmtac yutjnac sb'a eb' 'a Jehová qui Diosalec, caw maysch'olnil sb'ojnac eb' 'a sat, yujto yactjnac can eb'. Yijnac 'el eb' snab'en 'a yatut, man̈x nanoc Jehová yuj eb'.

2 Cr 30:8

Yuj cha, man̈ eyac' pitb'oc 'el e nab'en 'icha yutjnac sb'a eb' qui mam quichmec cha. 'A'c 'och e b'a 'a yol sc'ab' Jehová, jawn̈ec 'a yatut, atn jun sic'b'il 'el yuj 'a smasnil tiempo, tzeya'n servil Jehová qui Diosalec quet' on̈, ax yoch wan yowx 'ayex.

2 Cr 36:13

An̈jtona', 'ix yac' tenmtacl sb'a 'a Nabucodonosor, atn jun 'aj 'ix yac' sti 'a sat Dios, to junxn̈ej tzyutj snab'en yet'oc. Jun 'eln̈ej 'ix yac' pitb'oc 'el snab'en, man̈xtoc 'ix yal sc'ojl xmeltzj 'a Jehová sDiosal chon̈b' Israel.

Nehemías 9:10

Ach 'ix a b'o jun tzo'n̈ niwc milagro satjub'tac yilx 'a sat win sreyl Eigpto, 'a sat smasnil eb' schon̈b' 'a yol snacion̈ cha, yujto ojtac chajtl wal xyutj eb' yixtn eb' qui mam quichm on̈. Caw niwquil tz'aj sb'inax a b'i 'icha 'a jun c'u tic.

Nehemías 9:29

'Ix 'ac' snab'enoc eb', sec tzmeltzj eb' 'a a ley; palta an̈ja pit 'ix yutj sb'a eb'. Ma'ix schaj eb' yab' a checnb'il, palta 'ix 'ochx smul eb' 'a a ley, jun tz'a'n sq'uinl eb' toto tzyiclj eb'. Caw tenmtac xyutj sb'a eb', pit xyutj sb'a eb', ma'ix chaj eb' yab'i'.

Salmos 106:6

Lajn wal x'aj yoch qui mul 'icha ya'jnac eb' qui mam quichm 'a pecti 'on̈; on̈ 'ec' wal 'a yib'n̈ on̈, xqui b'on maysch'olnil.

Salmos 81:8

Ex in chon̈ab', 'ab'c tas 'oj wala', ex israel comnoc wal yiclum tzeyutj e b'a 'ayin.

Ex 15:26

'Ix yaln Jehová 'a eb' 'ixtic: Toto tzeyiclj tas 'oj wal an Jehová e Diosal in tic, ax eyiclni tas 'oj yal in checnb'il yet' smasnil in ley, toto 'ixta', ma'oj wa' cot yab'il 'a eyib'an̈, 'icha 'ix wutj wa'n cot 'a yib'n̈ eb' 'aj Egipto, yujto an Jehová in tic, an 'oj ex wan̈toc, xchi 'a Moisés.

Ex 32:9

Xyaln Jehová 'ixtc 'a Moisés: —'Ix wila, to caw wal pit snab'en jun tzo'n̈ 'anma tic.

Pr 29:1

A mach pit tzyutj sb'a, wach'xam niwn 'ejm tz'ajx cuenta, a jun cha, caw ji'lti 'oj 'aj slajw 'eli, man̈x 'oj stac' scoln sb'a.

Is 48:18

Comnoc wal 'ix eyiclj in checnb'il, toto 'ixta', a e junc'ojlal, caw lajn am tz'aj sq'uib' 'icha a niwc a', ax e tojlal, lajn am 'icha scot b'alb'noc yib'n̈ a mar.

Is 48:4

Yujto wojtac to caw wal pit ex, matz eyij 'ejm e b'a, matz ex q'uixw pax jab'oc.

Is 63:10

Palta yel xo wal pit xyutj sb'a eb' 'a Jehová, caw xyac' eb' cus Yespíritu to Cojxni. Yuj cha, x'och 'ajc'ojlal 'a eb', xya'n owl yet' eb'.

Jeremías 19:15

A Jehová tztac' yuj smasnil, atn jun qui Diosalec an̈ israel on̈c tic, a 'ix aln 'ixtic: 'Oj wa' cot yailal 'a yib'n̈ Jerusalén tic, yet' 'a yib'n̈ jun tzo'n̈ xo chon̈b' 'ay 'a stz'ey. A smasnil yailal 'ix walcn tic, 'oj jawc 'a eyib'an̈ yujto xeyac' pitb'oc 'el e b'a, man̈xtzac eyiclj tas tzwala, xchi Dios, xchi Jeremías.

