Nehemías 7:65 - Chuj San Sebastian Bible

⁶⁵ Xyaln win gobernador to matz tac' sc'uxn eb' tas to yic Dios yaji, at junc ya'mal 'och sti eb' 'anma 'a Dios 'oj c'anb'noc 'a q'uen Urim yet' 'a q'uen Tumim toto yel yin̈tl eb' ya'mal 'och sti eb' 'anma chi eb'.

Chuj San Mateo Bible

⁶⁵ Ix yalan vin̈ yajal d'a Judá to max yal svaan ixim pan eb' yic Dios yaji, ato junoc vin̈ sacerdote ol c'anb'an d'a Urim yed' d'a Tumim tato yel yin̈tilal eb' vin̈aj Aarón.

Nehemías 7:65 ပူးပေါင်းရင်းမြစ်များ

Esdras 2:63

Xyaln win gobernador to matz tac' sc'uxn eb' tas to yic Dios yaji, at junc ya'mal 'och sti eb' 'anma 'a Dios 'oj c'anb'noc 'a q'uen Urim yet' 'a q'uen Tumim toto yel yin̈tl eb' ya'mal 'och sti eb' 'anma chi eb'.

Nehemías 10:1

A eb' xya'cn 'ejm sb'i 'a ch'an̈ un̈ 'ix stz'ib'x can cha, atn eb' tic: Nehemías yunnal Hacalías, atn win gobernador. Xya'n pax eb' ya'mal 'och sti eb' 'anma 'a Dios yico': atn Sedequías, Seraías, Azarías, Jeremías, Pasur, Amarías, Malquías, Hatús, Sebanías, Maluc, Harim, Meremot, Obadías, Daniel, Ginetón, Baruc, Mesulam, Abías, Mijamín, Maazías, Bilgai yet' Semaías.

Nehemías 7:66

'Ay 42,360 eb' 'anma chi 'a smasnil, palta man̈ 'ayc 'och ewin checab' yet' eb' 'ix checb' stz'acb'oc; a eb' cha, 'ay 7,337 eb' 'a smasnil. Chuc pax yaj eb' tzb'itni, eb' winac yet' eb' 'ix 'ix, 'ay 245 eb'. 'Ay pax 736 scawyu chej eb', yet' 245 smula eb'. 'Ay 435 scameyo eb' yet' 6,720 sb'uru eb'.

Nehemías 7:70

'Ay jun tzo'n̈ eb' yican eb' xyac' yofrenda yuj jun munljel cha; 'ix yac' win gobernador waclajn̈e libra q'uen oro 'a win molm tumin, 50 jom nab'a oro yet' 530 pichl yic eb' ya'mal 'och sti eb' 'anma 'a Dios. Ax eb' yajl yaj 'a yib'n̈ eb' yican, 337 libra q'uen oro 'ix yac' eb' 'a win molm tumn yic jun munljel cha, yet' 2,423 libra q'uen plata. Ax jaywn̈ xo eb' chon̈ab', 'ix yac' eb' 337 libra q'uen oro, 2,423 libra q'uen plata, yet' 67 pichl yic eb' ya'mal 'och sti eb' 'anma 'a Dios.

Nehemías 8:9

Ax Nehemías gobernador yet' Esdras ya'mal 'och sti eb' 'anma 'a Dios, cuywjum paxi, yet' eb' levita cha, xyaln eb' 'ixtc 'a smasnil eb' chon̈ab': A jun c'u tic yic Jehová qui Diosal yaji, man̈ ex cusoc, man̈ ex 'oc'oc, xchi eb' 'a eb', yujto a smasnil eb' chon̈ab', tz'oc' eb' yab'n tas tzyal ch'an̈ ley cha.

Ex 28:30

A 'a yojl te smacl sn̈i sc'ojl cha, ata tz'och chab' xo q'uen q'ue'en, q'uen tzcuch Urim yet' q'uen Tumim: A jun tzo'n̈ q'uen cha, yopiso eb' sch'oxn 'el in nib'b'en; yowlal 'aychn̈ej 'a sn̈i sc'ojl Aarón yic tz'ochch 'a wojltac. 'Ixta wal 'oj yutc Aarón yi'n b'ey jun tzo'n̈ q'uen chi 'a wojltac an Jehová in.

Lv 2:10

Ax jacx jun ofrenda tzcan cha, yic Aarón tz'ajcn yet' eb' yunnal. Caw niwn yel'ch jab'x cha, yujto yitb'eymn̈ej sb'a yet' jun tzo'n̈ ofrenda tz'ajx tz'a 'a wojltac cha.

Lv 2:3

Ax jacx ofrenda tzcan cha, yic Aarón tz'ajcn yet' eb' yunnal. Caw niwn yel'ch jab'x cha, yujto yitb'eymn̈ej sb'a yet' jun ofrenda tz'ajx tz'a 'a wojltac.

Lv 6:17

A jun tzo'n̈ ofrenda cha, matz tz'an̈x yet' yich pan. A jantc to tas tzcan 'a 'a, a tzwac' 'a eb'; a jun tzo'n̈ cha, wicn̈ej yaji, 'icha yaj no xajmb'al tz'ajx yuj mul yet' no xajmb'al tztojn lajwc mul.

Lv 8:8

Ax 'a spatquil te', ata xya'ch pax te smacl yic sn̈i sc'ojol, a 'a te' 'ix ya'ch q'uen Urim yet' q'uen Tumim.

Nm 27:21

A 'a Eleazar ata 'oj yala'. Ax Eleazar a 'oj c'anb'noc 'ayn yu'uj, an xo Jehová in, an 'oj wac' yal q'uen Urim tas 'oj yutc sb'a. Ax Josué a 'oj alnoc, tas yowlal 'oj sb'o eb' 'anma cha, xchi Dios.

Dt 33:8

'Ix yaln 'ixtc 'a yib'n̈ eb' yin̈tl Leví: Mamin Jehová, ec yaj q'uen Tumim yet' q'uen Urim; yic pax eb' winc to yiclum 'ayach, yic 'ix a'lni prowal ewin 'a Masah, ewin xa tej a b'a yet' 'a 'aj 'ay a a 'a Meriba.