Nehemías 8:6 - Chuj San Sebastian Bible

⁶ Xlajw cha, xyaln Esdras wach' paxti 'a Jehová, atn jun Dios tztac' yuj smasnil. 'Ix ta'w smasnil chon̈ab', xyi'n chan̈ eb' sc'ab' 'a cha'an̈, xyaln eb' 'ixtic: 'Ixta cab' tz'aji, xchi eb'. Yajn̈ej x'em n̈ojn eb', squiln 'ejm eb' snan̈l sat 'a sat lu'um yic tzyaln sb'a eb' 'a Jehová.

Chuj San Mateo Bible

⁶ Ix lajvi chi' ix yalan vach' lolonel vin̈ d'a Jehová Dios Nivan Yelc'ochi. Ix tac'vi masanil eb' anima chi', ix yic'anchaan̈ sc'ab' eb', ix yalan eb': Ichocab'ta', xchi eb'. Ix em n̈ojnaj eb' d'a sat luum, ix och eb' ejmelal d'a Jehová.

Nehemías 8:6 ပူးပေါင်းရင်းမြစ်များ

Gn 14:22

Yuj cha, xta'w Abram, 'ix yaln 'ixtc 'a 'a: —Tox 'ix wac' in ti 'a Jehová Dios Cojxn Niwn Yel'chi, a xb'on satcha'an̈ yet' lum lum tic,

Gn 24:26

'Ix yab'n win checb' cha, to 'ixta 'ix yutj 'ix yalni, 'ix 'em n̈ojnjoc win sleslwi 'a Jehová, 'ix yaln yuj diosal 'a 'a.

1 Cr 16:36

Alx cab' wach' paxti 'aych 'a smasnil tiempo Mamin Jehová, qui Diosal ach an̈ israel on̈ tic, xe chi, xchi David. 'Ix yaln smasnil eb' chon̈ab': ¡B'o cab' 'ixta'! xchi eb'. Xyaln eb' wach' paxti 'a Jehová.

1 Cr 29:10

Yuj cha, 'ix yaln rey David wach' paxti 'a Jehová 'a sat smasnil eb' chon̈b' cha, 'ix yaln 'ixtic: Mamin Jehová, qui Diosal ach yet' qui mam 'ichm Israel on̈, alx cab' wach' paxti 'aych 'a smasnil tiempo.

1 Cr 29:20

Xlajw cha, 'ix yaln David 'ixtc 'a smasnil eb' 'anma': A ticnec ex wit chon̈ab', alc wach' paxti 'a Jehová qui Diosalec, xchi. Xlajw cha, 'ix yaln smasnil eb' 'anma wach' paxti 'a Dios, atn sDiosal eb' yet' smam yicham. 'Ix 'em cumn eb' 'a yojltac Dios yic 'ayc' eb' 'a yojltac win rey cha.

2 Cr 20:18

Xlajw cha, 'ix 'em n̈ojn Josafat, 'ix squiln 'ejm snan̈l sat 'a sat lu'um, yet' smasnil eb' 'aj Judá yet' eb' 'aj Jerusalén. 'Ix 'em n̈ojn eb' 'a yojltac Jehová, 'ix yaln sb'a eb' 'a 'a.

2 Cr 29:10

A ticnec, tox xin nalb'ej in b'on in trato yet' Jehová qui Diosalec an̈ israel on̈c tic, sec wach' tzyij 'el yowl sc'ojl 'a quib'n̈ec.

2 Cr 29:30

Xlajw cha, a win rey yet' eb' yajl yaj yet'oc, xyaln eb' 'a eb' levita to tzyal eb' wach' paxti 'a Jehová, yet' jun tzo'n̈ b'it yic David yet' yic Asaf, atn schecb' Dios. Caw 'ix yal eb' wach' paxti 'a tzaljc'ojlal, 'ix 'em cumn eb' yaln sb'a.

2 Cr 6:4

'Ix yaln win 'ixtic: Alx cab' wach' paxti 'a Jehová qui Diosalec an̈ israel on̈c tic, tox 'ix 'el'ch tas yaljnac yet' sti 'a in mam, atn David, yic yaln 'ixtc 'a 'a:

Nehemías 5:13

An̈jtona', xin tzicb'tan̈n 'el in pichul, xwaln 'ixtic: 'Ixtnta 'oj yutc pax Dios ex stzicn 'elt 'a eyatut yet' 'a e munljel, atn jantcn̈ej smasnil mach ma'oj syiclc sb'on jun tzo'n̈ cha, 'ixtnta pax 'oj yutc yi'n 'ec' tastc 'ay 'ayex, xin chi 'a eb'. 'Ix ta'w eb' smasnil: B'o cab' 'ixta', xchi eb'. Xlajw cha, xyaln eb' wach' paxti 'a Jehová. 'Ix syiclj eb' sb'on 'icha xyutj yaln cha.

Nehemías 8:7

Ax eb' levita, atn Josué, Bani, Serebías, Jamin, Acub, Sabtai, Hodías, Maasías, Kelitá, Azarías, Jozabad, Hanán yet' Pelaía, 'ix cham wal yaln 'elt eb' 'a eb' chon̈b' lin̈n 'ec' 'a yet'ul.

Salmos 134:2

'ijec chan̈ e c'ab' 'a yatut Dios yic tzeyaln e wach' paxti 'a 'a.

Salmos 141:2

Wach' cab' tz'aj sq'ue'ch in lesl 'aych Mamin, 'icha tz'aj sq'ue'ch stab'l incienso tz'a 'a ojltac. Ax in c'ab' mojb'il q'ue 'ayach, lajn cab' yilx 'a yol a sat 'icha junc ofrenda tz'ajx 'aych 'a yemc'ual.

