Nehemías 8:15 - Chuj San Sebastian Bible

¹⁵ Xlajw cha, 'ix 'ajx 'ojcaxc 'el 'a smasnil chon̈ab' yet' 'a Jerusalén, to tz'at eb' 'anma 'a calte', tzyi'n cot eb' sc'ab'te olivo, sc'ab'te calte'al olivo, sc'ab'te tzcuch arrayán, sc'ab'te palma yet' sc'ab' eb' te pimxi'il, yic tzb'o chinama, 'icha yaln 'a ch'an̈ ley cha.

Chuj San Mateo Bible

¹⁵ Yuj chi' ix alchajel d'a caltac chon̈ab' yed' d'a Jerusalén to sb'at eb' anima d'a caltac te' yic'cot sc'ab'tac te' olivo avab'il yed' te' caltacte'al olivo, te arrayán, te' palma, ma junocxo yaln̈ej tas te'al c'ayum xiil yic sb'o chinama chi', icha yajcan d'a ch'an̈ ley chi'.

Nehemías 8:15 ပူးပေါင်းရင်းမြစ်များ

Gn 8:11

Wan xo wal sq'uic'b'i, 'ix meltzj pax no', n̈ac'b'ilx jun te yune sc'ab' olivo yax yuj no'. 'Ixta 'ix 'aj snachj 'el yuj win Noé, chajtlto wan xo stacj sat lum lu'um.

Lv 23:4

Atn pax jun tzo'n̈ q'uin̈ tic to niwn yel'chi yic tzeyi'n chan̈ in b'i, tze yamn e b'a yuj eyoch 'emmquilal 'ayn an Jehová in, atn jun tzo'n̈ c'u alb'ilx wu'uj:

Lv 23:40

A 'a b'ab'l c'u cha, tzlaj eyi' cot sat te te wach' sloxi, tzeyi'n cot te xil palma, eb' te xil sauce, yet' eb' te niwc xil 'ay 'a stitc a'. 'Ixta 'oj eyutc eya'n tzaljoc e c'ojl 'a yol uque c'u 'a wojltac an Jehová e Diosal in tic.

Zacarías 1:8

'Ay jun 'ac'wal, 'ix ch'oxx wil jun tic 'a 'icha waychil: 'Ix wil jun 'icha winc 'ay q'ue 'a yib'n̈ jun chac chej. Lin̈n 'och wan no 'a jun pan̈n 'a scal jun tzo'n̈ te tzcuch arrayán. Ax 'a spatquil jun cha, 'ay nan̈l xo no chej 'ayq'ui, 'ay eb' 'ay q'ue 'a yib'n̈ e no'. Chucchc yilx e no', 'ay no chac, 'ay no sacpunac, 'ay pax no sac.

Mt 21:1

Yic wan sc'och Jesús yet' eb' scuywum 'a sla'nil Jerusalén, 'ix jaw eb' 'a chon̈b' Betfagé 'a yich lum tzaln Olivo. Ax Jesús, 'ix checn 'at chawn̈ eb' scuywum.

Jn 12:13

Yuj cha, til wal eb' xtzu'n 'emt xil te q'uib'. 'Ix yi'n 'at eb' x'at schanc eb' Jesús. 'Ix laj yalnc chan̈ eb' 'ixtic: —Yuj wal dios. Calc wach' paxti 'a jun checb'il cot yuj Cajlilec. Calc wach' paxti 'a qui Reyl an̈ israel on̈c tic, xchi eb'.

Dt 16:16

Smasnil eb' winac, yowlal 'ox'ejm tz'och eb' 'a yojltac Jehová Dios 'a junjn ab'il, atn 'a jun lugar 'oj si'l yico'oc cha. A jun tzo'n̈ q'uin̈ 'aj 'oj 'och eb' cha, atn tic: Q'uin̈ yic 'ixm pan may yich, q'uin̈ yic tzlajw spolx trigo, yet' q'uin̈ Chinama. May cab' junc mach tzsat sc'ojl yi'n 'at yofrenda 'a yojltac Jehová.

Apoc 7:9

Xlajw cha, xwilni. Caw niwn 'anma 'ayc' 'a yojltac jun despacho cha, yet' 'a yojltac jun tzcuch Calnelu. A eb' cha, 'ay eb' 'a junjn nacion̈, 'a junjn 'in̈tal, 'a junjn ti'al, yet' 'a junjn chon̈b'al. Man̈x yalnb'ilc jantc sb'isl eb'. Caw sac spichl junjn eb'. Yamb'il xil te q'uib' yuj junjn eb'.