Nehemías 7:70 - Chuj San Sebastian Bible

^70-72 'Ay jun tzo'n̈ eb' yican eb' xyac' yofrenda yuj jun munljel cha; 'ix yac' win gobernador waclajn̈e libra q'uen oro 'a win molm tumin, 50 jom nab'a oro yet' 530 pichl yic eb' ya'mal 'och sti eb' 'anma 'a Dios. Ax eb' yajl yaj 'a yib'n̈ eb' yican, 337 libra q'uen oro 'ix yac' eb' 'a win molm tumn yic jun munljel cha, yet' 2,423 libra q'uen plata. Ax jaywn̈ xo eb' chon̈ab', 'ix yac' eb' 337 libra q'uen oro, 2,423 libra q'uen plata, yet' 67 pichl yic eb' ya'mal 'och sti eb' 'anma 'a Dios.

Chuj San Mateo Bible

^70-72 Tzijtum anima ix yac' silab' yic smanchaj tas ol och yic sb'ochajxi templo. A vin̈ yajal yaj d'a scal eb', 17 libra q'uen oro ix yac' vin̈ yed' 50 nivac uc'ab' sc'anchaj d'a templo yed' 530 pichul yic eb' sacerdote. Ay eb' vin̈ yajal yaj d'a junjun in̈tilal, ix smolb'ej silab' eb' vin̈, ix yac'an 337 libra q'uen oro eb' vin̈ yed' 2 mil 215 libra q'uen plata. Axo nan̈alxo eb' chon̈ab' ix ac'an 337 libra q'uen oro, 24 quintal q'uen plata yed' pax 67 pichul yic eb' sacerdote. A juntzan̈ chi' ix yac' eb' b'aj schaji silab'.

Nehemías 7:70 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 7:45

jun tzo'n̈ chen, jun tzo'n̈ luchlab', yet' pax jun tzo'n̈ niwc 'uc'ab'. A smasnil jun tzo'n̈ yamc'ab' sb'o Hiram yuj rey Salomón, yic yatut Jehová. A jun tzo'n̈ cha, nab'a bronce caw tzwetzwni yilxi.

1 Cr 28:17

yet' jun tzo'n̈ q'uen luchlab' chib'ej, jun tzo'n̈ q'uen 'uc'ab' yet' jun tzo'n̈ q'uen vaso.

2 Cr 4:11

Ax Hiram win cuywjum 'a tzann̈j munljelal, 'ix sb'o pax jun tzo'n̈ xalu, niwc cuchara yet' pax jun tzo'n̈ niwc vaso, 'ixta 'ix 'aj slajw sb'o jun tzo'n̈ munljel xyac' Salomón b'o 'a yatut Dios.

2 Cr 4:8

'Ix sb'on pax lajn̈e mexa, xlajw cha, 'ix 'at ya'nc 'och 'a yojl yatut Dios, o'e tzcan 'a stojlal sur, ax o'e xo tzcan 'a stojlal norte. 'Ix sb'on pax jun ciente niwc vaso to nab'a oro.

Nehemías 10:1

A eb' xya'cn 'ejm sb'i 'a ch'an̈ un̈ 'ix stz'ib'x can cha, atn eb' tic: Nehemías yunnal Hacalías, atn win gobernador. Xya'n pax eb' ya'mal 'och sti eb' 'anma 'a Dios yico': atn Sedequías, Seraías, Azarías, Jeremías, Pasur, Amarías, Malquías, Hatús, Sebanías, Maluc, Harim, Meremot, Obadías, Daniel, Ginetón, Baruc, Mesulam, Abías, Mijamín, Maazías, Bilgai yet' Semaías.

Nehemías 7:65

Xyaln win gobernador to matz tac' sc'uxn eb' tas to yic Dios yaji, at junc ya'mal 'och sti eb' 'anma 'a Dios 'oj c'anb'noc 'a q'uen Urim yet' 'a q'uen Tumim toto yel yin̈tl eb' ya'mal 'och sti eb' 'anma chi eb'.

Nehemías 8:9

Ax Nehemías gobernador yet' Esdras ya'mal 'och sti eb' 'anma 'a Dios, cuywjum paxi, yet' eb' levita cha, xyaln eb' 'ixtc 'a smasnil eb' chon̈ab': A jun c'u tic yic Jehová qui Diosal yaji, man̈ ex cusoc, man̈ ex 'oc'oc, xchi eb' 'a eb', yujto a smasnil eb' chon̈ab', tz'oc' eb' yab'n tas tzyal ch'an̈ ley cha.

Ex 12:22

Tze chan schic'l no 'a yol junc palagan, tze sayn jun yuchc te sc'ab' hisopo, tze lab'n 'ejm 'a scal schic'l no cha, tze sucn 'och 'a smasnil smarcoal smac eyatut. May junc ex tzex 'elt 'a sti smac eyatut, masnto tzsacb'i.

Ex 24:6

Ax Moisés xchan schic'l no', 'ix ya'n 'ejm nan̈l 'a yol jun tzo'n̈ yet'ul, ax nan̈l xo, 'ix secq'ue 'a yib'n̈ jun yet'l xajmb'al cha.

Jeremías 52:19

An̈jtona win comandante cha, 'ix yij 'at win yamc'ab' to nab'a oro, nab'a plata: atn palagan, yet'l stzac'ac, jun tzo'n̈ niwc vaso, yet'l 'aj tz'em stan̈il c'ac', jun tzo'n̈ yet'l cantil, jun tzo'n̈ niwc cuchara, jun tzo'n̈ 'aj tzchax yal uva tz'ajx ofrendail.