Salmos 28:2

'Ab' wal tas tzwala yic tzin c'ann a colwal wet'oc, yic tzin mojn q'ue in c'ab' 'a atut.

Salmos 41:13

¡Alx cab' wach' paxti 'a Jehová, atn qui Diosal an̈ israel on̈c tic, ticnec yet' 'a smasnil tiempo! 'Ixta cab' tz'aji.

Salmos 63:4

Smasnil tiempo yic pitzn in, 'oj wal wach' paxti 'ayach, 'oj in moj q'ue in c'ab' 'ayach, yic 'oj in leslwi.

Salmos 95:3

Yujto a Jehová Dios, caw niwn yel'chi, Rey 'a yib'n̈ jun tzo'n̈ xo comn dios.

Ex 12:27

Ax eyaln 'ixtc 'a eb': A jun q'uin̈ tic, yic snanb'il cot queltec 'a libre 'a Egipto, atn yic scham no calnelu xajmb'al-l 'a Jehová, yic 'ec' smilnc cham Jehová eb' b'ab'l 'unn 'a Egipto cha. Ax 'a sti catutec, c'ax'e'l x'eq'ui. 'Ixta 'ix yutj Jehová scoln can 'el eb' 'unnab'il 'ayn̈ 'a yic jun tiempoal cha, 'oj e chic 'a eb', xchi Moisés. A yic 'ix lajw yaln jun tzo'n̈ tic, 'ix 'em n̈ojnjoc eb' yit israelal ya'n 'emmquilal 'a Jehová.

Ex 4:31

A yic xyab'n eb' chon̈b' chi tas xyal eb' chawn̈ cha, 'ix ya'n 'och eb' 'anma chi 'a sc'ojol, chajtlto 'ix 'ilx cot eb' yuj Dios, yujto caw 'oltac tz'aj eb' 'a 'aj 'ayc' cha. Yuj cha, 'ix 'em n̈ojn eb', xya'n 'ejm sb'a eb' 'a Dios.

Jeremías 28:6

—Yel toni, comnoc tzb'o Jehová jun cha. Comnoc wal tzb'o 'icha jun tzo'n̈ paxti tzal cha. Comnoc tzyijx meltzjoc jun tzo'n̈ syamc'ab'il yatut 'ijxnac 'at 'a Babilonia, yet' pax smasnil eb' 'anma yamchjnac can 'ati.

Lm 3:41

Ca'c 'at qui nab'en 'a Dios 'a satcha'an̈, tzcalnec 'a qui lesl 'ixtic:

Lv 9:24

'Ix 'elt c'ac' 'a yojltac Jehová, 'ix ya'n tz'a no xajmb'al yet' xepu, 'ix tz'a no smasnil. A yic xyiln smasnil eb' israel jun tic, caw x'el yaw eb' yuj tzaljc'ojlal, x'em n̈ojnjoc eb' masnto squil 'ejm eb' snan̈l sat 'a sat lu'um.

Mt 26:39

Xlajw cha, 'ix 'at jab'xo, 'ix 'em lachn 'a sat lu'um, 'ix leslwi 'ixtic: Mamin, 'ij 'ec' jun yailal tic 'a wib'an̈, toto tztac' tza na'a; palta man̈ 'ichaoc tzin nib'j an tic, 'icha cab' tas tza nib'ej, xchi.

Mt 6:13

Man̈ on̈ a cha 'ejmc yuj maysch'olnil on̈. Tzon̈ a coln can pax 'el 'a yol sc'ab' win syajlil maysch'olnil on̈. [Yujto smasnil tiempo cojn ach yajl ach. Caw niwn a poder, caw niwn el'chi. B'o cab' 'ixta', xe chi.]

1 Co 14:16

Q'uinloc 'ay junc ex ticnec, tzeyal wach' paxti 'a Dios 'a junc chuc ti'al. Toto 'ixta', an̈j yet' e pixn tzeyala. Ax eb' 'ayc' eyet'oc, matz nachj 'el yuj eb' tas chi tzeyala. Yuj cha, a yic tzeyaln yuj diosal 'a Dios, matz tac' jun tzleslwi eb' eyet'oc.

Ef 1:3

Calc wach' paxti 'a qui Mam Dios, atn 'a Smam Cajlil Jesucristo. C'uxn xyac' jun tzo'n̈ wach'l yic Espíritu 'ayn̈ec, atn jun tzo'n̈ yic satcha'an̈, yujto junxn̈ej cajc yet' Cristo ticnec.

1 Ti 2:8

Yuj cha, tzin nib'ej, tzleslwi eb' winc 'a junjn lugar. A eb' tzyij chan̈ sc'ab' sleslwi cha, yowlal caw wach' sb'eyb'al eb' 'a sat Dios. May cab' schichnc'ojlal eb'. Man̈ 'a'moc owl eb'.

A Sb'ab'el Carta San Pedro 1:3

Calc wach' paxti 'a Dios, atn 'a Smam Cajlil Jesucristo, yujto caw x'o'ch sc'ojl 'ayn̈ec. On̈ ya'nec 'aljoc pax 'a scha'ejmal, yujn̈ej to pitzwnac pax Jesucristo 'a scal eb' chamnac. Yuj cha, caw tzca'c 'och yipc qui c'ojol, to a 'oj 'a'nc qui q'uinlec.

Apoc 7:11

Ax eb' ángel smasnil, lin̈n chan̈ eb'. Oyn 'och eb' 'a jun despacho cha, yet' 'a eb' 'ichmtac winac, yet' 'a chan̈wn̈ eb' querubín. 'Ix 'em n̈ojn eb' 'a sat lum 'a yojltac jun despacho cha. 'Ix yaln sb'a eb' 'a Dios.