Jeremías 2:31

(Ex yin̈tl can Israel, macljec eyab' tas tzwal 'ayx an Jehová in tic.) ¿Tom 'icha wal junc lum cusltac lum waj 'ayex? ¿mto 'icha junc lum lum 'ay smay? Ex in chon̈ab', ¿tas wal yuj tzeyal 'ayn 'ixtic: Mun quic qui b'a on̈, man̈x 'a b'a'n̈ 'oj qui meltzj 'aych on̈? xe chi.

Jeremías 7:26

Palta ax xo tic, ma'ix eyiclj tas 'ix wala, tenmtac xeyutj e b'a, yel xo wal tu xeyutj e b'a 'a yib'n̈ eb' e mam eyichm cha.

Ez 5:6

Caw wal 'ix 'och eb' 'aj Jerusalén chi 'ajc'ojlal 'a in ley yet' 'a jun tzo'n̈ in checnb'il, yel xo wal tu xyutj sb'a eb' 'a yib'n̈ jun tzo'n̈ xo nacion̈ oyn 'och 'a stz'ey, ma'ix syiclj eb' in ley yet' in checnb'il.

A Tas Sc'ulejnac Eb' Schecab' Jesús Hechos 7:51

Ax xo tic, caw pit ex. Caw lajn e nab'en yet' eb' man̈ 'ojtnacoc xon jac Dios. Caw matz eya'ch e chicn 'a spaxti'. Ton̈j tzeya'ch e b'a 'ajc'ojlal 'a Yespíritu Dios. Yuj cha, caw lajn ex yet' eb' qui mam quichmec.

Ro 2:5

Palta 'ayx pit ex, matz e na e b'a. Yuj cha, wan eya'n niwtjoc yowl sc'ojl Dios 'a eyib'an̈. Ax 'a yic 'oj jawc jun c'u yic yailal, ax yajx can 'och 'a eyib'n̈ ta'. At wal 'a jun c'ul cha, 'oj checljoc 'el sb'eyc'ojlal Dios caw yel.

Dt 31:27

Yujto wojtac, to ax tic caw wal pit ex, tenmtac ex. 'Aynto cob' 'ec' eyet'oc, palta 'in toxn to tenmtac tzeyutj e b'a 'a Jehová Dios, ¿ocxom wal yic 'oj in chami?

Dt 32:15

Palta ax yic 'oj e b'a'chb'i ax Jesurún ex tic, 'oj pitb'oc 'el e nab'en 'a Dios, atn jun on̈ b'onec. 'Oj e patquilc can 'el jun qui Colmal cha.

Dt 5:29

Comnoc wal 'ichn̈jta snab'en eb', sec 'ay wel'ch 'a sat eb', tzyiclni eb' smasnil in checnb'il 'a junjn c'u. Toto 'ixta', 'icha wal swach'l tz'aj yec' yuj eb', 'ixta pax 'oj 'ec' yuj yunnal eb' b'aq'uin̈.

Dt 9:13

A ticnec 'ix wila to a jun tzo'n̈ 'anma tic, caw wal pit tzyutj sb'a eb' 'ayin.

Dt 9:27

Na cot tas aljnac 'a eb' a checab', atn Abraham, Isaac yet' Jacob. A spitl jun tzo'n̈ 'anma tic, smul eb' yet' smaysch'olnilal eb', man̈ a na coti,

Dt 9:6

Yuj cha, yowlal tzeyojquej 'eli, chajtlto man̈ yujoc e wach'il tzya'n Jehová qui Diosalec lum lum chi 'ayex, palta yujto 'ixta snab'en. Alx tic jun, caw wal pitx 'a 'a.

A Ch'an̈ Carta D'a Eb' Hebreo 3:13

Ya' sb'a 'ayt jab'x tiempo, caw tzlaj e jucb'tzoc e b'a 'a junjn c'u, sec wach' may ex tzex 'ixtx yuj maysch'olnil, may ex tzex pitb' 'el yu'uj.

A Ch'an̈ Carta D'a Eb' Hebreo 3:15

Yujto 'ixtc yaj stz'ib'x can 'a Ch'an̈ U'un̈: A ticnec toto tzeyab' tas tzwala, to 'ixta', man̈ eyac' pitb'oc e b'a 'icha ya'jnac eb' e mam eyicham yic tenmtac yutjnac sb'a eb', xchi 'a Ch'an̈.